BP კავკასიაში საქმიანობის შედეგებს აჯამებს. ორგანიზაციის მიერ გამოქვეყნებული 2022 წლის პირველი ნახევრის ანგარიშიდან ირკვევა, რომ პირველი ექვსი თვის განმავლობაში სანგაჩალის ტერმინალმა 114 მილიონზე მეტი ბარელი ნავთობის და კონდენსატის ექსპორტი განახორციელა. მათ შორის, 107 მილიონი ბარელი ბაქო-თბილისი-ჯეიჰანის მილსადენის გავლით და დაახლოებით 7 მილიონი ბარელი დასავლეთის მიმართულების საექსპორტო მილსადენის (ბაქო-სუფსის) გავლით.

„გაზის ექსპორტი განხორციელდა სამხრეთ კავკასიის მილსადენის, სამხრეთ კავკასიის მილსადენის გაფართოების სისტემის და აზერბაიჯანის გაზის მილსადენების საშუალებით, რომელიც სანგაჩალის ტერმინალის გაზის გადამამუშავებელ მოწყობილობებს აზერიგაზის ეროვნულ გამანაწილებელ სისტემასთან აკავშირებს. წლის პირველი ნახევრის განმავლობაში, სანგაჩალის ტერმინალიდან ექსპორტზე დღეში საშუალოდ 69 მილიონ სტანდარტულ კუბურ მეტრზე მეტი შაჰ-დენიზის გაზი გადიოდა. (დაახლოებით 2,440 მილიონ სტანდარტულ კუბურ ფუტი)“, — ნათქვამია ინფორმაციაში.

გარდა ამისა, 2022 წლის 23 მარტს, ბაქო-თბილისი-ჯეიჰანმა (BTC) მნიშვნელოვან შედეგს მიაღწია და სანგაჩალის ტერმინალიდან აზერბაიჯანის, საქართველოს და თურქეთის გავლით ტრანსპორტირებული ნავთობი ჯეიჰანის ტერმინალზე მე-5000 ტანკერი ჩაიტვირთა. 1768კმ სიგრძის მილსადენმა 2006 წლის ივნისში ფუნქციონირების დაწყებიდან 2022 მეორე კვარტლის ბოლომდე ჯამში 3.87 მილიარდი ბარელი ნედლი ნავთობი გაატარა (516 ტონაზე მეტი). 5087 ტანკერი დაიტვირთა და გაიგზავნა მსოფლიო ბაზრებზე. 2022 წლის პირველ ნახევარში, დაახლოებით 107 მილიონი ბარელი (14.1 მილიონ ტონაზე მეტი) ბი-თი-სი-ს მიერ ექპორტირებული ნედლი ნავთობი ჯეიჰანის ტერმინალზე 148 ტანკერში ჩაიტვირთა.

რაც შეეხება შაჰ დენიზსს, 2022 წლის პირველ ნახევარში საბადომ ჯამში 13 მილიარდ სტანდარტულ კუბურ მეტრზე მეტი გაზი აწარმოა და დაახლოებით 2 მილიონი ტონა (18 მილიონ ბარელზე მეტი) კონდენსატი შაჰ-დენიზ ალფა და შაჰ-დენიზ ბრავო პლატფორმებიდან. შაჰ-დენიზის არსებული მოწყობილობების საწარმოო სიმძლავრე ამჟამად დღეში 70 მილიონ სტანდარტულ კუბურ მეტრ გაზზე მეტია, რაც წელიწადში 25 მილიარდ კუბურ მეტრს აღემატება.

BP ექსფლორეიშენის ინფორმაციით, სამხრეთ კავკასიის მილსადენი (SCP) კი 2006 წელს შევიდა ექსპლუატაციაში და შაჰ-დენიზის გაზს აწვდის აზერბაიჯანს, საქართველოს და თურქეთს. მილსადენის გაფართოების პროექტიდან თურქეთისთვის გაზის კომერციული მიწოდება 2018 წლის ივნისში დაიწყო და ევროპისთვის კი 2020 წლის დეკემბერში. 2022 წლის პირველ ნახევარში, SCP-ის გაზის საშუალო გატარება იყო 56.9 მილიონი კუბური მეტრი დღეში.

ასევე მნიშვნელოვანია აზერი-ჩირაგ-გუნაშლი (ACG), რომელმაც წლის პირველი კვარტალის განმავლობაში საშუალოდ დღეში 424,000 ბარელი ნავთობი აწარმოა. (ჯამში 77 მილიონი ბარელი ანუ 10 მილიონი ტონა) შემდეგი პლატფორმებიდან: ჩირაგიდან (25,000 ბ/დ), ცენტრალური აზერიდან (108,000 ბ/დ), დასავლეთ აზერიდან (109,000 ბ/დ), აღმოსავლეთ აზერიდან (62,000 ბ/დ), გუნეშლის ღრმაწყლებიდან (78,000 ბ/დ) და დასავლეთ ჩირაგიდან (42,000 ბ/დ). კვარტალის ბოლოს, 136 ჭაბურღილი აწარმოებდა ნავთობს, აქედან 37 ჭაბურღილი წყლის და რვა კი გაზის ინიექციისათვის იყო გამოყენებული.