2300 წლისთვის ზღვის დონე 15 მეტრამდე აიწევს

2300 წლისთვის ზღვის დონე 15 მეტრამდე აიწევს

access_time2018-10-14 11:00:05

რატგერსის უნივერსიტეტის მკვლევარების ახალი ნაშრომის მიხედვით, დედამიწაზე წყლის დონე გლობალური მასშტაბით მატულობს. ამერიკელი მეცნიერების ანგარიშით, ამ საუკუნის ბოლომდე, 2100 წლამდე ზღვის დონემ შესაძლოა საშუალოდ 1.5 მეტრით მოიმატოს.

თუ მანამდე ადამიანებმა აუცილებელი ზომები არ მიიღეს და გლობალური დათბობის ტემპი არ შეანელეს, 2300 წლისთვის ზღვის დონის ზრდას ნაშრომის ავტორები 15.5 მეტრამდე ვარაუდობენ. მატება წლების მიხედვით პროგრესირებს და შემდეგი 3 საუკუნის მანძილზე შემდეგი ზრდაა მოსალოდნელი:

  • 2050 წ. – 0.2-0.3 მ.
  • 2100 წ. – 0.4-1.5 მ.
  • 2150 წ. – 0.6-4.1 მ.
  • 2300 წ. – 11.7-15.5 მ.

რობერტ ი. კოპი, კვლევის თანაავტორი და რატგერსის უნივერსიტეტში დედამიწის, ოკეანის და ატმოსფეროს მეცნიერებათა ინსტიტუტის დირექტორი, ამბობს, რომ წყლის დონის ზრდა შესაძლოა კიდევ უფრო დრამატული იყოს ნიუ-ჯერსის შტატში, სადაც უნივერსიტეტი მდებარეობს. ის არ გამორიცხავს, რომ 2100 წლამდე შტატის სანაპირო ზოლზე წყლის დონემ 3.5 მეტრით მოიმატოს.

მსოფლიოს 7.8 მილიარდიანი მოსახლეობის 11 პროცენტი სანაპირო ზოლის გასწვრივ ცხოვრობს. ზღვის დონის ასეთი ზრდა კრიტიკული მნიშვნელობის რისკებს შეუქმნის მთელ პლანეტას, ადამიანთა სიცოცხლეს, სახელმწიფოთა ეკონომიკას, საკვების წარმოებას, ინფრასტრუქტურას და ეკოსისტემებს - ნათქვამია კვლევაში.

ზღვის დონის ზრდა დროის და ადგილმდებარეობის მიხედვით, რა თქმა უნდა, განსხვავებულად მოხდება. კვლევის ავტორებმა წარსულის ტენდენციები დროსთან მიმართებაში შეისწავლეს და სპეციალური მეთოდი შეიმუშავეს, რომელიც მათ მომავლის მაღალი ალბათობით პროგნოზირების საშუალებას აძლევს.

საუკუნის დასაწყისიდან ზღვის დონემ უკვე მოიმატა 6 სანტიმეტრით. რატგერსის უნივერსიტეტის მეცნიერები თვლიან, რომ მე-20 და 21-ე საუკუნეებში ზღვის დონის ზრდის გამომწვევი მთავარი მიზეზი ადამიანის საქმიანობა იყო. მას უკავშირდება 1975 წლის შემდეგ დაფიქსირებული პროგრესირებადი გლობალური დათბობა და ზოგადად, კლიმატური ცვლილებების უმეტესი ნაწილი, რაც წყლის დონის მატებას იწვევს.

