მთავრობამ ცალკეული სამინისტროების დაფინანსების შემცირება გეგმა წარადგინა. ყველაზე მეტად, ინფრასტრუქტურის სამინისტროს ბიუჯეტი მცირდება, შემდეგ მოდის განათლების, კულტურისა და სპორტის სამინისტრო. ჯამურად ამ შემცირებებით 600 მილიონი ლარის დაზოგვა არის დაგეგმილი, რისი უდიდესი ნაწილის მიმართვაც სოციალურ ხარჯებზე მოხდება.
სამინისტროების მიხედვით, შემცირებები ასეთია:
● ინფრასტრუქტურის სამინისტროს ბიუჯეტი 251 მლნ ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 2 071,6 მლნ. ლარი იყო);
● განათლების, კულტურისა და სპორტის სამინისტრო - 177.7 მლნ ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 1 666 მლნ. ლარი იყო);
● თავდაცვის სამინისტრო - 75 მლნ ლარით ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 880 მლნ. ლარი იყო);
● ეკონომიკის სამინისტროს ტრანსფერი - 26 მლნ ლარით მცირდება(2020 წლის ბიუჯეტის ბოლო ვერსიის მიხედვით, ეკონომიკისა და მდგრადი განვითარების სამინისტროს ასიგნებების მოცულობა 364 მლნ. ლარი იყო);;
● სოფლის მეურნეობის და გარემოს დაცვის სამინისტრო - 15 მლნ ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 353 მლნ. ლარი იყო);
● ფინანსთა სამინისტრო - 12 მლნ ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 93 მლნ. ლარი იყო);;
● შინაგან საქმეთა სამინისტრო - 10 მილიონი ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 770 მლნ. ლარი იყო);
● საერთო სასამართლოები - 8 მლნ ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 84,38 მლნ. ლარი იყო);;
● პარლამენტი - 4 მლნ ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 64 მლნ. ლარი იყო);
● საგარეო საქმეთა სამინისტრო - 3 მლნ ლარით მცირდება (2020 წლის ბიუჯეტის ბოლო ვერსიის მიხედვით, სამინისტროს ასიგნებების მოცულობა 159 მლნ. ლარი იყო);
● ქალაქ თბილისის ტრანსფერი - 35 მლნ ლარით მცირდება.
ბიუჯეტის მიმდინარე (არა COVID 19) ხარჯები 301 მილიონი ლარით მცირდება, კაპიტალური ხარჯები კი 298 მილიონი ლარით. ამასთან მიმდინარე ხარჯები, რომლებიც ანტიკრიზისულ გეგმას უკავშირდება 1.8 მილიარდი ლარით განისაზღვრება და ამ მხრივ მატება არის დაგეგმილი, ხოლო ანტიკრიზისული კაპიტალური ხარჯების ზომა 118 მილიონი ლარი იქნება. საბოლოოდ, ერთი მხრივ მიმდინარე ხარჯები 600 მილიონი ლარით მცირდება, ხოლო ანტიკრიზისული ხარჯები კი 1.9 მილიარდი ლარით. ამ ფაქტორების ერთობლიობით, ნაერთი ბიუჯეტის ჯამური ხარჯები წარსულში არსებული 14.5 მილიარდი ლარიდან, 15.8 მილიარდ ლარამდე იზრდება.
დეტალურად, ბიუჯეტის პარამეტრებს „კომერსანტი“ მათი გამოქვეყნების შემდეგ შემოგთავაზებთ.
ბიუჯეტი
