2020 წლის მაისში მშპ 13,5 %-ით შემცირდა - წინასწარი შეფასება

2020 წლის მაისში მშპ 13,5 %-ით შემცირდა - წინასწარი შეფასება

access_time2020-06-30 12:32:38

საქსტატის წინასწარი მონაცემებით, 2020 წლის მაისში, გასული წლის იმავე პერიოდთან შედარებით, 13,5 პროცენტით შემცირდა. მთლიანი შიდა პროდუქტების მოცულობა მიმდინარე წლის პირველ ხუთი თვეში 5,4 პროცენტით შემცირდა.


2020 წლის მაისში, წინა წლის შესაბამის პერიოდთან შედარებით, კლების ტენდენცია გამოვლინდა თითქმის ყველა სექტორში, - ვკითხულობთ საქსტატის გავრცელებულ განცხადებაში.კორონავირუსის პირობებში შექმნილი ანტიკრიზისული ბიუჯეტის პარამეტრებით, 2020 წელს საქართველოს ეკონომიკა 4 პროცენტით შემცირდება.


საქსტატის აღმასრულებელი დირექტორის, გოგიტა თოდრაძის განცხადებით, ეკონომიკურ ზრდაზე ნეგატიური გავლენა დამატებული ღირებულების გადამხდელი საწარმოების ბრუნვის 22.2%-ით შემცირებამ იქონია, ასევე ნეგატიურად აისახა ექსპორტის შემცირებული მაჩვენებელიც.


„საქონლის ექსპორტი 2020 წლის მაისში შემცირებულია დაახლოებით 30 პროცენტით და 235 მილიონი დოლარი შეადგინა. 35 პროცენტითაა შემცირებული იმპორტის მაჩვენებელი. 2020 წლის მაისში ქვეყანაში დარეგისტრირდა 3200-მდე ახალი საწარმო, თუმცა აღნიშნული მაჩვენებელი დაახლოებით 33 პროცენტით ჩამორჩება წინა წლის შესაბამისი პერიოდის მაჩვენებელს.


ეკონომიკური ზრდის წინასწარი შეფასებისას გამოყენებულ დღგ-ს გადამხდელ საწარმოთა ბრუნვის მოცულობა დაახლოებით 5.4 მლრდ ლარია, რაც წინა წლის შესაბამისი პერიოდის მაჩვენებელს 22.2 პროცენტით ჩამორჩება“, – აღნიშნა გოგიტა თოდრაძემ.


რაც შეეხება სექტორულ ანალიზს, საქსტატის ხელმძღვანელის ცნობით, მშენებლობის დარგში ინფრასტრუქტურული პროექტების მიმდინარეობის მიუხედავად, გამოვლინდა შემცირების ტენდენცია. შემცირება შეინიშნებოდა როგორც საცხოვრებელი და არასაცხოვრებელი შენობა-ნაგებობების მშენებლობის, ისე სამოქალაქო და სპეციალიზებული სამშენებლო სამუშაოების შესრულების მიმართულებით.



„აქვე აღსანიშნავია, რომ დაახლოებით 39 პროცენტით შემცირდა სამშენებლო მასალების იმპორტი, 25 პროცენტით არის შემცირებული ცემენტის და კლინკერის იმპორტი. დამამუშავებელი მრეწველობის სექტორში კლება ძირითადად დაკავშირებული იყო სამშენებლო მასალების, ავეჯის, ასევე ტანსაცმლისა და ფეხსაცმლის წარმოების მოცულობის შემცირებასთან. ასევე აღსანიშნავია პურ-პროდუქტების, არახანგრძლივი შენახვის საკონდიტრო ნაწარმის და სასმელების წარმოების მოცულობის შემცირება.


ვაჭრობის დარგში კლება ძირითადად დაკავშირებული იყო ავტომობილებით და ავტომობილების ნაწილებით ვაჭრობის მოცულობის შემცირებასთან. როგორც მოგეხსენებათ მაისში, წინა წლის შესაბამის პერიოდთან შედარებით დაახლოებით 77 პროცენტით არის შემცირებული მსუბუქი ავტომობილების რეექსპორტის მაჩვენებელი. შემცირებულია ასევე საცალო და საბითუმო ვაჭრობა ბენზინით, დიზელით, ბუნებრივი გაზით. აღსანიშნავია, რომ ცხრა პროცენტით შემცირდა ნავთობპროდუქტების იმპორტის მაჩვენებელიც. შემცირდა საცალო ვაჭრობა სამშენებლო მასალებით, საყოფაცხოვრებო ტექნიკით, ავეჯით, ფეხსაცმლითა და ტანსაცმლით, რაზეც რასაკვირველია, გარკვეული გავლენა მოხდინა ტურისტების რაოდენობის შემცირებამაც“, – განმარტა გოგიტა თოდრაძემ.


