„ტოიოტა“ 2020 წლის Highlander-ების უკან გაწვევას აცხადებს. 3,5-ლიტრიანი V6 ძრავის მქონე მოდელებზე ძრავის კომპიუტერს შესაძლოა პროგრამული ხარვეზი ჰქონდეს, რომელიც Start-Stop ფუნქციის არასწორ მუშაობაში აისახება და ძრავაში საწვავის მიწოდებას შეეხება. გაწვევაში 38 810 ავტომობილი მოისაზრება. კამპანია 2020 წლის 24 აპრილიდან დაიწყება.
2020 წელს, 19 მარტს „ტოიოტამ“, National Highway Traffic Safety Administration (NHTSA)-თან შეთანხმებით, დეფექტის შესახებ ოფიციალური განაცხადი შეავსო, რომელიც 2020 წლის Highlander-ების კონკრეტულ კომპლექტაციებს ეხება. Highlander-ებს დაძვრა-გაჩერების ფუნქცია აქვს, რომელიც ავტომობილის გაჩერების შემთხვევაში ძრავს ავტომატურად თიშავს/აქრობს და შემდგომ დაძვრისას ქოქავს. ძრავის მართვის ბლოკის (ECU-ს) პროგრამული ხარვეზის გამო დაძვრა-გაჩერების შემთხვევაში საწვავის მიწოდების სისტემა შეიძლება არასწორად ფუნქციონირებდეს, ძრავაში საწვავი არ მიეწოდებოდეს.
საწვავის მიწოდების პრობლემა შეიძლება მოძრავი ავტომობილის ძრავის ჩაქრობა გამოიწვიოს. „ტოიოტა“ აცხადებს, რომ „მაღალ სიჩქარეზე მიმავალი ავტომობილის ძრავის ჩაქრობას სხვადასხვა ფაქტორი განაპირობებს, როგორებიცაა მართვის სტილი და ავტომობილის მდგომარეობა.“ ძრავის ჩაქრობას ხმოვანი სიგნალი და მაჩვენებელთა დაფაზე გამაფრთხილებელი ინდიკატორების გამოჩენა მოყვება.
„ტოიოტას“ საბედნიეროდ, ამ ხარვეზის გამოსწორება ფიზიკური ნაწილის შეცვლას არ საჭიროებს, მხოლოდ ძრავის კომპიუტერის განახლებული პროგრამული უზრუნველყოფის ჩაწერა მოუწევთ.
წყარო : crystalauto.ge