4 შეღავათი, რომელსაც სამშენებლო სექტორი მთავრობისგან ითხოვს

4 შეღავათი, რომელსაც სამშენებლო სექტორი მთავრობისგან ითხოვს

access_time2020-05-15 20:15:32

90%-ით შემცირებული გაყიდვები, გაჩერებული პროექტები და კიდევ უფრო გამძაფრებული ბიუროკრატიული პროცესები. ეს ის საკითხებია, რომელსაც დეველოპერების ნაწილი ყველაზე დიდ გამოწვევად მიიჩნევს და სახელმწიფოს დახმარებასაც ამ მიმართულებით სთხოვს.


კონკრეტულად, რა არის საჭირო იმისთვის, რომ სამშენებლო სექტორმა ინვესტიციების მოზიდვა და საქმიანობის გაგრძელება შეფერხების გარეშე შეძლოს - „რედკოს“ პროექტების მენეჯერი მალხაზ კუნელაური 4 შეღავათს ასახელებს. როგორც ის „ბიზნესპრესნიუსთან“ საუბრისას განმარტავს, ესენია: სესხებზე 3-თვიანი საშეღავათო პერიოდის გახანგრძლივება, საბანკო რეგულაციების დროებით შერბილება, ნებართვების გაცემის პერიოდის შემცირება და დღგ-ს ნაწილში შეღავათების დაწესება.


ცნობისთვის, საგანგებო მდგომარეობის გამო, სამუშაო პროცესი სამშენებლო სექტორსაც შეჩერებული ჰქონდა. თუმცა, მთავრობის დადგენილებით საქმიანობის აღდგენის უფლება 11 მაისიდან მიეცათ.


„ახლა მნიშვნელოვანია გაყიდვების მიმართულებით არსებული ვითარების გამოსწორება. ამიტომ, მე ვფიქრობ, კარგი იქნებოდა, რომ ვისაც ბანკებთან აქვს ვალდებულება, ეს 3-თვიანი საშეღავათო პერიოდი კიდევ გადავადდეს. წლის ბოლომდე მაინც ამ პროცენტის გადახდა რომ არ მოხდეს.



მეორე - მოგეხსენებათ, თავის დროზე საბანკო რეგულაციებით იპოთეკური სესხის გაცემაც ძალიან შეზღუდეს. მესმის, ამას თავისი ახსნა ჰქონდა, მაგრამ მიღებულმა გადაწყვეტილებამ უძრავი ქონების ბაზარზე რყევები მაშინვე გამოიწვია. ახლა წარმოიდგინეთ, დღევანდელ მდგომარეობაში, როდესაც მყიდველი ისედაც რთულად მოსაძებნია, კიდევ დამატებითი ბანკებთან არსებული ბარიერები, როგორ აისახება ბიზნესზე. ამიტომ, ჩემი აზრით, ეს ნაწილი, თუნდაც ამ კრიზისული პერიოდის გამო, დროებით მაინც თუ გაუქმდება, სამშენებლო სექტორს ძალიან დაეხმარება.


მესამე - ნებართვების გაცემა. თქვენ იცით, რომ ბოლო წლების განმავლობაში, ძალიან გართულდა პროექტების დამტკიცება. გასაგებია, ამას თავისი მიზეზი ჰქონდა, რადგან ქაოტური მშენებლობები მიმდინარეობდა და ამის შეზღუდვა იყო საჭირო. მაგრამ მნიშვნელოვანია, რომ იმ პროექტებს, რომელსაც ნებართვას აძლევ, ცოტა მოკლე დროში მოხდეს ამის გაკეთება. როდესაც პროექტზე ნებართვის მიღებას სჭირდება 2 წლამდე პერიოდი, მე ვფიქრობ, ეს ძალიან არაადეკვატური დროა. მაშინ, როდესაც ამის გაკეთება შესაძლებელია 6 თვეშიც.


თუ საჭიროა ამისთვის შეიქმნას რაიმე ზემდგომი მაკონტროლებელი კომისია, რომელთანაც ანგარიშვალდებულნი იქნებიან ის უწყებები, ვინც ნებართვას გასცემენ და არ იყოს მუნიციპალიტეტების და ქალაქების დონეზე მიტოვებული, მაგრამ მოხდეს სწრაფად. დროში გაწელილი ნებართვები, საერთოდ უკარგავს ინტერესს ბიზნესმენსაც და უცხოელ ინვესტორსაც. მაგალითად, მესიჯი რომ იყოს ასეთი - ნახეთ პროექტები, ფული მოიზიდეთ, სამუშაო ადგილები შექმენით და მოკლე დროში გადაგიწყვეტავთ ნებართვის საკითხს, დამიჯერეთ, ძალიან ბევრი პროექტები დაიწყებოდა. იმიტომ, რომ ბოლო 20 წელია, ჩვენ ქვეყანაში ეკონომიკის ზრდის მთავარი მამოძრავებელი კონტრიბუტორი არის სამშენებლო სექტორი. ამიტომაც არის, რომ უცხოელი ინვესტორები სამშენებლო სექტორში უფრო დებენ ფულს, ვიდრე მაგალითად, მძიმე მრეწველობაში ან სხვა დარგში.


