რუსეთის ფედერაციაში 2022 წლის იანვარ-დეკემბრის მიგრაციული მდგომარეობის შესახებ გამოქვეყნებული მონაცემების მიხედვით, რუსეთის მოქალაქეობა 691 045 უცხოეთის მოქალაქემ მიიღო. 2021 წელს - 735 385-მა, იტყობინება რუსეთის შინაგან საქმეთა სამინისტროს პრესცენტრი.
შსს-ს მონაცემებით, გასულ წელს 13,3 მილიონი რუსული პასპორტი გაიცა, რაც მეტია 2021 წელთან შედარებით (11,3 მილიონი დოკუმენტი). ]
ამასთან, გასული წლის იანვარ-დეკემბერში გაცემული უცხოური პასპორტების რაოდენობამ 5,4 მილიონს გადააჭარბა, 2021 წელს კი 3,8 მილიონი უცხოური პასპორტი იყო გაცემული.
გარდა ამისა, შინაგან საქმეთა სამინისტროს მონაცემებით, 2022 წელს 141,3 ათასმა უცხოელმა მიიღო შეტყობინება რუსეთში შესვლის ნებართვის შესახებ, მაშინ როცა 2021 წელს ეს მაჩვენებელი 176,3 ათასი ადამიანი იყო.
რაც შეეხება ინფორაციას იმის შესახებ, რამდენმა რუსეთის მოქალქემ მიიღო 2022 წელს საქართველოს მოქალაქეობა, მონაცემებს ინფორმაციის თავისუფლების განვითარების ინსტიტუტის (IDFI) აქვეყნებს. IDFI-ის ცნობით, 2022 წლის საწყის 7 თვეში საქართველოს მოქალაქეობა რუსეთის 723 მოქალაქეს მიენიჭა.
https://idfi.ge/ge/granting_georgian_citizenship_data_2018_2022
2018-2022 წლებში საქართველოს მოქალაქეობის მიმღები (მოქალაქეობის აღდგენის შემთხვევების გარდა) 8,464 პირიდან კი 72% (6,075 პირი) რუსეთის მოქალაქე იყო.