წარმოდგენილი პროექტის მიხედვით საქართველოს 2023 წლის სახელმწიფო ბიუჯეტის შემოსულობების ჯამური მაჩვენებელი წინა წლის დამტკიცებულ გეგმასთან შედარებით გაზრდილია 2 061,9 მლნ ლარით და განისაზღვრება 21 914,2 მლნ ლარის ოდენობით (წინა ვერსიასთან შედარებით გაზრდილია 612,2 მლნ ლარით).

როგორც საქართველოს 2023 წლის სახელმწიფო ბიუჯეტის კანონპროექტით ირკვევა, რომლის მესამე და საბოლოო ვარიანტი მთავრობამ პარლამენტში უკვე წარადგინა, შემოსავლები განისაზღვრა 17 619,9 მლნ ლარით (2022 წლის დამტკიცებულ გეგმასთან შედარებით გაზრდილია 1 859,2 მლნ ლარით, ხოლო 2023 წლის პროექტის პირველ ვარიანტთან შედარებით - 426,6 მლნ ლარით);

ხოლო საგადასახადო შემოსავლები შეადგენს 16 290,4 მლნ ლარს (პროექტის წინა ვერსიასთან შედარებით გაზრდილია 336,9 მლნ ლარით), მათ შორის:

საშემოსავლო გადასახადის საპროგნოზო მაჩვენებელი განისაზღვრა 5 140,0 მლნ ლარით;
მოგების გადასახადის საპროგნოზო მაჩვენებელი განისაზღვრა 2 000,0 მლნ ლარის ოდენობით;
დამატებული ღირებულების გადასახადის საპროგნოზო მაჩვენებელი განისაზღვრა 6 670,4 მლნ ლარის ოდენობით;
აქციზის საპროგნოზო მაჩვენებელი განისაზღვრა 2 100,0 მლნ ლარის ოდენობით;
იმპორტის გადასახადის საპროგნოზო მაჩვენებელი განისაზღვრა 130,0 მლნ ლარით;
სხვა გადასახადის საპროგნოზო მაჩვენებელი განისაზღვრა 250,0 მლნ ლარის ოდენობით;

სხვა შემოსავლების პროგნოზი პროექტის წინა ვერსიასთან შედარებით იზრდება 90,0 მლნ ლარის ოდენობით და 1 050,0 მლნ ლარს შეადგენს;
გრანტების სახით დაგეგმილი მაჩვენებელი განისაზღვრება 279.8 მლნ ლარის ოდენობით, მათ შორის:
საბიუჯეტო გრანტების ფარგლებში მისაღები შემოსავლები შეადგენს 135,0 მლნ ლარს.
საინვესტიციო გრანტები შეადგენს 44.8 მლნ ლარამდე;
სსიპ-ების მიერ კანონის 35-ე მუხლის შესაბამისად გადმოსარიცხი თანხები შეადგენს 100.0 მლნ ლარს;

• არაფინანსური აქტივების კლების (პრივატიზაცია) სახით მისაღები თანხების გეგმა შეადგენს 200.0 მლნ ლარს;
• ფინანსური აქტივების კლების (სესხების დაბრუნება) მაჩვენებელი განისაზღვრა 450.0 მლნ ლარის ოდენობით (გაზრდილია 170,0 მლნ ლარით);

ვალდებულებების ზრდის სახით მისაღები სახსრები, პროექტის პირველ ვარიანთან შედარებით გაზრდილია 15,6 მლნ ლარით და განისაზღვრა 3 644,3 მლნ ლარის ოდენობით მათ შორის:  საშინაო ფასიანი ქაღალდების გამოშვებით მისაღები სახსრები შეადგენს 1 400.0 მლნ ლარს; საინვესტიციო კრედიტების მაჩვენებელი შეადგენს 1 844,3 მლნ ლარს; საბიუჯეტო დახმარების სახით მისაღები კრედიტების მაჩვენებელი შეადგენს 400,0 მლნ ლარს.

ამავდროულად ბიუჯეტი ითვალისწინებს ვალის დაფარვას 1 218,5 მლნ ლარის ოდენობით, შესაბამისად ვალდებულებების წმინდა ზრდა 2 425,4 მლნ ლარს შეადგენს.

სახელწიფო ბიუჯეტის ასიგნებების მოცულობა, პროექტის წინა ვერსიასთან შედარებით გაზრდილია 726,1 მლნ ლარით და შეადგენს 21 880,1 მლნ ლარს.