416 მომხრე, არც ერთი წინააღმდეგი - რუსეთის სათათბირომ საქართველოსთვის ახალი ეკონომიკური სანქციების დაწესებას მხარი დაუჭირა

416 მომხრე, არც ერთი წინააღმდეგი - რუსეთის სათათბირომ საქართველოსთვის ახალი ეკონომიკური სანქციების დაწესებას მხარი დაუჭირა

access_time2019-07-09 15:22:03

რუსეთის სათათბირომ საქართველოსთვის ახალი ეკონომიკური სანქციების დაწესებას მხარი დაუჭირა - 416 მომხრე, არც ერთი წინააღმდეგი.


ასე გამოეხმაურა დუმა ერთი ჟურნალისტის უხამს მონოლოგს. თუმცა საბოლოო გადაწყვეტილება ვლადიმერ პუტინმა უნდა მიიღოს. უცენზურო მონოლოგის ადრესატმა ახლა უნდა გადაწყვიტოს, დააკისრებს თუ არა მორიგ სასჯელს საქართველოს.


აკრძალვა კი შეეხება ქართული ღვინისა და მინერალური წყლების იმპორტს რუსეთში და საქართველოს მიმართულებით ფულად გადარიცხვებს.


„საქართველოსთვის შესაძლო დამატებითი ეკონომიკური ზომების დაწესების თაობაზე, ანტირუსულ პროვოკაციებთან დაკავშირებით“ - დადგენილების პროექტის დამტკიცებამდე, 9 ივლისს, რუსეთის დუმაში გამართულ სხდომაზე საქართველოსთან მიმართებით მწვავე განცხადებები გაკეთდა.



მოხსენებით გამოსვლისას, საქართველოს ხელისუფლების რეაგირების აუცილებლობაზე ილაპარაკა კომუნისტმა დეპუტატმა, დუმის დსთ-სა და ევრაზიული ინტეგრაციის კომიტეტის თავმჯდომარემ, ლეონიდ კალაშნიკოვმა. მან გამოსვლისას „რუსთავი 2“-ის ეთერში ჟურნალისტ გიორგი გაბუნიას მიერ რუსეთის პრეზიდენტის გინების ფაქტიც მოიხსენია და თქვა, რომ საქართველოში საზოგადოება რეაგირებას ითხოვს.



„ჩვენ ვითხოვთ ღონისძიებებს ჩვენი მოქალაქეების, თანამოქალაქეებისა და რუსეთის სახელმწიფოს დაცვის მიზნით... მორიგი ინციდენტი, რაც მოხდა საქართველოში, ინციდენტსა და პროვოკაციასაც ვერ უწოდებ - თუ არ გიყურებიათ, გირჩევთ, რომ არც უყუროთ. ასეთი საზიზღრობა ცოტას თუ უნახავს... რისი მიღწევა გვინდა ამ განცხადებით?




ზოგი გვეუბნება, ამით ოპოზიციას უგორებთო... არა. ჩვენ შეგნებულად არ ვახსენებთ პროდუქციის სახეობებს (რომლებსაც სანქციები შეიძლება შეეხოს), მაგრამ მოვითხოვთ საქართველოს ხელისუფლებისგან მკაფიო და გასაგებ რეაქციას იმაზე, რასაც მათ საზოგადოება თხოვს... თუ შეამჩნიეთ, გავრილოვთან დაკავშირებითაც საქართველოში საზოგადოება დაახლოებით ორად გაიყო... დღეს ეს საზოგადოება საქართველოს ხელისუფლებისგან რეაგირებას მოითხოვს. ისინი თავად გამოვიდნენ ქუჩაში და ეს არ არის დამახასიათებელი საქართველოს საზოგადოებისთვის, ისევე როგორც ჩვენთვის, ამ სახის ინციდენტები, რაც მოხდა „რუსთავი 2“-ზე. არ მინდა ახლა, რომ ამ პროვოკაციის ტექნიკისა და ტექნოლოგიის დეტალებზე ვილაპარაკო“, - განაცხადა კალაშნიკოვმა.



საქართველოში ფეხმოკიდებულ ანტირუსულ განწყობებზე ლაპარაკისას, კალაშნიკოვმა ასევე გაიხსენა 2019 წლის 26 მაისს ბათუმში მომხდარი ფაქტი, რომელსაც აჭარის განათლებისა და კულტურის მინისტრის პოსტიდან ინგა შამილიშვილის გადაყენება მოჰყვა.



„გთავაზობთ, რომ განცხადებით ჩვენ ხისტი რეაგირება მოვახდინოთ არა კონკრეტულ აქციაზე... სხვათა შორის, ასეთი აქცია საქართველოში ცოტა არ იყო. მაგალითად, ბავშვებმა გაიარეს რუსეთის დროშებით ბათუმში. ამის შემდეგ, სწრაფად მოხსნეს კულტურის მინისტრი და შეშფოთება გამოხატეს ხელისუფლების ოფიციალურმა პირებმა“, - განაცხადა კალაშნიკოვმა.



26 მაისს, საქართველოს დამოუკიდებლობის დღეს, ბათუმში, მემედ აბაშიძის გამზირზე საზეიმო მსვლელობა მოეწყო. მონაწილეებს თან ჰქონდათ რუსეთის ფედერაციის დროშები, ტრანსპარანტები წარწერით - „Russia“ და ისინი „რასიას“ სკანდირებდნენ. მსვლელობა ფესტივალ „ოქროს დელფინის“ ფარგლებში გაიმართა.



9 ივლისს, რუსეთის სათათბიროს სხდომაზე დამტკიცდა დადგენილების პროექტი დუმის განცხადების შესახებ - „საქართველოსთვის შესაძლო დამატებითი ეკონომიკური ზომების დაწესების თაობაზე, ანტირუსულ პროვოკაციებთან დაკავშირებით“. რუსმა დეპუტატებმა მიმართეს მთავრობას, კონკრეტული წინადადებები წარუდგინოს რუსეთის პრეზიდენტს.



