დღეს თითქმის ყველა ვარჯიშობს, მათ შორის კორონავირუსის პანდემიის დროს. თუმცა, ეს არაა დაკავშირებული მხოლოდ სიამოვნებასთან და საკუთარ ჯანმრთელობაზე ზრუნვასთან, ფიტნესი - ჩვენი დროის საზოგადოებრივი იმპერატივია.

სპორტულ ტანსაცმელზე, განტელებზე, ტრენაჟორებზე, პროტეინის ფხვნილებზე, პულსომეტრიან საათებზე, აპლიკაციაბზე ვარჯიშებისთვის, სპორტული ინდუსტრია მილიარდებს შოულობს. სპეციალური ვიდეორგოლები Youtube-ში, სპეციალიზირებული ბლოგები, ნაბიჯმზომები სმარტფონებში - ეს ყველაფერი დღევანდელი ეპოქის განუყოფელი ნაწილი გახდა.

რა თქმა უნდა, ფიზიკურ ვარჯიშებზე ჯერ კიდევ ანტიკურ ხანაში იცოდნენ, რენესანსის ეპოქაშიც ადამიანები საკუთარ ჯანმრთელობაზე და კარგ აღნაგობაზე ზრუნავდნენ. მაგრამ ის, რასაც ჩვენ ბოლო ათწლეულები ვხედავთ, თვისობრივად სხვა დონეზეა.

მედიკოსები თანხმდებიან იმაზე, რომ სპორტი სიცოცხლეს ახანგძლივებს, ადამიანებს სიამოვნებას ანიჭებს და ნაცრისფერი ყოველდღიურიბის გამრავალფეროვნების საშუალებას იძლევა. ეს განსაკუთრებით აქტუალური დღევანდელ ეპოქაშია, როდესაც მოსახლეობის დიდი ნაწილი დღის დიდ დროს კომპიუტერთან ჯდომაში ატარებს.

თუმცა, საქმე მხოლოდ იმაშიც არაა, რომ სპორტი მოძრაობის უკმარისობის კომპენსირებას ახდენს. ნავარჯიშები სხეული ადამიანის თვითდისციპლინის, გამძლეობის, ჯანმრთელობისადმი შეგნებული დამოკიდებულების სიმბოლოდ იქცა. წლების მანძილზე ჯანსაღი ცხოვრების წესისადმი მოქალაქეებს არამხოლოდ სახელმწიფო მოუწოდებს, არამედ მსხვილი ბიზნესი. დიდი კომპანიები თანამშრომლებს სპორტული აქტიურობისთვის ყველანაირ პირობებს უქმნიან.

სპორტული და შრომითი ენერგიის ურთიერთკავშირი ნათელია, ბოლო ათწლეულების მანძილზე მსუქანი და მწეველი მაგნატი, როგორც წარმატების სიმბოლო, უკვალოდ გაქრა. დღეს მოდაშია დაკუნთული ტოპ-მენეჯერი, რომელიც სამსახურის შემდეგ სპორტულ დარბაზში რეგულარულად დადის. ამ შემთხვევაში სპორტულ მიღწვევებს დიდი მნიშვნელობა არ ენიჭება, მთავარია მუშაობა საკუთარ თავზე, გამოწვევების დაძლევა, დასახული მიზნების მიღწევა. ფასეულობათა ამ სისტემაში სიმსუქნე სიზარმაცის და უდისციპლინობის, შესაბამისად ცხოვრების არასწორი წესის მაჩვენებელია.

არსებულ ტრენდს ციფრულ ტექნოლოგიები აძლიერებენ, დღეს არსებობს ბევრი აპლიკაცია, რომელიც საკუთარი მიღწევების სხვებთან შედარების შესაძლებლობას იძლევა, ასევე სახლის ტრენაჟორები რთული ელექტრონული სისტემით ვარჯიშს დარბაზში წავლის გარეშეც შესაძლებელს ხდის. ამას კორონავირუსი ვერ შეცვლის, პირიქით - კვლევების თანახმად, საკუთარ ჯანმრთელობაზე ზრუნვა არათუ არ შემცრიდა, არამედ გაიზარდა. ამაზე ისიც მეტყველებს, რომ, მაგალითად, შვეიცარიაში პანდემიის დროს ტრენაჟორების და სპორტული აქსესუარების გაყიდვები მნიშვნელოვნად გაიზარდა.

და ეს მთელს ევროპას ეხება.

nzz.ch

მოამზადა თენგიზ აბლოთიამ