300

300

access_time2021-07-05 09:55:24

წელს ოქტომბერში იუბილე მაქვს - ზუსტად 30 წლის გახდება ჩემი , როგორც მძღოლის ისტორია.  როცა პირველად დავჯექი საჭესთან, 13 წლის ვიყავი. მას შემდეგ უამრავი ბრენდის  მანქანა მიტარებია. გემოვნება და მოთხოვნილებები ასაკთან ერთად იცვლებოდა. და ბოლოს მივედი სკუტერამდე - პატარა, ეკონომიურ ტრანსპორტამდე.


როცა კომერსანტში გადაწყდა, რომ  ტოიოტას ლენდკრუიზერ 300-ის პრეზენტაციაზე უნდა წავსულიყავი, დავიწუწუნე - კარგი რა, რა ლენდკრუიზერი, რა 300 და რა ამხელა გემივით მანქანამეთქი.  ხოდა, ასეთი წინასწარი განწყობით წავედი   რუსთავში.


სანამ მანქანის დასატესტად დამიძახებდნენ შევეცადე მეტი გამეგო ამ სიახლეზე.



ნინო გაგუა - ტოიოტა ცენტრი თბილისის გაყიდვების დეპარტამენტის ხელმძღვანელი:



ვერ ავცდებით 70 წლიან ისტორიას, რომელიც ლენკრუიზერმა შექმნა და ამ წლების განმავლობაში, დაიმკვიდრა სტატუსი - ყველგან მავალი. ვიქნები ობიექტური და ვიტყვი, რომ  უგზოობაში იშვიათად თუ შევძლებთ გამოვუნახოთ კონკურენტი ლენკრუიზერს. თუმცა ახლა სულ სხვა სტატუსით შემოდის ეს მოდელი - იყოს ძალიან კომფორტული ყველგანმავალი - ასფალტიან გზაზე. ლენკრუიზერ 300 სწორედ ამისთვის შეიქმნა TNGA პლატფორმაზე. უფრო გასაგებად რომ ვთქვა, პირველ რიგში, გაუმჯობესებულია  აერო დინამიკა; სიმძიმის ცენტრი არის დაწეული,რაც საშუალებას გვაძლევს სულ სხვაგვარად ვიგრძნოთ მანაქანა, როგორც უგზოობისას, ასევე ასფალტიან გზაზეც. ახლადშექმნილი, ბენზინის 3,5 კუბატურის ბიტურბო ძრავი; 10 სიჩქარიანი გადაცემათა კოლოფი; მანქანას დაემატა სხვადასხვა საფარის გზებზე (სველი, მოყინული და ა.შ.) სიარულის ფუნქციები, რომლის მენიუს მართვაც ბევრად მარტივია, წინა მოდელებთან შედარებით.რადგან, თითოეული ეს ფუნქცია  ელექტრონულად აქტივირდება. მთლიანად შეიცვალა და გაუმჯობესდა სამუხრუჭე სისტემა; მანქანას მოსახვევში ფაქტობრივად არანაირი რყევა არ აქვს; აქსელერაცია, როგორც ძრავის, ასევე სიჩქარის კოლოფის ხარჯზე, მძღოლისთვისაც და მგზავრებისთვისაც შეგრძნების დონეზე თვალში საცემია. ამის კიდევ ერთი მიზეზი არის ის, რომ მანქანა არის 200 კილოგრამით მსუბუქი ლენკრუიზერ 200-თან შედარებით - ალუმინის დეტალების ხარჯზე;


1-ლი ივლისიდან მომხმარებელს უკვე შეუძლია ლენდ კრუიზერი 300-ის ხილვა და შეძენა „ტოიოტა ცენტრი თბილისის“ შოურუმში.

