კორონაკრიზისის მიუხედავად, 2020 წელს მრავალი ახალი შენობა და კონსტრუქცია აშენდა და სხვადასხვა რეკორდიც მოხსნა.
მსოფლიოში ყველაზე გრძელი შუშის ხიდი
ჩინეთის ქალაქ ლიანჩჟოუში, სექტემბერში შუშისძირის მქონე მსოფლიოში ყველაზე გრძელი ხიდი აშენდა. 526-მეტრიანი გამჭირვალე კონსტრუქცია გინესის რეკორდების წიგნში მოხვდა.
ის 4,5 სანტიმეტრის სისქის გამჭირვალე ზეგამძლე შუშის 3 ფენიდან შედგება. ხიდის ჯებირები უჟანგავი რკინისგანაა დამზადებული. ქარისადმი კონსტრუქციის გამძლეობის ზრდის მიზნით, ინჟინრებმა საკაბელო სისტემა გამოიყენეს, რომელიც ბეტონის ანკერებთან მაგრდება.
წლის ცათაბჯენი
რუსეთის ქალაქ სანქტ-პეტერბურგში აშენებულმა „ლახტა ცენტრმა“ საერთაშორისო პრემია Emporis Skyscraper Award მიიღო. 426 მეტრის სიმაღლის შენობამ 2020 წლის ცათაბჯენის ტიტული მოიპოვა.
„ლახტა-ცენტრი“ რუსეთში და ევროპაში ყველაზე მაღალი, ხოლო მსოფლიოში მე-15 ცათამბჯენია. ჟიურიმ მას უპირატესობა უჩვეული ფორმის, ეკოლოგიურად სუფთა მასალების და ენერგოეფექტური ტექნოლოგიების გამოყენების გამო მიანიჭა.
ყველაზე დიდი შადრევანი მსოფლიოში
პალმის შადრევანი (the Palm Fountain) დუბაის სანაპიროზე, პალმა ჯუმეირას კუნძულზე აშენდა. საემიროების ახალი ღირსშესანიშნაობა 1300 კვ. მეტრის ფართს იკავებს და ის გინესის რეკორდების წიგნში როგორც მსოფლიოში ყველაზე დიდი შადრევანი შევიდა. ის 128 მძლავრი წყალს აქაჩითაა აღჭურვილი, წლის ფერადი ჭავლები 105 მეტრის სიმაღლისაა.
აქ რეგულარულად ტარდება მუსიკალური და სინათლის სანახაოები, რომლებზეც დასწრება ყველას შეუძლია.
მსოფლიოში ყველაზე ღრმა აუზი დაივინგისთვის
პოლონეთის ქალაქ მშონუვში დაივინგისთვის მსოფლიოში ყველაზე ღრმა აუზი აშენდა. მისი სიღრმე 45 მეტრია, წყლის მოცულობა - 8000 კუბური მეტრი, რაც კლასიკურ ოლიმპიურ აუზთან შედარებით 20 ჯერ მეტია.
ის გათვალისწინებულია აკვალანგისტების და ფრი დაივერებისთვის. აუზში ასევე გამჭირვალე გვირაბია მოწყობილი, საიდანაც ყველაფერი, რაც ხდება ფსკერზე, კარგად ჩანს.
მსოფლიოში პირველი საავტომობილო ესტაკადა ოკეანის ფსკერზე
ფარერის კუნძულებზე მსოფლიოში პირველი საავტომობილო ესტაკადა ზღვის ფსკერზე აშენდა. ის 11 კილომეტრიანი წყალქვეშა გვირაბის ნაწილია, რომელიც 2021 წლის იანვარში გაიხსნება. არქიპელაგის 2 ყველა დიდ კუნძულს ერთმანეთთან დააკავშირებს.
ახალ გვირაბი მდებარეობს 189 მეტრის სიღრმეზე.
მსოფლიოში ყველაზე მაღალი ხის შენობა
მსოფლიოში ყველაზე მაღალი ხის ცათაბჯენი აშენდა ნორვეგიაში, ქალაქ ბრუმუნდალში. შენობის სიმაღლეა 85,4 მეტრი, ის 18 სართულიანია.
ხის ცათაბჯენშია ბინები, სასტუმრო, რესტორანი, ტერასა ჭერზე და საზოგადოებრივი სივრცეები. შენობა კომპანია Moelven-მა დააპროექტა. მშენებლობა ბლოკებით მიმდინარეობდა - 4 სართულის აწყობის შემდეგ ბლოკის ამწეკრანით შესაბამის სიმაღლეზე თავსდებოდა.
rbc.ru
თენგიზ აბლოთია