საქართველოში მოქმედმა კომერციულმა ბანკებმა 2022 წლის პირველ ნახევარში 43.6 მილიარდი ლარის სესხი გასცეს, რაც წინა წელთან შედარებით 12%-ით მეტია. ანგარიშგებების მიხედვით, საბანკო სექტორის აქტივების ზომა 64.1 მილიარდ ლარს შეადგენს, რაც 2021 წლის მეორე კვარტალთან შედარებით 8.5 მილიარდი ლარით მეტია, ხოლო 838 მილიონი ლარის წმინდა მოგება გამოიმუშავეს.
ანგარიშგებების მიხედვით, 2022 წლის II კვარტალში, „თიბისი“ ბანკის მთლიანმა სესხებმა 17,053,403,518 ლარი შეადგინა, გასული წლის ანალოგიურ პერიოდში ეს მაჩვენებელი 14,963,045,781 ლარი იყო. „თიბისი“ ბანკის მთლიან სესხებში უცხოური ვალუტით გაცემულმა სესხებმა 51.63% შეადგინა.
2022 წლის II კვარტალში მთლიანი სესხების ოდენობით მეორე ადგილას „საქართველოს ბანკია“. ბანკის მთლიანი სესხები შესაბამის პერიოდში 15,797,658,366 ლარს გაუტოლდა, მაშინ როდესაც 2021 წლის II კვარტალში 15,797,658,366 ლარი იყო. მთლიან სესხებში უცხოური ვალუტით გაცემულმა სესხებმა კი 49.43% შეადგინა.
ანალოგიურ პერიოდში „ლიბერთი ბანკმა“ 2,315,939,504 ლარის მთლიანი სესხი გასცა და რეიტინგში მესამე ადგილი დაიკავა, უცხოური ვალუტით გაცემულმა სესხებმა კი 21.11% შეადგინა. 2021 წლის II კვარტალში კი ბანკის მთლიანი სესხების მოცულობა 1,822,437,569 ლარი იყო.
რაც შეეხება სხვა კომერციული ბანკების მთლიანი სესხების მოცულობას, ასე გამოიყურება:
„ბაზისბანკი“ - 2,027,872,905 ლარი (2021 წლის II კვარტალში 1,079,646,359 ლარი);
„კრედობანკი“ - 1,624,606,422 ლარი (2021 წლის II კვარტალში - 1,157,800,271 ლარი);
„პროკრედიტ ბანკი“ - 1,256,240,645 ლარი (2021 წლის II კვარტალში - 1,378,813,125 ლარი);
„ტერაბანკი“ - 1,044,853,952 ლარი (2021 წლის II კვარტალში - 949,967,386 ლარი);
„ბანკი ქართუ“ - 830,195,780 ლარი (2021 წლის II კვარტალში - 1,028,308,385 ლარი);
„ხალიკ ბანკი საქართველო“ - 673,607,641 ლარი (2021 წლის II კვარტალში 565,717,670 ლარი);
„პაშა ბანკი საქართველო“ - 333,192,948 ლარი (2021 წლის II კვარტალში 288,145,994 ლარი);
„ვითიბი ბანკი ჯორჯია“ - 310,948,836 ლარი (2021 წლის II კვარტალში - 1,497,367,402 ლარი);
„იშბანკი საქართველო“ - 272,284,656 ლარი (2021 წლის II კვარტალში 227,525,964 ლარი);
„ზირაათ ბანკი საქართველო“ - 95,936,863 ლარი (2021 წლის II კვარტალში 76,778,903 ლარი);
„სილქ როუდ ბანკი“ - 16,189,240 ლარი (2021 წლის II კვარტალში 12,407,774 ლარი).