 

ინტერევიუს დასრულებისას, მასპინძლებმა შემომთავაზეს, წინა მოდელის, ლენკრუიზერ 200-ის დატესტვა. თან , უბრალო კონფიგურაციის კი არა - EXCALIBUR-ის. 
დავჯექი.
წინ 300 მიდიოდა და მივყვებოდი მეც უკან. ერთ ადგილზე მითხრეს, გააჩერე და  სიჩქარის აკრეფაში შევეჯიბროთო.
თავდაჯერებულად დავდექი სტარტზე, რადგან  „ჩემსას“ 4,6 ჰქონდა ძრავი.
3, 2, 1 - წავედით!
და 2 წამში ლენკრუიზერ 300 გაქრა, თითქოს გაფრინდა.
წაგებას ვერ ვიტან. ამიტომ უკვე იმაზე ვფიქრობდი, 300-ს როდის გავტესტავდი. ალბათ სახეზეც შემეტყო ეს ემოცია და მაშინვე 300-ის საჭესთან აღმოვჩნდი.
უკვე სულ სხვა წინასწარგანწყობით მივუახლოვდი. თითქოს პატივისცემით და ამავდროულად სიხარულით.
ჩავჯექი.



დავქოქე.


დავიძარი, ნელა და ფრთხილად.
მინდოდა გემო გამესინჯა და არაფერი გამომპარვოდა.
პირველივე მოხვევისას მივხვდი, რომ  ეს ამხელა ყველგანმავალი, სედანივის შესრიალდა მოსახვევში. ცოტა მოვუმატე სიჩქარეს, მაგრამ  არანაირი განსხვავება - მანქანას არაფერი ეტყობა საერთოდ, ისე შედის ძალიან მკვეთრ მოსახვევში.
გაბადრული სახით ვზივარ და ვფიქრობ - ეჰ, ნიკა, წარმოდგენა არ გქონია არაფერზე და ტყუილში გიცხოვრია ამდენი წელი!
დავუდექი გვერდით ჩემს „წინა „ მანქანას და უკვე აჩქარებაში შევჯიბრე.

აი , ძმაო მანქანა, აი აჩქარება და თან არანაირი დისკომფორტი. თითქოს სპორტული ავტოა, რომელიც იმისთვისაა შექმნილი, რომ ასეთ ტრასებზე ატარონ პილოტებმა.
და უცებ ვიგრძენი, რომ თურმე ადამიანსა და მანქანას შორისაც არსებობს „ერთი ნახვით შეყვარება“.
უცებ მომინდა, რომ ბევრი ადამიანისთვის მეთქვა, მალე გაიცნონ, შეიყვარონ, შეიძინონ და კიდევ ერთხელ შეიყვარონ ლენდკრუიზერ 300.


თეა მანჯავიძე - ტოიოტა ცენტრი თეგეტას და ტოიოტა ბათუმის წარმომადგენელი:


1-ლი ივლისიდან, ტოიოტა ცენტრი თეგეტას და ტოიოტა ბათუმის შოურუმებში გამოჩნდა ლენდკრუიზერ 300. მომხმარებლებსაც უკვე აქვთ ტესტ-დრაივის შესაძლებლობა, რათა თავად  გამოსცადონ ის შეგრძნებები, რაც თქვენ დღეს იგრძენით. გადაწყვეტილების მიღების შემთხვევაში კი შეუძლიათ შეიძინონ. შეძენის პროცესიც, ამ მოდელივით  მაქსიმალურად მარტივი და კომფორტულია - ნაღდი ანგარიშსწორება,ლიზინგი, საბანკო განვადება.
და რაც მთავარია - თრეიდ ინ პირობა, ანუ მომხმარებელს შეუძლია ნებისმიერი მარკის და მოდელის მანქანა მოიყვანოს და მხოლოდ სხვაობის გადახდა მოუწევს, რომ შეიძინოს ლენკრუიზერ 300.
5 წლიანი გარანტია და ტოიოტას ექსკლუზიური დაზღვევა „კასკო“  კიდევ უფრო თავდაჯერებულად მიაღებინებს  ამ გადაწყვეტილებას,  შეძენის ნებისმიერ მსურველს.


ასე დასრულდა ჩემი და ლენდკრუიზერ 300-ის პირველი შეხვედრა და განშორებისას 100 %-ით გულწრფელად წავუღიღინე - „მშვიდობით არა - ნახვამდის!“



ნიკა ქავთარაძე






დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up