37,7 მლნ ლარით გაზრდილი შემოსავალი - რა მოგებაზე მუშაობს საქართველოში კომპანია  TAV-ი

37,7 მლნ ლარით გაზრდილი შემოსავალი - რა მოგებაზე მუშაობს საქართველოში კომპანია TAV-ი

access_time2019-10-23 14:12:06

საქართველოში ტურისტების რაოდენობის ზრდა თბილისის და ბათუმის საერთაშორისო აეროპორტების მმართველი  კომპანიის „ტავ ურბან ჯორჯიას“ შემოსავალზეც აისახა. კომპანიის ანგარიშგების მიხედვით, 2018 წელს „ტავ“-ის შემოსავალმა 250,976 მლნ ლარი შეადგინა, რაც 37,704 მლნ ლარით (17,5%) მეტია 2017 წლის მაჩვენებელთან შედარებით (214,272 მლნ ლარი).


ამასთან, კომპანიის ანგარიშგების მიხედვით, 32,331 მლნ ლარით გაიზარდა საოპერაციო საქმიანობიდან მიღებული მოგებაც და 2018 წელს 183,616 მლნ ლარი შეადგინა (2017 წელი - 156,652 მლნ ლარი). 7,450 მლნ ლარით (4,7%) გაიზარდა „ტავ ურბან ჯორჯიას“ წლის მოგებაც და 164,102 მლნ ლარი შეადგინა. მოგების გადასახადის სახით კი შარშან „ტავმა“ 23,166 მლნ ლარი გადაიხადა.


„ტავ ურბან ჯორჯია“ შემოსავალს იჯარით გაცემული ფართებისგან, პარკირებისგან და ა.შ. იღებს. 2018 წლის ბოლოს თბილისის აეროპორტში ავიაკომპანიების ოფისების, სტენდებისა და კომერციული ობიექტების რაოდენობამ ჯამში გადააჭარბა 100 ერთეულს (გაფრენისა და ჩამოფრენის ორივე ტერმინალში ერთად). ამ ტიპის საიჯარო შემოსავლებში ზრდამ წინა წელთან შედარებით კი 27%. შეადგინა. ამასთან, ანგარიშგების მიხედვით, Duty Free და კვების ობიექტების კონცესიის შემოსავლები 15% და 24% გაიზარდა 2017 წლიდან 2018 წლისთვის. კომერციული და საავიაციო ობიექტების იჯარის შემოსავლები 20% და 22%-ით გაიზარდა 2018 წელს 2017 წელთან შედარებით, რასაც „ტავში“ ახალი ავიაკომპანიების დამატებას და აეროპორტის დატვირთულობის ზრდას უკავშირებენ.


“ტავ ურბან ჯორჯიას” 250,976-მილიონიანი შემოსავლები კონკრეტული მიმართულებების მიხედვით ასე ნაწილდება:



შემოსავალი ავიამომსახურებიდან - 153,553 მლნ ლარი, ზრდა წინა წელთან 19%;
შემოსავალი სახმელეთო მომსახურებიდან - 61,517 მლნ ლარი, ზრდა წინა წელთან 12,7%;
დაუბეგრავი სავაჭრო მაღაზიების კონცესიის საკომისიო მოსაკრებელი - 16,770 მლნ ლარი, ზრდა წინა წელთან 15,4%;
შემოსავალი ფართობის განაწილებიდან - 7,049 მლნ ლარი, ზრდა წინა წელთან 20,9%;
საკვები პროდუქციით ვაჭრობის სივრცის კონცესიის საკომისიო მოსაკრებელი - 2,768 მლნ ლარი, ზრდა წინა წელთან 24%;
შემოსავალი ავტომანქანის პარკირების მომსახურებიდან - 3,249 მლნ ლარი, ზრდა წინა წელთან 8,5%
შემოსავალი ბიზნეს-სალონის მომსახურებიდან - 2,561 მლნ ლარი, ზრდა წინა წელთან 29,7;
სხვა შემოსავალი - 3.509 მილიონი ლარი, ზრდა წინა წელთან 12.4%.


შემოსავლებისა და მოგების ზრდის პარალელურად, 2018 წელს „ტავ ურბან ჯორჯიაში“ გაიზარდა დასაქმებულთა რაოდენობაც. საანგარიშო პერიოდში კომპანიაში სულ 729 ადამიანი იყო დასაქმებული (2017 წელს - 659), საიდანაც 729 არის საქართველოს მოქალაქე, 8 - უცხოეთის. ამავე წელს თანამშრომლების ანაზღაურებაზე კომპანიამ 18,546 მლნ ლარი დახარჯა, კვებაზე - 2,642 მლნ ლარი, დაზღვევაზე - 454 ათასი ლარი და ა.შ. სულ თანამშრომლებზე გაწეულმა ხარჯმა 2018 წელს 21,887 მლნ ლარი შეადგინა.


