Bank of America Corp-მა 2022 წლისთვის აღმასრულებელი დირექტორის ბრაიან მოინიჰანის ხელფასი დაახლოებით 6%-ით 30 მლნ დოლარამდე შეამცირა. 2021 წელს მოინიჰანის ანაზღაურება 32 მლნ დოლარი იყო. ამის შესახებ Bloomberg-ი და Reuters-ი წერენ.
მოინიჰანის ხელფასთან დაკავშირებით ბანკის საბჭომ აღნიშნა, რომ ხელმძღვანელობა „ეკონომიკურ გაურკვევლობაშია“. Bank of America-ს წმინდა შემოსავალი 2022 წელს, წინა წელთან შედარებით, 14%-ით შემცირდა და 27,5 მლრდ დოლარი შეადგინა.
ამერიკულმა სესხების გამცემმა გიგანტებმა, ბოლო კვირების განმავლობაში, რთული ეკონომიკური და ბიზნეს მდგომარეობის გამო, ხელმძღვანელობას შეუმცირეს ან გაუყინეს ანაზღაურებები. მათ ეს შემცირებული მოგებით ახსნეს და შესაძლო რეცესიის შემთხვევაში გამოყვეს სახსრები გაუთვალისწინებელი და წვრილმანი ხარჯებისთვის.
Goldman Sachs Group Inc-მა (GS.N) აღმასრულებელი დირექტორ დევიდ სოლომონის ანაზღაურება 2022 წლისთვის 29%-ით, 25 მილიონ დოლარამდე შეამცირა, ხოლო მისმა კოლეგამ Morgan Stanley-ში (MS.N), ჯეიმს გორმანმა 10%-ით ნაკლები ანაზღაურება - 31,5 მილიონ დოლარი მიიღო. JPMorgan Chase & Co-ში (JPM.N) ჯეიმი დიმონის ხელფასი კი უცვლელი - 34,5 მილიონი აშშ დოლარი დარჩა.