ტური ერთი ლიეტუველი ტურისტისთვის -  თბილისში წითელი ტურისტული ავტობუსი დაბრუნდა

ტური ერთი ლიეტუველი ტურისტისთვის - თბილისში წითელი ტურისტული ავტობუსი დაბრუნდა

access_time2020-10-09 12:00:06

17 მარტის შემდეგ დედაქალაქის ქუჩებში ყველასთვის კარგად ნაცნობი ორსართულიანი წითელი ავტობუსები არავის უნახავს, თუმცა ცოტა ხნის წინ city tour-ის ღია ავტობუსი, რომელიც ტურისტებს ემსახურება, კვლავ გამოჩნდა. როგორც ტურისტულ კომპანიაში „კომერსანტს“ განუმარტეს, ისინი ცდილობენ ქართველებისთვისაც მოაწყონ დედაქალაქის ტურები, თუმცა ხშირად, ტურს მხოლოდ ერთი უცხოელისთვის აორგანიზებენ. სააგენტომ რამდენიმე დღის წინ, 30 კაციანი ავტობუსით თბილისი ერთ ლიეტუველ ტურისტს დაათვალიერებინა.


„პანდემიის გამო, თვეობით გაჩერებული ვიყავით, თუმცა 25 სექტემბერიდან გამოვიყვანეთ ჩვენი წითელი ავტობუსი და 15  ლარად ვასეირნებთ ქართველებს.  წაგებაში ვართ, მაგრამ მაინც მინდა, რომ ვიმუშავოთ. ეს  ავტობუსი  დავაყენე იმის  საჩვენებლად, რომ  ჩვენ არსად გავმქრალვართ. პანდემიამდე 7 ოფისი გვქონდა, მაგრამ ახლა მხოლოდ ერთი დავიტოვეთ , რადგან 17 მარტის შემდეგ ფაქტობრივად,  ჩეკი არ ამოგვრტყამს. მყავდა 120 თანამშრომელი, ახლა 5-6 კაცი ვცდილობთ, რომ ნელ-ნელა ისევ აღვადგინოთ მუშაობა.


სულ 13 ერთეული ტრანსპორტი მყავს -  ამჟამად  მხოლოდ  ერთი მუშაობს, მაგალითად  დღეს  ერთი კაცი  მოვიდა, ლიეტუველი და მხოლოდ ის ვასეირნეთ, ეს მაშინ როდესაც კოვიდ-19 მდე დღეში 200-300 ტურისტი გვყავდა,“ - ამბობს City Tour-ის დამფუძნებელი გერმან ჭელიძე.


 

კომპანია City Tour-ი  2019  წელს დაახლოებით 80 000 ტურისტს მოემსახურა,  აქვს დედაქალაქის, ყაზბეგის, კახეთის ერთდღიანი თუ ორდღიანი ტურები. როგორც კომპანიაში განმარტავენ, გასული წლის ბრუნვა 5 მილიონი ლარი იყო, რომელიც ახლა ფაქტობრივად განულდა. კომპანიას 13 ერთეული ტრანსპორტი ჰყავს, რომელთაგან ამჟამად მხოლოდ ერთი მუშაობს.

 

„ჩვენ ვცდილობთ, რომ ქართულ ბაზარს მოვერგოთ,  გვაქვს რეკლამა და ამიერიდან ორსართულიანი ავტობუსით გასეირნება 15 ლარი ეღირება.  2 სართულიანი ავტობუსში ყველას ერთჯერადი  ყუსასმენები ექნება, რეკომენდაცების გათვალისწინებით ყველას დაურიგდება პირბადე, ტურის ხანგრძლივობა არის საათ-ნახევარი და ქართულ ენაზე ჩატარდება. იქნებ  შაბათ-კვირას ბავშვები მაინც გაასეირნოს ვინემ. დიდი მოლოდინი  არ მაქვს, მაგრამ არ მინდა ხალხმა დაგვივოწყოს, რადგან უკვე 6  წელია ბაზარზე ვართ,“ - ამბობს გერმან ჭელიძე.


მარიამ მორგოშია


თეგები:
city tour



სებ–მა მონეტარული პოლიტიკის განაკვეთი 0.5%–ით 10%–მდე გაზარდა

სებ–მა მონეტარული პოლიტიკის განაკვეთი 0.5%–ით 10%–მდე გაზარდა
access_time2021-08-04 12:22:42
საქართველოს ეროვნული ბანკის (სებ) მონეტარული პოლიტიკის კომიტეტმა 4 აგვისტოს სხდომაზე რეფინანსირების განაკვეთის 0.5 პროცენტული პუნქტით გაზრდის გადაწყვეტილება მიიღო. მონეტარული პოლიტიკის განაკვეთი 10.0 პროცენტით განისაზღვრა. ამის შესახებ ინფორმაციას ეროვნული ბანკი ავრცელებს. სებ–ის ცნობით, ბოლო პერიოდში ინფლაცია გლობალური გამოწვევაა და ივლისის თვის ფასების ზრდის მონაცემმა არაერთ ქვეყანაში პროგნოზირებულს გადააჭარბა. საქართველოშიც ივლისის...

ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

როგორ აპატარავებს ინფლაცია ხელფასს

როგორ აპატარავებს ინფლაცია ხელფასს
access_time2021-08-04 13:00:55
ინფლაციის განაკვეთმა ივლისში ბოლო 10 წლის რეკორდი მოხსნა და 11.9%-ს მიაღწია. პირველადი მოხმარების თითქმის ყველა პროდუქტზე, გასული წლის ანალოგიურ პერიოდთან შედარებით, ფასების ორნიშნა პროცენტული ზრდა დაფიქსირდა, რაც იმას ნიშნავს, რომ ის ადამიანები, რომელთა შემოსავალიც ლარში უცვლელად შენარჩუნდა, რეალურად გაღარიბდნენ. 2021 წლის ივლისის 1000 ლარი მსყიდველუნარიანობით გასული წლის ივლისის 895 ლარს გაუტოლდა. საბაზრო ეკონომიკის პირობებში რაიმე ნივთსა თუ მომსახურებას აბსოლუტური...

თემურ ჭყონია: გახარიას ბიზნესწრეებში ცუდი რეპუტაცია არ ჰქონია

თემურ ჭყონია: გახარიას ბიზნესწრეებში ცუდი რეპუტაცია არ ჰქონია
access_time2021-08-04 12:00:55
თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.   „ნორმალური ბიზნეს-ომბუდსმენი იყო, არ მახსენდება შემთხვევები, ვინმეს რამე შეპირებოდა და არ შეესრულებინა. შეიძლება იყო ასეთი ფაქტები, მაგრამ ჩემთვის უცნობია. როგორც წესი, ბიზნესომბუდსმენი ხელისუფლების მიერ ინიშნება, მაგრამ მისი...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...


მსგავსი სიახლეები

up