4 მთავარი მიღწევა: ტურიზმის ადმინისტრაციის ხელმძღვანელმა თანამდებობაზე ყოფნის წელიწადი და 8 თვე შეაჯამა

4 მთავარი მიღწევა: ტურიზმის ადმინისტრაციის ხელმძღვანელმა თანამდებობაზე ყოფნის წელიწადი და 8 თვე შეაჯამა

access_time2020-10-04 18:30:00

ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა, თანამდებობაზე ყოფნის წელიწადი და 8 თვე შეაჯამა. ამის შესახებ ინფორმაციას ტურიზმის ეროვნული ადმინისტრაცია ავრცელებს.



მარიამ ქვრივიშვილმა ოთხი მნიშვნელოვანი მიღწევა გამოყო: ბაზრების დივერსიფიკაცია, მსოფლიოს ერთ-ერთ უდიდეს ტურისტულ გამოფენაზე „ITB- ბერლინი“ 2022 წლისთვის მასპინძელი ქვეყნის სტატუსის მოპოვება, კერძო სექტორთან მჭიდრო თანამშრომლობა და ადმინისტრაციის ინსიტიტუციური გაძლიერება. 



„პირველი და უმთავრესი არის ის, რომ განსაკუთრებული ცვლილება შევიტანეთ ბაზრების დივერსიფიკაციის კუთხით, ეს არის გრძელვადიანი, ამ კუთხით ბევრი რაღაც გაკეთდა. ჩვენ ფაქტობრივად 2019 წელს შევცვალეთ მარკეტინგული აქტივობების განხორციელების გზები, ბიუჯეტი გადაიხედა და საკმაოდ ამბიციური გადაწყვეტილება იყო. გადავწყვიტეთ რომ ცოტა უფრო გრძელ ვადაზე შეგვეხედა და ინვესტირება, მარკეტინგული სახსრები მიგვემართა ისეთი ქვეყნებისკენ, როგორიც არის ევროკავშირის ქვეყნები, აშშ დაე.წ. შორი მანძილის ქვეყნები, ისევე როგორც სპარსეთის ყურის ქვეყნები. და რატომ? იმიტომ რომ ჩვენ ქვეყანაში გვაქვს გაცხადებული პოლიტიკა, რომ გვინდა მეტი მხარჯველუნარიანი ტურისტი, რაც ნიშნავს მეტ ეკონომიკურ სარგებელს ამ ინდუსტრიიდან. შესაბამისად, ჩვენ გვჭირდება ტურისტული პოტენციალის პოპულარიზაცია ამ ქვეყნებში. შედეგად 2019 წელი იყო სრულფასოვნად ამ მიმართულებით დიდი სამუშაოს გატარების წელი. მოხარული ვარ, რომ ჩვენ ამ შედეგების ამონაგები ვნახეთ 2019 წელსაც და ეს გადმოვიდა 2020 წლის იანვრის თვეშიც, როდესაც გვქონდა უპრეცედენტოდ მაღალი ზრდის ტემპი.




მეორე, რასაც გამოვყოფდი არის ისტორიული გამარჯვება, ეს არის ITB-ზე – მსოფლიოში ყველაზე ძლიერ, რეიტინგულ და მსხვილ ტურისტულ გამოფენაზე ჩვენი ქვეყნის წარმატება, რომ ჩვენ მოვიპოვეთ მასპინძელი ქვეყნის სტატუსი. ქვეყანას არა აქვს ხშირად იმის საშუალება, რომ ასეთი ფორმით წარმოადგინოს თავისი თავი. ეს არის წვდომა მთელი მსოფლიოს ყველაზე სტრატეგიულ კერძო სექტორის წარმომადგენლებთან, მედიასთან და ჩვენ ამ გამარჯვებით ფაქტობრივად მივიღეთ დაახლოებით 25 მლნ. ევროს ღირებულების მარკეტინგული კამპანია. ანუ ერთხელ და სამუდამოდ ქვეყნის ცნობადობა საერთაშორისო არეალზე აღარ იქნება გამოწვევა.



მესამე – გამოვიყენებ კერძო სექტორის შეფასებას და ჩავთვლი რომ მიღწევაა. ჩვენიძლიერი მხარე გახდა კერძო სექტორთან მჭიდრო თანამშრომლობა. ამას ჰქონდა ყოველდღიური ფორმა და მიხარია, რომ ბევრი გადაწყვეტილება კერძო სექტორთან ერთად მივიღეთ. რა თქმა უნდა, ხშირი იყო დისკუსიები, დებატები და კრიტიკა, მაგრამ საბოლოო ჯამში, მე ყოველთვის ვიცავდი კერძო სექტორის ინტერესებს, ვცდილობდი, რომ გამეტარებინა მათი პოლიტიკა საჯარო უწყებაში, იმიტომ რომ გულწრფელად მჯერა, რომ ტურიზმის ინდუსტრია კერძო სექტორის ინდუსტრიაა.    



და მეოთხე – მიღწევად ჩავთვლიდი თავად ტურიზმის ადმინისტრაციის უწყებრივ დაინსტიტუციურ გაძლიერებას“-განაცხადა მარიამ ქვრივიშვილმა.



მარიამ ქვრივიშვილი ტურიზმის ეროვნულიადმინისტრაციის ხელმძღვანელის პოზიციასერთი წლისა და რვა თვის განმავლობაში იკავებს.





ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up