როგორ და რა თანხად ვიზეიმებთ დამოუკიდებლობის 100 წლისთავს

როგორ და რა თანხად ვიზეიმებთ დამოუკიდებლობის 100 წლისთავს

access_time2018-05-17 20:00:36


წელს საქართველოს დამოუკიდებლობის 100 წლის იუბილეა და შესაბამისად 26 მაისის ღონისძიებებიც უფრო მასშტაბურად იგეგმება.


როგორც ყოველთვის, დამოუკიდებლობის დღის მთავარი ადგილი კვლავ თავისუფლების მოედანი იქნება, სადაც წვევამდელების ფიცის დადების საზეიმო ცერემონია გაიმართება.


ქართველი ჯარისკაცები  ერთდროულად 6 ადგილზე  დადებენ ფიცს - თბილისში, შინდისში, ვარძიაში, კოჯორში- ქოროღლის ციხესთან, დიდგორში და ბათუმში გაიმართება.

 

ფიცის დადების ცერემონიალს საფრანგეთიდან და ლიტვიდან მოწვეული ორკესტრები გააფორმებენ.

 

საქართველოს ჰიმნს  საოპერო მომღერალი ნინო მაჩაიძე ოპერის გუნდთან ერთად შეასრულებს.  ახალი ინტერპრეტაციით გაცოცხლდება ასევე პირველი რესპუბლიკის ჰიმნი „დიდება“.

 

მთელი დღის განმავლობაში რუსთაველის გამზირზე მოეწყობა შემეცნებით–გასართობი კუთხეები, მუსიკალურ–თეატრალური სცენები, ქართველ მეწარმეთა ბაზრობა, საბავშვო სივრცეები;  საქართველოს რეგიონებში დაგეგმილია კონცერტები, სამხედრო ტექნიკის გამოფენა, დღის გასართობი ღონისძიებები.

 

რუსთაველის გამზირზე იმუშავებს ჯანსაღი კაფე, სადაც  პროდუქციის შეძენის შემთხვევაში გადახდილი თანხა მთლიანად საქართველოს სოლიდარობის ფონდში გადაირიცხება.

 

მნიშვნელოვანია, რომ დამოუკიდებლობის დღისადმი მიძღვნილი ღონისძიებების ორგანიზებაში ჩართულია როგორც სახელმწიფო, ისე, კერძო სექტორი - 100-ზე მეტი სტარტაპერი, ქართული და საერთაშორისო კომპანიები.

26 მაისს, განსაკუთრებულად საზეიმოდ აღინიშნება  17 საათი და  10 წუთი,  ზუსტად ის დრო,  როდესაც  1918 წელს,  ნოე ჟორდანიამ საქართველოს დამოუკიდებლობა გამოაცხადა.

 


თბილისში,  მოსწავლე-ახალგაზრდობის სასახლეში  100 წლის წინანდელი მოვლენის თეატრალიზებული ინსცენირება გაიმართება. დამოუკიდებლობის აქტის გამოცხადების ღონისძიებას დაესწრებიან მაღალი რანგის სტუმრები.

 

რეგიონებში, დამოუკიდებლობის დღისადმი მიძღვნილი ღონისძიებები კონცერტით დასრულდება. თბილისში დაგეგმილ გალა კონცერტზე კი, სპეციალურად ამ დღისთვის,  5 ცნობილი ქართველი კომპოზიტორის მიერ შექმნილი განსხვავებული ჟანრის ნამუშევრები შესრულდება.

 

პირველი დემოკრატიული რესპუბლიკის 100 წლის იუბილესთან დაკავშირებით მსოფლიოს სხვადასხვა ქვეყანაში დაგეგმილია საქართველოს შესახებ 100 - ზე მეტი კულტურული ღონისძიება,  სამეცნიერო კონფერენცია, საჯარო ლექციათა ციკლი და საგაზეთო სტატია.

 

საქართველოს დიპლომატიური  წარმომადგენლობები, მთელი წლის განმავლობაში  მსოფლიოს სხვადასხვა ქვეყანაში მოაწყობენ პირველ დემოკრატიული რესპუბლიკასთან დაკავშირებულ ისტორიულ ფოტოგამოფენებს, საქართველოს კულტურის, ტრადიციებისა და დემოკრატიული განვითარების ამსახველ ღონისძიებებს.

