Eurostat -ის მონაცემებზე დაყრდნობით, 2011 წლიდან 2021 წლამდე, ქიმიური ნაერთების გაყიდვების ჯამურმა ღირებულებამ 232 მილიარდი ევროთი მოიმატა და პიკს 2021 წელს, 769 მილიარდ ევროს მიაღწია. მნიშვნელოვანი ზრდა, ასევე დაფიქსირდა 2019 წლიდან 2020 წლამდე, როდესაც გაყიდვებმა 626 მილიარდი ევროდან 768 მილიარდ ევრომდე მოიმატა.
ზემოხსენებულ 10 წლიან პერიოდში, გაყიდული ქიმიური ნაერთების ზრდამ თითქმის ყველა განშტოება მოიცვა. ყველაზე დიდი ზრდა სამედიცინო და ფარმაცევტულ პროდუქტებზე ფიქსირდება. ზემოხსნებულ პროდუქტებზე ღირებულება, რომელიც 2011 წელს 116 მილიარდ ევროს შეადგენდა, 2021 წელს 211 მილიარდ ევრომდეა მომატებული. ყველაზე დაბალი ზრდადობის პროცენტული მაჩვენებელი ორგანულ ქიმიურ ნაერთებს ჰქონდა (1.1%), ხოლო მეორე ადგილს, ზრდადობის მხრივ, ქიმიური მასალები და პროდუქტები იკავებს, რომლის პროცენტული მატება 6.0% -ს შეადგენს.
2011 წლიდან ექსპორტ-იმპორტის წლიური ზრდა დაახლოებით 5% -ს შეადგენს.
ევროკავშირის წევრ ქვეყნებს შორის გერმანია პირველ ადგილს იკავებს ევროკავშირის არაწევრ ქვეყნებთან, ქიმიური ნაერთების ექსპორტირების მხრივ, რომელიც 2021 წელს 121 მილიარდ ევროს შეადგენდა. სულ ევროკავშირის გაყიდვების 26% გერმანიზე მოდის, შემდეგ არის ბელგია (15% , 67 მილიარდი ევრო), ირლანდია (12%, 56 მილიარდი ევრო), საფრანგეთი (10%, 48 მილიარდი ევრო) და ბოლოს ნიდერლანდები (9% , 42 მილიარდი ევრო). 2021 წელს, ექსპორტ-იმპორტის მხრივ, აშშ, შვეიცარია, გაერთიანებული სამეფო და ჩინეთი ევროკავშირის ყველაზე დიდი პარტნიორები იყვნენ.
2021 წელს, ევროკავშირში, ქიმიური ნაერთების ექსპორტის ყველაზე დიდი წილი აშშ -ზე მოდის, რომელიც 115 მილიარდ ევროს შეადგენს. შემდეგ მოდის გაერთიანებული სამეფო (46 მილიარდი ევრო), შვეიცარია (40 მილიარდი ევრო), ჩინეთი (33 მილიარდი ევრო) და ბოლოს რუსეთი (20 მილიარდი ევრო).