2023 წელს შავი ზღვის საჰაერო ბურთით გადაფრენა იგეგმება

2023 წელს შავი ზღვის საჰაერო ბურთით გადაფრენა იგეგმება

access_time2021-10-13 17:40:00

სამოქალაქო ავიაციის სააგენტომ შავი ზღვის საჰაერო ბურთით (აეროსტატით) გადაფრენის საერთაშორისო პროექტის საინიციატივო ჯგუფს, პილოტებს რევაზ უთურგაურს და კრიშტოფ ზაპარტს უმასპინძლა. ინფორმაციას სააგენტო ავრცელებს.



შეხვედრის მიზანს ღია ზღვაზე აეროსტატის გადაფრენასთან დაკავშირებული მოსამზადებელი სამუშაოების სააგენტოსთვის გაცნობა და ფრენის უსაფრთხოების უზრუნველყოფის კუთხით გასატარებელ ღონისძიებებზე მსჯელობა წარმოადგენდა.



სააგენტოში გამართული შეხვედრის ფარგლებში, მხარეებმა ისაუბრეს პროექტის ტექნიკურ და საოპერაციო მხარეზე. სააგენტოს ხელმძღვანელმა პირებმა სტუმრებს საქართველოს კონტროლირებად საჰაერო სივრცეში ფრენის ნებართვის მისაღებად აუცილებელი პირობები გააცნეს და ამასთან, შავი ზღვის რეგიონის სხვა ქვეყნების საავიაციო ხელისუფლებებთან შესაბამისი კოორდინაციის უზრუნველყოფის მზადყოფნა გამოთქვეს. ასევე, განხილულ იქნა ამჟამად წარმოებაში მყოფი აეროსტატის (Cameron Z-315) საქართველოს სამოქალაქო საჰაერო ხომალდების რეესტრში რეგისტრაციის, ფრენის ვარგისობის სერტიფიკატის მინიჭებისა და ზედამხედველობის საკითხები.




პროექტის ორგანიზატორების ინფორმაციით, ღონისძიების გამართვა 2023 წლის იანვარ-თებერვალში იგეგმება. საჰაერო ბურთი, რომლის მართვაში ორი პილოტი მიიღებს მონაწილეობას, შავი ზღვის დასავლეთ სანაპიროდან აიღებს სტარტს (რუმინეთი ან უკრაინა), და საქართველოს ტერიტორიაზე დაეშვება (ფრენის სავარაუდო დრო: 40 საათი). საჰაერო ბურთის ფრენის მარშრუტის მანძილი 1500 კილომეტრი, ხოლო სიმაღლე, ზღვის დონიდან დაახლოებით 6000 მეტრი იქნება. ფრენის მომზადებასა და მართვაში სხვადასხვა ქვეყნის (საქართველო, პოლონეთი, ბელგია, აშშ, უკრაინა და სხვ.) სპეციალისტებისაგან დაკომპლეტებული გუნდი მიიღებს მონაწილეობას. ორ წლიანი მოსამზადებელი პროცესი ისეთი საკითხების გადაჭრას და შესწავლას ითვალისწინებს, როგორიცაა: ამინდის პირობების შესწავლა და მონიტორინგი შავ ზღვაზე ფრენის მარშრუტის გასწვრივ, ფრენის ტაქტიკის განსაზღვრა, საცდელი ფრენის ორგანიზება, სამაშველო, რადიოკავშირის და სხვა სახის აღჭურვილობების ტესტირება და ა.შ.









„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე

„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე
access_time2021-10-21 16:00:47
„ახალგაზრდა ფინანსისტთა და ბიზნესმენთა ასოციაციამ“ (აფბა) მიმართვა გაავრცელა და  საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსგან და...

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

თბილისში ამერიკული ჰოსპიტალი გაიხსნა

თბილისში ამერიკული ჰოსპიტალი გაიხსნა
access_time2021-10-21 15:00:35
American Intercontinental Healthcare Group-ის ოპერატორობით თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიიც აშშ-ის საერთაშორისო განვითარების საფინანსო კორპორაციის მხარდაჭერით საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება.    ჯანდაცვის სექტორისთვის სტრატეგიული ობიექტი წარმოდგენილია 183 საწოლით და სხვადასხვა მიმართულების განყოფილებით, რომელიც...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...


მსგავსი სიახლეები

up