„ტავ ურბან საქართველო“ არის TAV Airports Holding ჯგუფის წევრი, რომელმაც საქართველოში ოპერირება 2005 წელს დაიწყო და განახორციელებს საქმიანობას 2027 წლამდე საქართველოს აეროპორტების გაერთიანებასთან არსებული ხელშეკრულების ფარგლებში. 2018 წლის განმავლობაში თბილისის საერთაშორისო აეროპორტის მგზავრთა რაოდენობამ 3,808,650 შეადგინა, რაც 2017 წლის ანალოგიური პერიოდის მაჩვენებელს 20%-ით აღემატება.


bpn.ge





საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს

საავიაციო სფეროს ახალი მოთამაშე შეემატა – Aero Georgia Group-ი რამდენიმე მიმართულებით იმუშავებს
access_time2019-11-15 18:17:34
საავიაციო სფეროს ახალი მოთამაშე შეემატა. ავიაკომპანია Myway Airlines-ის ყოფილმა მეწილემ და კომერციულმა დირექტორმა იგორ აფციაურმა თანამოაზრეებთან ერთად კომპანია Aero Georgia Group-ი ჩამოაყალიბა, რომელიც რამდენიმე მიმართულებით იმუშავებს, თუმცა მისი საქმიანობა მაინც ავიაციასთან იქნება მჭიდრო კავშირში. იგორ აფციაური ამბობს, რომ ავიაციის სფეროში მომუშავე საკუთარი კომპანიის დაფუძება დიდი ხანია სურდა. ქართული ავიაკომპანია Aero Georgia Group-ი საქმიანობა...

ოცდაექვსს მინუს ერთი - ჯანდაცვის სატარიფო რეფორმა, რომელიც მხოლოდ „ევექსისთვისაა“ მისაღები

ოცდაექვსს მინუს ერთი - ჯანდაცვის სატარიფო რეფორმა, რომელიც მხოლოდ „ევექსისთვისაა“ მისაღები
access_time2019-11-15 17:30:21
რამდენიმე დღის წინ კლინიკა „გულის“ დამფუძნებელმა ანზორ მელიამ „კომერსანტს“ განუცხადა, რომ სამედიცინო სფეროს წამყვანი სპეციალისტები იმ რეფორმის გადავადებას ითხოვენ, რომლის მიხედვითაც საყოველთაო ჯანდაცვის პროგრამაში ჩართული კლინიკებისთვის ერთიანი ტარიფი ამოქმედდება. როგორც მელიამ განგვიცხადა, პრემიერ მინისტრს, საქართველოს პარლამენტის თავმჯდომარეს, ჯანდაცვის კომიტეტის თავმჯდომარეს, ჯანდაცვის...

მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს

მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს
access_time2019-11-15 14:30:45
„დღეის მდგომარეობით, მთლიან შიდა პროდუქტთან მიმართებაში ვალი 45 პროცენტია. 41 პროცენტიდან ზრდა კურსის ვარდნამ გამოიწვია“, – ეს განცხადება საქართველოს ფინანსთა მინისტრმა ივანე მაჭავარიანმა,პარლამენტის სხდომაზე 2020 წლის ბიუჯეტის წარდგენისას გააკეთა. მისი თქმით, ბევრი ევროპული ქვეყანა ისურვებდა, საქართველოს მსგავსად ვალის ასეთი დაბალი მაჩვენებელი ჰქონდეს: „რამდენად საგანგაშოა ამჟამად არსებული ვალის ნიშნული? ჩვენ ვამბობთ, რომ ეს ნიშნული არ არის...

„არცერთ სტრუქტურას პასუხი არ აქვს“ -ცნობილი ექიმი მე-6 დღეა ტყვეობაშია

„არცერთ სტრუქტურას პასუხი არ აქვს“ -ცნობილი ექიმი  მე-6 დღეა  ტყვეობაშია
access_time2019-11-15 16:00:13
საოკუპაციო ხაზთან ცნობილი ტრავმატოლოგის ვაჟა გაფრინდაშვილის დაკავებიდან თითქმის ერთი კვირა გავიდა, თუმცა,ხელისუფლებამ ამ ფაქტის შესახებ  გატაცებიდან მხოლოდ, ოთხი დღის შემდეგ გაავრცელა ინფორმაცია და კონკრეტულად ვერც ის თქვა, რა კეთდება იმისათვის,რომ გაფრინდაშვილი  ცხინვალის იზოლატორიდან გათავისუფლდეს. დღეს კი, ცნობილი გახდა, რომ ოკუპირებული  ახალგორის  სასამართლომ, საქართველოს მოქალაქე ვაჟა გაფრინდაშვილს, ორთვიანი...

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი
access_time2019-11-15 15:09:56
„პროპორციულ საარჩევნო სისტემაზე გადასვლა „ქართული ოცნების“ ინიციატივა იყო თავის დროზე. სწორედ ჩვენი გუნდის ძალისხმევით ჩაიწერა კონსტიტუციაში, რომ 2024 წლიდან არჩევნები სრულად პროპორციული სისტემით გაიმართება“-ამის შესახებ უმრავლესობის ლიდერმა, პარლამენტის თავმჯდომარე არჩილ თალაკვაძემ რამდეიმე წუთის წინ გამართულ ბრიფინგზე განაცხადა.  „ასევე „ქართული ოცნების“ ინიციატივა იყო პროპორციულ საარჩევნო სისტემაზე 2020 წლიდან გადასვლა, რასაც, როგორც ვნახეთ, სამწუხაროდ, დეპუტატთა...


მსგავსი სიახლეები

up