23-წლიანი პაუზის შემდეგ გერმანიის ხელისუფლება Lufthansa-ს მეწილე ხდება

23-წლიანი პაუზის შემდეგ გერმანიის ხელისუფლება Lufthansa-ს მეწილე ხდება

access_time2020-05-26 19:45:29

23-წლიანი პაუზის შემდეგ გერმანიის ხელისუფლება Lufthansa-ში ბრუნდება და ავიაკონცერნის მეწილე ხდება. ამის შესახებ DW ფედერალური ხელისუფლებისა და ავიაკომპანიის წარმომადგენლების განცხადებებზე დაყდნობით წერს.



ცნობისათვის, გერმანიის მთავრობა კომპანიის კაპიტალიდან საბოლოოდ 1997 წელს გავიდა. დღეს კი ბიზნესში დაბრუნების გადაწყვეტილება ფედერალურმა ხელისუფლებამ კორონავირუსის პანდემიის შედეგად ავიაკომპანიისთვის მიყენებული ფინანსური ზარალის შესამსუბუქებლად მიიღო. დახმარების პაკეტი ჯამში 9 მლრდ ევროს შეადგენს და ხელისუფლება, ეკონომიკური სტაბილიზაციის ფონდის სახით Lufthansa-ში 20%-იან წილს მიიღებს. სახლმწიფო თითო აქციაში 2,56 ევროს გადაიხდის, ჯამში 300 მლნ ევროს. ცნობისათვის, Lufthansa-ს კაპიტალიზაცია 4, 078 მლრდ ევროს შეადგენს.



ამასთან, DW-ს ინფორმაციით, Lufthansa 3 წლის ვადით 3 მლრდ ევროს მოცულობის სესხს მიიღებს სახელმწიფო საკუთრებაში არსებული KfW ბანკისა და რამდენიმე კომერციული ბანკისგან. ამასთან,




ეკონომიკური სტაბილიზაციის ფონდი (WSF) კონცერნს გამოუყოფს 5,7 მილიარდ ევროს. როგორც ცნობილია, აღნიშნული ფონდი გერმანიის მთავრობამ შექმნა COVID-19 პანდემიის დროს, რათა საჭიროების შემთხვევაში, სახელმწიფოს შეეძლო წილის შეძენა დიდ კომპანიებში, რომლებიც კრიზისის გამო გაკოტრების პირას მივიდნენ.



თუმცა საბოლოო შეთანხმებამდე, ეს ნაბიჯი უნდა მოიწონოს როგორც ევროკომისიამ, ასევე Lufthansa-ს სამეთვალყურეო საბჭომ და აქციონერთა კრებამ - წერს DW.




გერმანიის მთავრობამ დაადასტურა, რომ ფინანსური დახმარების პაკეტის მიღების შემდეგ, სახელმწიფო მიიღებს ორ ადგილს Lufthansa– ს სამეთვალყურეო საბჭოში. „მათ დამოუკიდებელი ექსპერტები დაიკავებენ“, - ნათქვამია გერმანიის ფინანსთა სამინისტროს განცხადებაში.



როგორც DW წერს, გერმანიის ხელისუფლების მიერ ავიაკომპანიის დასახმარებლად ამ მოცულობის თანხის გამოყოფამ შესაძლოა, ევროკომისიასთან პრობლემები შექმნას. ბრიუსელი შიშობს, რომ ავიაკომპანია ევროპულ ბაზარზე სამართლიანი კონკურენციის კრიტერიუმებს არ შეასრულებს და მკაცრ პირობებს წამოაყენებს. გერმანიის კანცლერმა ანგელა მერკელმა კი უკვე გამოაცხადა მზადყოფნა რთული ბრძოლისთვის.



აღსანიშნავია, რომ დახმარების მიღების ერთ-ერთ პირობად გერმანიის ფინანსთა სამინისტრომ ავიაკომპანია ატმოსფეროში ემისიების შემცირების მიზნით ფლოტის განახლებას წაუყენა.



გერმანიის ხელისუფლების მიერ Lufthansa-სთვის თანხის გამოყოფის შესახებ ინფორმაციის გავრცელების შემდეგ ავიაკომპანიის აქციების ფასი 7,5%-ით გაიზარდა და ერთ ერთეულზე 8,64 ევრო შეადგინა.



ცნობისათვის, Lufthansa ევროპაში ერთ-ერთი ყველაზე მსხვილი, გერმანული ავიაკომპანიაა, რომელიც 1953 წელს დაარსდა. კომპანიას ავიაკონცერნი Lufthansa Group-ი ფლობს. ამ უკანასკნელის საკუთრებაშია ავიაკომპანიები Austrian Airlines, SWISS და Brussels Airlines. Lufthansa Group-ის მთელი ავიაპარკი 770 თვითმფრინავისგან შედგება. კომპანიაში 138 300 ადამიანია დასაქმებული. COVID-19-ის პანდემიის გამო, ავიაკონცერნმა ფრენების 95% შეაჩერა.




BPN.GE






თეგები:
Lufthansa



კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...

2019 წელს ტელევიზიების ჯამური შემოსავალი 13.9%-ით გაიზარდა

2019 წელს ტელევიზიების ჯამური შემოსავალი 13.9%-ით გაიზარდა
access_time2020-07-11 18:00:17
ტელევიზიების ჯამური შემოსავალი 2019 წელს, წინა წელთან შედარებით, 11.3 მლნ ლარით (13.9%) გაიზარდა. ამის შესახებ „საერთაშორისო გამჭვირვალობა - საქართველოს” მიერ გამოქვეყნებულ კვლევაშია...

რას ხედავენ ამერიკელები საქართველოში და ვის მოეთხოვება "ჭკუით მოქცევა"

რას ხედავენ ამერიკელები საქართველოში და ვის მოეთხოვება
access_time2020-07-11 16:00:42
რისი მანიშნებელია ამერიკის საბიუჯეტო კანონპროექტის ჩანაწერი საქართველოსთვის შესაძლო სასჯელის დაწესების თაობაზე? რისი მანიშნებელია ოლიგარქებისა და არაფორმალური მმართველობის ხსენება თანდართულ განმარტებებში? არის ეს დიდი სურათის ნაწილი თუ მხოლოდ ცალკეული კონგრესმენების იდეებია? აქვს ...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...


მსგავსი სიახლეები

up