„დაუშვებელია ჩვენი ქვეყნის შეურაცხყოფა, მუქარა ჩვენი მოქალაქეების მისამართით, ჩვენი ქვეყნის პრეზიდენტის შეურაცხყოფა“, - განაცხადა 9 ივლისის სხდომაზე რუსეთის სათათბიროს თავმჯდომარემ, ვიაჩესლავ ვოლოდინმა.



დადგენილების ტექსტში ჩამოთვლილი არ არის პროდუქცია, თუმცა ვოლოდინის განმარტებით, საუბარია პირველ რიგში ქართული ღვინისა და წყლის იმპორტის აკრძალვაზე და რუსეთიდან საქართველოში ფულადი გადარიცხვების შეზღუდვაზე.


რადიო თავისუფლება






მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს

მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს
access_time2019-11-15 14:30:45
„დღეის მდგომარეობით, მთლიან შიდა პროდუქტთან მიმართებაში ვალი 45 პროცენტია. 41 პროცენტიდან ზრდა კურსის ვარდნამ გამოიწვია“, – ეს განცხადება საქართველოს ფინანსთა მინისტრმა ივანე მაჭავარიანმა,პარლამენტის სხდომაზე 2020 წლის ბიუჯეტის წარდგენისას გააკეთა. მისი თქმით, ბევრი ევროპული ქვეყანა ისურვებდა, საქართველოს მსგავსად ვალის ასეთი დაბალი მაჩვენებელი ჰქონდეს: „რამდენად საგანგაშოა ამჟამად არსებული ვალის ნიშნული? ჩვენ ვამბობთ, რომ ეს ნიშნული არ არის...

„არცერთ სტრუქტურას პასუხი არ აქვს“ -ცნობილი ექიმი მე-6 დღეა ტყვეობაშია

„არცერთ სტრუქტურას პასუხი არ აქვს“ -ცნობილი ექიმი  მე-6 დღეა  ტყვეობაშია
access_time2019-11-15 16:00:13
საოკუპაციო ხაზთან ცნობილი ტრავმატოლოგის ვაჟა გაფრინდაშვილის დაკავებიდან თითქმის ერთი კვირა გავიდა, თუმცა,ხელისუფლებამ ამ ფაქტის შესახებ  გატაცებიდან მხოლოდ, ოთხი დღის შემდეგ გაავრცელა ინფორმაცია და კონკრეტულად ვერც ის თქვა, რა კეთდება იმისათვის,რომ გაფრინდაშვილი  ცხინვალის იზოლატორიდან გათავისუფლდეს. დღეს კი, ცნობილი გახდა, რომ ოკუპირებული  ახალგორის  სასამართლომ, საქართველოს მოქალაქე ვაჟა გაფრინდაშვილს, ორთვიანი...

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი
access_time2019-11-15 15:09:56
„პროპორციულ საარჩევნო სისტემაზე გადასვლა „ქართული ოცნების“ ინიციატივა იყო თავის დროზე. სწორედ ჩვენი გუნდის ძალისხმევით ჩაიწერა კონსტიტუციაში, რომ 2024 წლიდან არჩევნები სრულად პროპორციული სისტემით გაიმართება“-ამის შესახებ უმრავლესობის ლიდერმა, პარლამენტის თავმჯდომარე არჩილ თალაკვაძემ რამდეიმე წუთის წინ გამართულ ბრიფინგზე განაცხადა.  „ასევე „ქართული ოცნების“ ინიციატივა იყო პროპორციულ საარჩევნო სისტემაზე 2020 წლიდან გადასვლა, რასაც, როგორც ვნახეთ, სამწუხაროდ, დეპუტატთა...

BAG ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ

BAG ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ
access_time2019-11-15 14:00:59
საქართველოს ბიზნეს ასოციაციის (BAG) ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ. შეხვედრის ფარგლებში BAG-იმ გააცნო ექსპერტებს თავიანთი შენიშვნები, ხედვები და რეკომენდაციები ვადიანი შრომითი ხელშეკრულების დადების საფუძვლების შეზღუდვაზე, სტაჟირების დაქვემდებარებაზე შრომის კოდექსით განსაზღვრული სტანდარტებისადმი, ასევე საუბარი შეეხო ზეგანაკვეთური სამუშაო დროის ლიმიტირებების საკითხებს,...

სახელმწიფო სტრუქტურებში სამსახურებრივი უფლებამოსილების ბოროტად გამოყენების ფაქტები 12.07%-ით გაიზარდა

სახელმწიფო სტრუქტურებში სამსახურებრივი უფლებამოსილების ბოროტად გამოყენების ფაქტები 12.07%-ით გაიზარდა
access_time2019-11-15 13:45:46
შინაგან საქმეთა სამინისტროს მონაცემებით, 2019 წლის იანვარ-სექტემბერში სახელმწიფო სტრუქტურებში სამსახურებრივი უფლებამოსილების ბოროტად გამოყენების ფაქტები წინა წლის ანალოგიურ პერიოდთან შედარებით 12.07%-ით გაიზარდა. კერძოდ, შს სამინისტროს ცნობით, მიმდინარე წელს ამ დანაშაულის - 65, ხოლო 2018 წლის იანვარ-სექტემბერში 58 ფაქტი დაფიქსირდა. ზოგადად სამოხელეო დანაშაულის სტატისტიკა კი მიმდინარე წლის 1-ელ ცხრა თვეში გასული წლის ანალოგიურ პერიოდთან შედარებით...


მსგავსი სიახლეები

up