4-სეზონიან კურორტად ქცევის გეგმა - დავით კენჭაძე მთავრობას ბაკურიანში აკვაპარკის მოწყობას ურჩევს

4-სეზონიან კურორტად ქცევის გეგმა - დავით კენჭაძე მთავრობას ბაკურიანში აკვაპარკის მოწყობას ურჩევს

access_time2019-08-14 13:00:42

ქართულ „დავოსად“ წოდებული ბაკურიანი როგორ უნდა გახდეს 4 სეზონიანი კურორტი, ამ საკითხზე „კომერსატთან“ უძრავი ქონების საინვესტიციო კომპანია DK Capital-ის გენერალური დირექტორი დავით კენჭაძე საუბრობს. მისი განცხადებით, ამისთვის საჭიროა ბაკურიანის წრეზე დიდი აკვაპარკის მოწყობა. 



მაგალითად, შეიძლება მოხდეს ადგილის 100 წლით პრივატიზირება, გაკეთდეს პროექტი, რომელსაც მთავრობა დასაფინანსებლად ქვეყნის ფარგლებს გარეთ გაიტანს, ან უბრალოდ ინვესტორს მოიძიებს.



„აკვაპარკი ყოველთვის საინტერესოა, ბაკურიანში ზამთარ-ზაფხულ დატვირთვა ისედაც არის, ხოლო შემოდგომაზე და გაზაფხულზე გექნება ფანტასტიური შესაძლებლობა იმისა, რომ მსოფლიოში ან რეგიონში ყველაზე მაგარი აკვაპარკი გქონდეს, ტურისტები კი ამით დააინტერესო. ამით ბაკურიანში კიდევ უფრო გაიზრდება უძრავი ქონების ფასიც,“  აცხადებს კენჭაძე.




მისივე განცხადებით, ინვესტორებისთვის მთავრობა მზა პროექტების წარდგენას უნდა ახდენდეს. მაგალითად, როგორც DK Capital-ის გენერალური დირექტორი განმარტავს, კარგი იქნება, გაკეთდეს ქვეყნის მასშტაბითაც ძალიან ბევრი პროექტი და შემდეგ თითოეულ ლოტად გაიყიდოს ინვესტორებზე.



„თუ ჩვენ ველოდებით იმას, რომ ინვესტორი მოვიდეს და თავად მოიფიქროს სად ჩადოს საქართველოში ფული, მერე შექმნას ბიზნესგეგმა და ასე შემდეგ ეტაპები, ეს რთული და დიდხნიანი პროცესი იქნება. სახელმწიფოს ნაცვლად მე გავაკეთებდი კონკრეტულ საინვესტიციო პროექტს, რომლის გაყიდვაზე მსოფლიოს მასშტაბით ვიმუშავებდი. ანალოგიური უნდა მოხდეს ყველა რეგიონში. განსაკუთრებით ტურისტულ ადგილებში,“-აცხადებს კენჭაძე.



როგორც ცნობილია, 20016 წელს მაშინდელმა პრემიერ-მინისტრმა გიორგი კვირიკაშვილმა განცხადა, რომ ბაკურიანი უნდა ჩამოყალიბდეს ისეთივე რეგიონულ საკონფერენციო ცენტრად, როგორიც დავოსია შვეიცარიაში. მაშიდელი პრემიერ-მინისტრი დარწმუნებული იყო და აცხადებდა, რომ კურორტს ამის ყველანაირი პოტენციალი გააჩნია. მაშინ ასევე ითქვა, რომ ბაკურიანი 4 სეზონიანი კურორტი უნდა ყოფილიყო.


სოფო ქსოვრელი 





საირმის ტყეში რამდენიმემილიონიანი უცხოური ინვესტიციით სამონადირეო მეურნეობა გაშენდება

საირმის ტყეში რამდენიმემილიონიანი უცხოური ინვესტიციით სამონადირეო მეურნეობა გაშენდება
access_time2019-08-19 17:30:56
საირმის ტყეში სამონადირეო კომპლექსის მოწყობის მიზნით რამდენიმემილიონიანი უცხოური ინვესტიცია განხორციელდება. აუქციონი სამონადირეო მეურნეობის სპეციალური ლიცენზიის მოპოვების მიზნით 2...

