კომპანია “ჰაუსი” ყიდის ჭკვიან სახლებს, რომლებსაც გააჩნიათ დაცვა ვირუსებისგან. “ჰაუსის” სახლები იყიდება მზა, სრულიად კეთილმოწყობილი, მზის ენერგიის გამოყენებისა და წყლის გადამუშავების ტექნოლოგიით. არ სჭირდება არც სპეცილიზირებული საძირკვლები, არც ინსტალაციის პროცესები. კომპანია ირწმუნება, რომ სახლი შესაძლოა დაიდგას ნებისმიერ ბრტყელ მიწის ზედაპირზე.
სახლი შედგება შუშისა და გლუვი თეთრი კედლებისგან, დიზაინი ფუტურისტულ სტილშია შესრულებული. Მისი ყველა ასპექტის კონტროლი შესაძლებელია აპლიკაციით: ტემპერატურის, ტენიანობის და ასევე გამოყენებული ენერგიის.
მიუხედავად იმისა, რომ სახლების გაყიდვა არ არის დაგეგმილი ოქტომბრამდე, კომპანიას უკვე 19,000 მყიდველის მოთხოვნა აქვს და 40-მდე წინასწარი შეკვეთა. “ჰაუსი” თავის პირველ ერთეულებს სექტემბერში გამოავლენს, ამდროს დაინტერესებულ მყიდველებს შეეძლებათ “ჭკვიანი სახლების” ხილვა და დატესტვა.
“ჰაუსის” ჭკვიანი სახლების კორპუსი შედგება 3D პრინტერით დაბეჭდილი კედლებისა და შუშისგან. კომპანიის თქმით მათი სახლების პოლიმერული ჩარჩო გაუძლებს მიწისძვრებსა და ქარიშხლებს. სახლებს შეუძლიათ მინიმუმ 365 დღე იმუშაონ ფილტრების გამოცვლის გარეშე, ყველაზე პატარა მოდელის ფართობი შეადგენს 121 კვადრატულ მეტრს და იდეალურია ორი ადამიანისთვის. ყველაფერი სახლის შიგნით - ავეჯის, ტექნიკისა და ღვინის ჭიქების ჩათვლით მოყვება სახლს, მყიდველებს ასევე შეუძლიათ შეარჩიონ სახლის დიზაინი და ფერები. “ჰაუსის” ჭკვიანი სახლებს შეუძლიათ პოტენციურად იმუშავონ მხოლოდ მზის ენერგიაზე. კომპანია ასევე ირწმუნება, რომ მათი სახლები ტყვიაგაუმტარი და ზომბგამძლეა. სახლის საკეტის გახსნა შესაძლებელია თითის ანაბეჭდით ან სახის ამოცნობის სისტემით. აღნიშნულ სახლებს გააჩნიათ წყლის ავზი, რომელიც შესაძლოა აივსოს ნებისმიერი წყაროდან, ასევე ბატარეა, რომელსაც შეუძლია სახლის უზრუნველყოფა ელექტრო ენერგიით ერთი კვირის განმავლობაში.
“ჰაუსის” ჭკვიანი სახლების ფასი იწყება 199,000$ აშშ დოლარიდან მიტანის სერვისის ფასის ჩათვლით.
ბიზნესინსაიდერი
ლუკა კობიძე