კოვიდ 19-ის გავრცელების მიუხედევად, ავტომაგისტრალის მშენებლობა შეფერხებების გარეშე მიმდინარეობს , მათ შორის არის ისეთი პროექტები, რომელთაც ახორციელებენ უცხოური კომპანიები. ამის შესახებ „კომერსანტს“ საქართველოს საავტომობილი გზების დეპარტამენტიში განუცხადეს. მათი ინფორმაციით 2020 წლის ბიუჯეტის ათვისება გეგმის მიხედვით მიმდინარეობს. ერთ-ერთი ასეთი პროექტი აღმოსავლეთ–დასავლეთის ჩქაროსნული ავტომაგისტრალის შემადგენელი, ზემო ოსიაური-ჩუმათეთელის პროექტია.საქართველოს საავტომობილო გზების დეპარტამენდიტან გამოთხოვილი საჯარო ინფორმაციის მიხედვით ირკვევა, რომ აღნიშნული პროექტის ფარგლებში, აქტიურად გრძელდება ხაშურის შემოვლითი გზის მშენებლობა. მათი ინფრომაციით, ახალი 13 კმ-იანი შემოვლითი გზით გადაადგილება ივლისიდან გახდება შესაძლებელი. მოწოდებული დოკუმენტების თანახმად, ირკვევა, რომ:
„დღეის მდგომარეობით, მიმდინარეობს E-60 ავტომაგისტრალის ზემო ოსიაური- ჩუმათელეთის კმ0+000-კმ5+800 მონაკვეთის (ლოტი 1) და ზემო ოსიაური-ჩუმათელეთის კმ5+800- კმ7+700 (ლოტი 2) სამშენებლო სამუშაოები. ამასთან გაცნობებთ, რომ E-60 ჩქაროსნული მაგისტრალისზემო ოსიაური-ჩუმათელეთის კმ0+000-კმ5+800 მონაკვეთის სამშენებლო სამუშაოების (ლოტი 1) სახელშეკრულებო ღირებულება არის 133 530 690.66 ლარი და ამ ეტაპზე ზემო აღნიშნულიხელშეკრულების ფარგლებში ანაზღაურებულია 36 683 112.86 აშშ დოლარი და 25 055 118.49 ლარი. ხოლო E-60 ჩქაროსნული მაგისტრალის ზემო ოსიაური-ჩუმათელეთის კმ5+800-კმ7+700 მონაკვეთის სამშენებლო სამუშაოების სახელშეკრულებო ღირებულება არის 50 653 768.63 ლარი დახელშეკრულების ფარგლებში ანაზღაურებულია 6 156 926.50 აშშ დოლარი და 4 202 564.10 ლარი.
ამასთან, გაცნობებთ რომ ხაშურის შემოვლითი გზის მშენებარე მონაკვეთში შედის დეპარტამენტსა და COPRI CONSTRUCTION ENTERPRISES W.L.L-სშორის E-60 ჩქაროსნული მაგისტრალის რუისი-რიკოთის კმ 95-კმ 143 მონაკვეთის მეორე სექციის აგარა-ზემო ოსიაურის კმ19- კმ31 მონაკვეთის სამშენებლო სამუშაოებზე გაფორმებული ხელშეკრულების ფარგლებში შესრულებული 5 კილომეტრიანი მონაკვეთი. აღნიშნული ხელშეკრულების ფარგლებშიმთლიანად ანაზღაურებულია 12 604 873.37 აშშ დოლარი, 7 461 040.08 ევრო და 63 077 829.22 ლარი“,- ვკითხულობთ საქართველოს საავტომობილი გზების დეპარტამენდიტან გამოთხოვილ ინფორმაციაში.
ზემო ოსიაური–ჩუმათელეთის გზის მეორე მონაკვეთის დარჩენილი 6.4 კმ-იანი გზის მშენებლობისთვის, ამ ეტაპზე, წარმოდგენილი სატენდერო წინადადებების შერჩევა-შეფასება მიმდინარეობს.
საქართველოს საავტომობილი გზების დეპარტამენტში განმარტავენ, რომ ზემო ოსიაური–ჩუმათელეთის მონაკვეთი, ქვეყნის მთავარი სატრანზიტო ავტომაგისტრალის შემადგენელი ნაწილია და ამ მონაკვეთის ექსპლუატაციაში შესვლით გაიზრდება ჩქაროსნული გზის გამტარუნარიანობა, ავტოტრანსპორტის მოძრაობის უსაფრთხოების დონე და შემცირდება მგზავრობის დრო. პროექტი შეამცირებს გადაზიდვების ხარჯებს და ხელს შეუწყობს სატრანზიტო მიმოსვლის ზრდას.
შეგახსენებთ, რომ ახალი გზა, აგარა-ზემო ოსიაურის ბოლო მონაკვეთზე დაიწყება და სურამში მოწყობილ ახალ კვანძთან შეურთდება არსებულ გზას. ხაშურის შემოვლითი გზა, ზემო ოსიაური–ჩუმათელეთის გზის ნაწილია და ორივე ლოტის დასრულების შემდეგ, გზა რიკოთის საუღელტეხილო გვირაბამდე მივა. ამ გზით, ჩრდილოეთიდან გვერდს ავუვლით ხაშურს, სურამს და ჩუმათელეთს. პროექტის ფარგლებში, საერთო ჯამში აშენდება: 4 ზოლიანი ცემენტ-ბეტონის გზა, 21 ხიდი, 5 გვირაბი, რკინა-ბეტონის მიწისქვეშა გასასვლელები, წყალგამტარი მილები და სადრენაჟე სისტემები.
ბაჩო ადამია
საავტომობილო გზების დეპარტამენტი