და მეოთხე - დღგ-ს ნაწილში შეღავათები. ავტომატური დაბრუნების მექანიზმი, რომელიც გააჟღერა მთავრობამ, ძალიან კარგი იქნებოდა. დაველოდებით, მიიღებენ თუ არა ამას“,-ამბობს მალხაზ კუნელაური.


bpn.ge


თეგები:
მშენებლობა



TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა

TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა
access_time2020-08-03 19:55:48
კიბერ-დამნაშავეებმა 2019 წელს მხოლოდ ბრიტანულ ბიზნეს-კომპანიებს 250 მლნ. დოლარზე მეტი გამოსძალეს. ჰაკერები, ძირითადად  ცნობილ კომპანიებს რუსეთიდან ან აღმოსავლეთ ევროპიდან ვირუსული პროგრამებით უტევენ, შემდეგ კი ქსელებთან წვდომის აღდგენის სანაცვლოდ მათგან მილიონებს ითხოვენ. კომპანიებს მათი პრობლემების გასაჯაროება, მონაცემთა დაკარგვა და რეგულატორების მხრიდან ჯარიმების დაკისრება აშინებთ, ამიტომაც ისინი დღეს უფრო მეტად, ვიდრე გასულ წლებში, ფულის გადახდისთვის მზად...

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ
access_time2020-08-03 15:15:25
საქართველოს საზოგადოებრივი მაუწყებლის ძველი შენობის გასაყიდად გამოცხადებული ელექტრონული აუქციონი კვლავ ვერ შედგა. ის 16 ივლისს დაიწყო და 31 ივლისს უშედეგოდ დასრულდა. ქონების საწყისი ფასი 110 343 600 ლარი იყო. შენობის გასაყიდად ახალი აუქციონი დღეს, 3 აგვისტოს გამოცხადდა. მაუწყებლის ფინანსების და ადმინისტრაციის ბლოკის დირექტორმა ნოდარ ჭიჭინაძემ აღნიშნა, რომ ქონების ფასი 10%-ით შეამცირეს ისევე, როგორც ეს პირველი აუქციონის დასრულების შემდეგ...

„ჩიკორი“ ხეხილის ბაღების გაშენებას გეგმავს

„ჩიკორი“ ხეხილის ბაღების გაშენებას გეგმავს
access_time2020-08-03 16:30:23
კომპანია „ქარელის ხილი“, რომელიც ბაზარზე „ჩიკორის“ ბრენდით არის წარმოდგენილი, სამომავლოდ საკუთარი ბაღების გაშენებას გეგმავს, - განუცხადა „ბიზნესპარტნიორს“ კომპანიის დირექტორმა ანანო ბეჟანიშვილმა. მისი ინფორმაციით, ამ დროისთვის კომპანია ხილს ადგილობრივი ფერმერებისგან იბარებს, პროდუქციის 10% კი საკუთარი ბაღებიდან მიღებული მოსავალია. „ჩვენს საკუთრებაში არსებული ბაღებიდან მაქსიმალურ მოსავალს ვერ ვიღებთ, რადგან ხეხილი ჯერ პატარაა. რამდენიმე წელიწადში მათი მსხმოიარობა...

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს
access_time2020-08-03 10:15:13
რე|ბანკი აგვისტოში 1 წლის ხდება. ბანკმა გასულ წელს მომხმარებლებს სრულიად ინოვაციური საბანკო პროდუქტი შესთავაზა – ტოპ|ქარდი, განვადების შოპინგ ბარათი. ეს რეალურად ეფექტური 0%-იანი განვადების ბარათია, თუკი მყიდველი რე|ბანკის პარტნიორების დაწესებულ ვადებს დაიცავს. ტოპ|ქარდის განვადებით სარგებლობა მხოლოდ რე|ბანკის პარტნიორ ობიექტებში არ არის შესაძლებელი. მომხმარებელს ასევე შეუძლია, 45 დღემდე უპროცენტო გადავადებით, ეფექტური 0%-დან, ივაჭროს ყველგან, მათ შორის, ადგილობრივ და...

საქართველოში უმუშევრობის დონე კორონავირუსის პანდემიის გამო 12%-ით გაიზარდა

საქართველოში უმუშევრობის დონე კორონავირუსის პანდემიის გამო 12%-ით გაიზარდა
access_time2020-08-03 17:40:10
თვითდასაქმებულებზე კომპენსაციის სახით ჯამურად 48 048 300 ლარი, ხოლო დასაქმებულებზე 68 771 800 ლარია გაცემული. ციფრებით ადასტურებს, რომ პანდემიამ, უმუშევრობის დონე 12%-ით გაზარდა. სპეციალისტები ,,რეზონანსთან“ აღნიშნავენ, რომ ეს არ არის სრული სურათი და რეალურად უფრო მძიმე ვითარებაა ქვეყანაში. დასაქმების ხელშეწყობის სახელმწიფო სააგენტოს ინფორმაციით, 31 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები...


მსგავსი სიახლეები

up