„ფორსაჟი 9“-ში ქართული წარმოების ჯავშანმანქანა “დიდგორი მეომარი“ გამოჩნდება

„ფორსაჟი 9“-ში ქართული წარმოების ჯავშანმანქანა “დიდგორი მეომარი“ გამოჩნდება
access_time2019-08-19 15:55:25
ჰოლივუდის ფილმის – Fast and Furious 9-ის („ფორსაჟი 9“) ერთ-ერთი ეპიზოდის გადაღებები საქართველოში დღეს დაიწყო.  გადასაღებ მოედანზე ჰოლივუდის ერთ-ერთ ცნობილ ბლოკბასტერში ქართული წარმოების მრავალ ფუნქციური ჯავშანმანქანა “დიდგორი მეომარი“ გამოჩნდება.  ინფორმაცია “კომერსანტს“ თავდაცვის სამინისტროშიც დაუდასტურეს. ადგილობრივი მოსახლეობის მიერ გადაღებულ კადრებშიც ჩანს, როგორი იღებენ ქართული წარმოების მრავალ ფუნქციური ჯავშანმანქანა ერთ-ერთ ყველაზე...

„Gulf Georgia“ „ვისოლ პეტროლიუმ ჯორჯიას” ყიდვას გეგმავს

„Gulf Georgia“  „ვისოლ პეტროლიუმ ჯორჯიას” ყიდვას გეგმავს
access_time2019-08-19 14:30:32
“კომერსანტის“ ინფორმაციით, ბიზნესმენი დავით იაკობაშვილი, რომელიც ამავდროულად  „Gulf Georgia“-ს  უმსხვილესი აქციონერია, „ვისოლ პეტროლიუმ ჯორჯიას” ყიდვას გეგმავს. როგორც “კომერსანტს“ წყარომ განუცხადა მოლაპარაკებები დაახლოებით ერთი წლის წინ დაიწყო. მაშინ ვრცელდებოდა ინფორმაცია, რომ „Gulf“-ი „ვისოლის“ რამდენიმე ავტოგასამართი სადგურების შეძენით იყო დაინტერესებული, ამჟამად კი მოლაპარაკებები მთლიანად „ვისოლ პეტროლიუმ ჯორჯიას” ყიდვაზე...

ბათუმი-ქობულეთის შემოვლით გზაზე არსებულ “შავ წერტილებს“ ადამიანების სიცოცხლე ეწირება - ახალი გზის ერთი წლის სტატისტიკა - 10 დაღუპული, 48 - დაშავებული -

ბათუმი-ქობულეთის შემოვლით გზაზე არსებულ “შავ წერტილებს“ ადამიანების სიცოცხლე ეწირება -  ახალი გზის ერთი წლის სტატისტიკა - 10 დაღუპული, 48 - დაშავებული -
access_time2019-08-19 13:00:19
ბათუმი-ქობულეთის შემოვლით გზაზე წლის განმავლობაში 23 საგზაო შემთხვევა დაფიქსირდა. 10 ადამიანი დაიღუპა, 48 კი დაშავდა. ინფორმაცია რადიო თავისუფლებას შინაგან საქმეთა სამინისტროს საპატრულო პოლიციის დეპარტამენტმა მიაწოდა. ბათუმი-ქობულეთის შემოვლითი გზა 2018 წელს არის აშენებული. საავტომობილო გზების დეპარტამენტში აცხადებენ, რომ გზა გამართულია და მაქსიმალურად არის აღჭურვილი ყველა საჭირო საგზაო ნიშნით. „საქართველოს ალიანსი უსაფრთხო...

ხელისუფლების გაუგებარი სავიზო პოლიტიკის გამო ქვეყანა ტურისტულ პოტენციალს კარგავს - ავიაკომპანია INDIGO-სთან მოლაპარაკებები შეფერხდა

ხელისუფლების გაუგებარი სავიზო პოლიტიკის გამო ქვეყანა ტურისტულ პოტენციალს კარგავს - ავიაკომპანია INDIGO-სთან მოლაპარაკებები შეფერხდა
access_time2019-08-19 10:00:29
„ინდურ ავიაკომპანია INDIGO-სთან, რომელსაც ადგილობრივ ბაზარზე 43% უკავია საქართველომ მოლაპარაკებები განაახლა. როგორც „კომერსანტს“ TAV Georgia-ს წარმომადგენელმა განუცხადა, ქართულ მხარესა და ინდურ ავიაკომპანიას შორის კომუნიკაცია რამდენიმე დღის წინ შედგა. „თუმცა, საბოლოოდ მაინც არ არის გადაწყვეტილი  INDIGO წელს დაიწყებს ფრენას საქართველოში თუ არა 2020 წლიდან,“ - აცხადებენ TAV Georgia-ში. ინდურ...


მსგავსი სიახლეები

up