სტატისტიკის ეროვნული სამსახურის აღმასრულებელი დირექტორის თქმით, პენდემიამ სერიოზული ზარალი მიაყენა ტურიზმის სექტორს. მაისში, წინა წლის იგივე პერიოდთან შედარებით, 94 პროცენტით შემცირდა საერთაშორისო ვიზიტორების რაოდენობა.


„როგორც მოგეხსენებათ, ახალი კორონავირუსის გავრცელების გამო და ქვეყანაში შექმნილმა ვითარებამ, გარკვეულწილად იმოქმედა ტურიზმის სექტორზე. მნიშვნელოვანი კლება დაფიქსირდა სასტუმროებისა და რესტორნების სექტორში, რაც რასაკვირველია, დაკავშირებული იყო ტურისტების რაოდენობის შემცირებასთან. აღსანიშნავია ისიც, რომ ქვეყანაში ახალი კორონავირუსის თავიდან აცილების მიზნით გამოცხადებული საგანგებო მდგომარეობის გამო, შეიზღუდა გარკვეული კატეგორიის ეკონომიკური საქმიანობა, მათ შორის სასტუმროების და რესტორნების საქმიანობა, რომლებიც ძირითადად მიწოდების სერვისზე იყვნენ გადართულნი, შესაბამისად, ამან ნეგატიურად იმოქმედა ეკონომიკური ზრდის მაჩვენებელზე. აღსანიშნავია, რომ 94 პროცენტით შემცირდა საერთაშორისო ვიზიტორების მიერ განხორციელებული ვიზიტების რაოდენობა. მიმდინარე წლის მაისში საერთაშორისო ვიზიტორების მიერ სულ დაახლოებით 36 000-მდე ვიზიტი განხორციელდა, მაშინ როდესაც, გასული წლის შესაბამის პერიოდში აღნიშნული მაჩვენებელი 618 000 აღემატებოდა. ვიზიტების 95 პროცენტი სახმელეთო საზღვრის კვეთას უკავშირდება და აქედან უმრავლესობა, დაახლოებით 45 პროცენტი თურქეთზე მოდის”, – განაცხადა თოდრაძემ.


კლება დაფიქსირდა საფინანსო საქმიანობის, უძრავი ქონების, ხელოვნების, გართობისა და დასვენების სექტორებშიც.


„საფინანსო საქმიანობის სექტორში კლება განაპირობა კომერციული ბანკების საპროცენტო შემოსავლების შემცირებამ, ტრანსპორტის სექტორში შემცირების ტენდენცია გამოვლინდა როგორც სახმელეთო და საჰაერო სამგზავრო ტრანსპორტის საქმიანობაში, ისევე რკინიგზაში. შესაბამისად, შემცირდა საქალაქო, საგარეუბნო, სამგზავრო და საჰაერო ტრანსპორტთან დაკავშირებული მომსახურების მოცულობა.


უძრავი ქონებით ოპერაციების სექტორში კლება დაკავშირებული იყო საცხოვრებელი შენობა-ნაგებობების ყიდვა-გაყიდვასთან და იჯარით გაცემასთან დაკავშირებული კომპანიების ბრუნვის მოცულობის შემცირებასთან.


რაც შეეხება ხელოვნების, გართობის და დასვენების სექტორს, კლება ძირითადად დაკავშირებული იყო აზარტულ და ფულზე თამაშებთან დაკავშირებული კომპანიების ბრუნვის მოცულობის შემცირებასთან“, – აღნიშნა სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ.





თეგები:
საქსტატი



ბაიდენის პირველი სანქციები რუსეთის წინააღმდეგ

ბაიდენის პირველი სანქციები რუსეთის წინააღმდეგ
access_time2021-03-03 20:15:55
        აშშ-ს ახალმა პრეზიდენტმა რუსეთს ალექსეი ნავალნის მოწამლვის და დაპატიმრების გამო სანქციები დაუწესა.გადაწყვეტილების საფუძველი ამერიკის დაზვერვის სამსახურების დასკვნა გახდა, რომლის თანახმადაც მაღალი ალბათობით შეიძლება ითქვას, რომ 2020 წლის აგვისტოში რუსეთის სპეცსამსახურებმა ნავალნის წინაამღდეგ უკვე საყოველთაოდ ცნობილი მომწამლველი ნივთიერება „ნოვიჩოკი“ გამოიყენეს. პირველ რიგში პერსონალური სანქციები 7 რუსი მაღალჩინოსნის -...