“ჯერ კიდევ ბევრი რამ უცნობია წარსულში მომხდარ, თუ მომავალში მოსალოდნელ ზღვის დონის ცვლილებებთან დაკავშირებით” - ამბობს პროფესორი კოპი. მაგრამ, მისი თქმით, “გაურკვევლობა არ უნდა იყოს იმის მიზეზი, რომ ამ გამოწვევის უგულვებელყოფა მოხდეს”. მეცნიერის აზრით, ძალიან მნიშვნელოვანია “ფრთხილად აღწერა იმის, რაც ვიცით და რაც არ გვესმის, რათა ვმართოთ რისკები, რომელსაც ზღვის დონის ზრდა უქმნის სანაპირო ზოლებს მთელ მსოფლიოში”.


ამ ნაშრომისთვის მკვლევარებმა ნიუ-ჯერსის შტატის და სინგაპურის ნაპირებზე შექმნილი ვითარება შეისწავლეს. ისინი ფიქრობენ, რომ წარსულში ზღვის დონის ზრდის ტენდენციების საფუძვლიანი შესწავლა, მომავლის პროგნოზირების ყველაზე სწორ შესაძლებლობას ქმნის.

ნაშრომის თანაავტორები არიან: ბენჟამინ პ. ჰორტონი, წარსულში რატგერსის უნივერსიტეტის პროფესორი, რომელიც ახლა სინგაპურის ტექნოლოგიურ უნივერსიტეტში გადავიდა და ანდრა ჯ. გარნერი, პროფესორის თანაშემწე რატგერსის უნივერსიტეტში. კვლევაში მონაწილეობა მიიღეს ბოსტონის კოლეჯის და სინგაპურის ტექნოლოგიური უნივერსიტეტის კვლევითმა ჯგუფებმაც.

კვლევის დეტალურად გაცნობა შესაძლებელი იქნება 17 ოქტომბრიდან, ჟურნალის Annual Review of Environment And Resources ელექტრონული ვერსიის საშუალებით. სამეცნიერო ჟურნალი 1976 წლიდან გამოდის.

P.S. აღნიშნული ნაშრომის გამოქვეყნების დრო დაემთხვა გაეროს ახალი ანგარიშის გამოცემას, რომელიც ასევე ადასტურებს, რომ პლანეტაზე დათბობა პროგრესულად გრძელდება. გაეროს ანგარიში 6 000-ზე მეტ სამეცნიერო ნაშრომს ეყრდნობა და მას 132 ავტორი ყავს. გაერთიანებული ერების ორგანიზაცია სახელმწიფოებს სასწრაფო ზომების მიღებისკენ, მათ შორის, ქვანახშირის და ბენზინის მოხმარების მაქსიმალური შეზღუდვისკენ მოუწოდებს.


„ამერიკის ხმა“

თეგები:
ზღვის დონე



„კომერსანტის“ 28 იანვრის TOP 10 თემა

„კომერსანტის“ 28 იანვრის TOP 10 თემა
access_time2020-01-28 21:30:47
„კომერსანტის“ 28 იანვრის TOP 10 თემა 1.„არჩევნების წინ ბიუჯეტში უფრო მეტი სახსრების მობილიზებას ცდილობენ“ – „საქსტატი“ ჩრდილოვანი ეკონომიკის დარგების აღრიცხვას იწყებს 2.„ქართული ოცნების“ პრემიებზე დახარჯული მილიონები და 112-ის გაუმართავი...

„ხალხი ცდილობს თავი შეიკავოს როგორც ჩინური პროდუქციისგან, ასევე დაწესებულებებში სტუმრობისგანაც“-კორონავირუსის გავლენა ჩინურ რესტორნებზე

„ხალხი ცდილობს თავი შეიკავოს როგორც ჩინური პროდუქციისგან, ასევე დაწესებულებებში სტუმრობისგანაც“-კორონავირუსის გავლენა ჩინურ რესტორნებზე
access_time2020-01-28 18:15:26
ჩინეთში დაფიქსირებული კორონავირუსი მსოფლიო ყურადღების ცენტრშია. რამდენიმე ქვეყანამ ჩინეთიდან პროდუქციის შეტანაც კი აკრძალა. ინტენსიურად მოწმდება აეროპორტებში მგზავრების მდგომარეობაც. საქართველოში ჩინეთიდან ცოცხალი ცხოველის შემოყვანა აიკრძალა. აკრძალვების ფონზე „კომერსანტი“ დაინტერესდა რა მდგომარეობაა საქართველოში არსებულ ჩინურ რესტორნებში. შემცირდა თუ არა სტუმრების რაოდენობა ან შეჩერებულია თუ არა დაწესებულებების იმ ნედლეულით მომარაგება, რომელიც ჩინეთიდან...

