შემოსავლის 64%-ით შემცირების შემდეგ 2021 აღდგენის წელი უნდა იყოს, ამის შესახებ Reuters-ს უმსხვილესი ამერიკული ავიაკომპანიის აღმასრულებელმადირექტორმა ედვარდ ბასტიანმა განუცხადა.
ბასტინის თქმით მოკლე დროში მგზავრთნაკადი ძველ ნიშნულს ვერ დაუბრუნდება, თუმცა წლის მეორე ნახევრიდან მომგებიანობის აღდგენა სავსებით შესაძლებელია. ძირითადად ყველაფერი მაინც ვაქცინის ეფექტიანობაზეა დამოკიდებული.
ავიაკომპანიის ხელმძღვანელის შეფასებით ყველაზე მძიმე პირველი კვარტალი იქნება, რა დროსაც შემოსავლის 60%-იანი კლება გაგრძელდება. ფრენების სიმცირის გარდა, შუა რიგებში ბილეთების გაყიდვა კვლავ აკრძალულია.
„ფრენების ძველი სიხშირით აღდგენას წელიწადზე მეტი დასჭირდება, იქამდე კი ავიაკომპანიის ზარალი დღიურად 10-15 მლნ აშშ დოლარს აღწევს.“ აღნიშნა ბასტიანმა როიტერთან ინტერვიუში.
Delta Airlinesმსოფლიოს უმსხვილესი ავიაკომპანიაა, 2019 წელს ის 204 მლნ მგზავრს მოემსახურა. იმავე წელს დელტას შემოსავალმა $47 მლრდ-ს მიაღწია, საიდანაც წმინდა მოგება $4.77 მლრდ-ს უდრიდა, აქტივების მოცულობა $15 მლრდ-ს აჭარბებდა, ხოლო თანამშრომელთა რაოდენობა 91 000-ს შეადგენდა. მისი საბაზრო კაპიტალიზაცია დღეს 27 მლრდ აშშ დოლარია, $13 მლრდ-ით ნაკლები ვიდრე 2020 წლის იანვარში.
2019 წელს მსოფლიოს აეროპორტებში მგზავრთნაკადმა 4.543 მლრდ შეადგინა. 2020 წელს 4%-იანი ზრდა და ამ მაჩვენებლის 4.723 მლრდ-მდე ზრდა იყო ნავარაუდევი, მაგრამ პანდემიამ და კოვიდრეგულაციებმა სინამდვილეში ეს რიცხვი 60%-ით 1.795 მლრდ-მდე შეამცირეს, რაც თავის მხრივ 2004 წლის მაჩვენებლთან შედარებით 10%-ით ნაკლებია. წინასწარი შეფასებით 2021 წელს 56%-ით მეტ 2.808 მლრდ მგზავრს მოემსახურებიან.
მსოფლიოსთან შედარებით მდგომარეობა კიდევ უფრო მძიმე აღმოჩნდა საქართველოში, სადაც იანვარ-ნოემბერში თვითმფრინავით გადაყვანილ მგზავრთა რაოდენობა, 83%-ით 4.88 მლნ-დან 815 ათასამდე შემცირდა.
გიორგი ელიზბარაშვილი