 

პირველი დემოკრატიული რესპუბლიკის 100 წლისთავს აღნიშნავს საზღვარგარეთ მცხოვრები ქართული  დიასპორა, მათი მონაწილეობით ასევე იგეგმება სხვადასხვა სახის კულტურულ-შემეცნებითი ღონისძიებების გამართვა.

 

 

ასევე, საქართველოს პრეზიდენტის ინიციატივით, 26 მაისს საქართველოს 7 ქვეყნის პრეზიდენტი ეწვევა, მათ შორის იქნება ლიტვის, ლატვიის, ფინეთის, სომხეთისა და სლოვაკეთის პირველი პირები. 

 

ამავდროულად ჩამოვლენ 20-მდე უმაღლესი რანგის დელეგაციის წარმომადგენლები სხვადასხვა ქვეყნიდან. როგორც საქართველოს პრეზიდენტის ადმინისტრაციის უფროსი გიორგი აბაშიშილი აცხადებს, ასეთი მაღალი რანგის სტუმრები საქართველოს ერთდროულად არასდროს ჰყოლია და ამიტომაც წლევანდელი 26 მაისის ღონისძიება განსაკუთრებული იქნება. 


გარდა ამისა, მნიშვნელოვანია ისიც, რომ ამ დღეს საქართველოში ფუძნდება აღმოსავლეთ ევროპაში ყველაზე ცნობილი ეკონომიკური ფორუმი krynica-ის ბრენდი და ამ ფორუმს საზეიმოდ გახსნიან საქართველოს, პოლონეთის, სლოვაკეთის პრეზიდენტები და საქართველოს პრემიერ მინისტრი გიორგი კვირიკაშვილი. ადმინისტრაციაში განმარტავენ, რომ ეს ინიციატივა კი ქვეყნანას მოუტანს უფრო მეტ პოპულარობას და დაეხმარება უფრო მეტი ევროპელი ინვესტორის მოზიდვაში.

 

GBC -ის ინფორმაციით, 26 მაისის ღონისძიებებზე მხოლოდ გამარტივებული შესყიდვებზე 3.3 მლნ ლარზე მეტი მიემართება. 

 მათ შორის:

 

თავდაცვის სამინისტრომ 1.320  მილიონი ლარი მოითხოვა ღონისძიებისთვის მოსამზადებლად.

 

თბილისის მერია 606 000 ლარს დახარჯავს, შინაგან საქმეთა სამინისტრო  - 300 875ლარს; განათლებისა და მეცნიერების სამინისტრო  - 294 641 ლარს. ტურიზმის ეროვნული ადმინისტრაცია  - 225 000 ლარს; რეგიონული განვითარებისა და ინფრასტრუქტურის სამინისტრო  250 000 ლარს.

 

სხვა უწყებების მიერ გამარტივებული შესყიდვისთვის მოთხოვნილი თანხები ასეთია:

 

ცენტრალური საარჩევნო კომისია  - 9000 ლარი,  აჭარის განათლების, კულტურისა და სპორტის სამინისტრო -  16 980 ლარი, ამბროლაურის მუნიციპალიტეტი -  18000 ლარი, 7 500 ლარი, დაცული ტერიტორიების სააგენტო   194 640 ლარი,  ქ. ბათუმის კულტურის ცენტრი - 80 000 ლარი; ინოვაციებისა და ტექნოლოგიების სააგენტო -  52 250 ლარი. ლაგოდეხის მუნიციპალიტეტი 4000 ლარი, ზუგდიდის მუნიციპალიტეტი 32500 ლარი.  

 

აღსანიშნავია, რომ  26 მაისს  7 პრეზიდენტი და 20-მდე სხვადასხვა ქვეყნის უმაღლესი რანგის დელეგაცია ეწვევა. ცნობილია, რომ  პრეზიდენტებს   ქართველი კოლეგა  უმასპინძლებს. თუმცა უცნობია პრეზიდენტების და დელეგაციების მასპინძლობის ხარჯები. 

 

საქართველოს დამოუკიდებლობის დღეს, 26 მაისს 100-ზე მეტ ქალაქში 300-მდე ღონისძიება გაიმართება. ღონისძიებები გაიმართება როგორც საქართველოში, ასევე მის ფარგლებს გარეთ.

 

ავტორი: ლიკა გურაბანიძე




რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up