“არემჯის“ და საქართველოს ტექნიკურ უნივერსიტეტს შორის- წარმატებული თანამშრომლობა გრძელდება

“არემჯის“ და საქართველოს  ტექნიკურ უნივერსიტეტს  შორის- წარმატებული თანამშრომლობა გრძელდება
access_time2021-03-03 18:00:37
კომპანია „არემჯის“  აღმასრულებელმა დირექტორმა თორნიკე ლიპარტიამ, საქართველოს ტექნიკური უნივერსიტეტის ახლადარჩეულ რექტორ  დავით გურგენიძესთან გაცნობითი სახის  შეხვედრა გამართა. მხარეებმა 3 წლიანი თანამშრომლობის შედეგები განიხილეს და სამომავლო გეგმებზე ისაუბრეს, რომელიც კომპანიის მხრიდან სტუდენტებისთვის სხვადასხვა პროგრამების შეთავაზებას და საქართველოს ტექნიკური უნივერსიტეტის მხარდაჭერას ითვალისწინებს. 2017 წელს „არემჯისა“ და...

WIZZAIR ფრენების აღდგენაზე: უპასუხისმგებლობა იქნება რომელიმე კონკრეტული მიმართულების დასახელება

WIZZAIR ფრენების აღდგენაზე: უპასუხისმგებლობა იქნება რომელიმე კონკრეტული მიმართულების დასახელება
access_time2021-03-03 19:00:25
ჯერჯერობით უცნობია, რა მიმართულებებით აღადგენს ფრენებს ქუთაისის საერთაშორისო აეროპორტიდან WizzAir-ი. როგორც „ბიზნესპარტნიორთან“ დაბალბიუჯეტური ავიაკომპანიის კორპორაციული კომუნიკაციების ხელმძღვანელი, ანდრაშ რადო განმარტავს, ეს ფრენების განახლების შემდეგ ბაზარზე არსებულ ვითარებაზე იქნება დამოკიდებული.     „უპასუხისმგებლობა იქნება ახლა რომელიმე კონკრეტული მიმართულება რომ დავასახელო. ვნახოთ, როდის აღვადგენთ ფრენებს და რა შეზღუდვები იქნება ამა თუ იმ ქვეყანაში ამ...

Mastercard-ისა და Carrefour-ის, სოციალური კამპანია დასრულდა - SOS ბავშვთა სოფლის 100 ბენეფიციარს საჩუქრები უკვე გადაეცა

Mastercard-ისა და Carrefour-ის, სოციალური კამპანია დასრულდა - SOS ბავშვთა სოფლის 100 ბენეფიციარს საჩუქრები უკვე გადაეცა
access_time2021-03-03 15:00:33
      გასულ თვეში, Mastercard-მა და Carrefour-მა ახალ სოციალური კამპანია წამოიწყეს, რომელიც, COVID-19-ის კიდევ ერთ გამოწვევასთან, ონლაინ სწავლებასთან გამკლავებას გულისხმობდა, ხოლო, მეორე მხრივ, უკონტაქტო გადახდის პოპულარიზაციის გზით, ვირუსის გავრცელების რისკების შემცირებას ისახავდა მიზნად. შეგახსენებთ, რომ გასული წლის მარტიდან მოყოლებული, თითქმის ერთი წლის განმავლობაში, სკოლები და უნივერსიტეტები ონლაინ სწავლების მეთოდით სარგებლობდნენ. სიტუაცია...

სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად

   სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად
access_time2021-03-03 13:00:06
ტურიზმის სექტორში მომუშავე კომპანიებმა, მათ შორისაა სტუმროების ქსელი „ინნ ჯგუფი“, ტურ კომპანია კლარკ რობინსონი, სასტუმროების ფედერაცია, „კა მენეჯმენტ გრუპი“, ტურ. კომპანია „კამერტონ თრეველი“, ტურ. კომპანია „იბერია ტურს პლიუსი“ და რამდენიმე სხვა,  ტურიზმის დარგის სწრაფი აღდგენისთვის საჭირო...


მსგავსი სიახლეები

up