ჩინეთის კორონავირუსმა iPhone-ის წარმოება საფრთხის წინაშე დააყენა

ჩინეთის კორონავირუსმა iPhone-ის წარმოება საფრთხის წინაშე დააყენა
access_time2020-01-28 20:20:26
ჩინეთში გავრცელებული კორონავირუსი, რომელმაც უკვე 100 ადამიანის სიცოცხლე შეიწირა, iPhone-ების წარმოებას აფერხებს.  Bloomberg-ის მონაცემებით,  ჩინეთის ხელისუფლების მიერ მიმოსვლაზე შეზღუდვების დაწესებამ Apple-ის საწარმოო ჯაჭვში რღვევები შეიტანა. „ვერ წარმომიდგენია სცენარი, რომლის შემთხვევაშიც მიწოდების ჯაჭვი არ გაირღვევა, ამისთვის საკმარისია ნედლეულის, წარმოების, ტესტირებისა და მიწოდების მცირე სერიოზული შეფერხებაც კი“ - განუცხადა Bloomberg-ს ანალიტიკოსმა...

ბათუმში Ibis Styles-ისა და Novotel living-ის სასტუმროები გაიხსნება

ბათუმში Ibis Styles-ისა და Novotel living-ის სასტუმროები გაიხსნება
access_time2020-01-28 17:15:35
ბათუმში, კახაბრის დასახლებაში მრავალფუნქციურ კომპლექსში სასტუმროების 2 საერთაშორისო ბრენდი იქნება წარმოდგენილი. ბრენდების შემოყვანაზე Ibis Styles-სა და Novotel living-თან კომპანია „ეიერ-მერიდიანსმა“ მოლაპარაკებებს უკვე მიაღწია. ამ დროისთვის გაფორმებულია 20 წლიანი ხელშეკრულება Ibis Styles-თან, Novotel living-თან კი გაფორმებულია მემორანდუმის თანახმად, 20 წლიანი ფრანშიზა უახლოეს 3 თვეში გაფორმდება. ეს ორი შეთანხმება გახდა აჭარის ფინანსთა და ეკონომიკის...

მაია ცქიტიშვილი: „მსოფლიოში მესამე ადგილზე ვართ საგადასახადო ტვირთის სიმცირის მიხედვით“

მაია ცქიტიშვილი: „მსოფლიოში მესამე ადგილზე ვართ საგადასახადო ტვირთის სიმცირის მიხედვით“
access_time2020-01-28 17:00:05
ზოგადად, ქვეყანაში საგადასახადო ტვირთის შესაფასებლად გამოიყენება მაჩვენებელი, რომელიც საგადასახადო შემოსავლების მთლიან შიდა პროდუქტთან ფარდობას ზომავს. მაია ცქიტიშვილი საწარმოს კომერციულ მოგებაში პირდაპირი გადასახადების ფარდობით მაჩვენებელს გულისხმობს, რომელიც მსოფლიო ბანკის ბიზნესის კეთების რეიტინგის ერთ-ერთი კომპონენტია. რადგან გამოსვლისას პოლიტიკოსი ბიზნეს-კონიუნქტურაზე საუბრობდა, აღნიშნული მაჩვენებლის გამოყენება მიზანშეწონილია, თუმცა საბოლოო ჯამში, კონკრეტიკა არასაკმარისია და განცხადება...


მსგავსი სიახლეები

up