2020 წელს საქართველომ ტურიზმიდან 3 მლრდ დოლარზე მეტი დაკარგა

2020 წელს საქართველომ ტურიზმიდან 3 მლრდ დოლარზე მეტი დაკარგა

access_time2021-01-11 15:00:12

2020 წლის დეკემბერში საქართველოს 53 ათასი საერთაშორისო მოგზაური ეწვია, რაც 2019 წლის დეკემბერთან შედარებით 92%-ით ნაკლებია. იმავე პერიოდში ვიზიტორთა რაოდენობა 90.4%-ით 51 ათასამდე, ხოლო ტურისტების რაოდენობა 85.8%-ით, 44 ათასამდე შემცირდა. ინფორმაციას ტურიზმის ეროვნული ადმი9ნისტრაცია ავრცელებს.


დეკემბერში ყველაზე მეტი, 20 ათასი ვიზიტორი საქართველოში თურქეთიდან შემოვიდა, რაც 1 წლის წინანდელ მაჩვენებელთა შედარებით 75%-ით ნაკლებია, თუმცა რადგან თურქეთი დღემდე რჩება #1 სავაჭრო პარტნიორ სახელმწიფოდ, სხვა ქვეყნების ფონზე კლების მასშტაბი შედარებით დაბალი იყო. იმავე პერიოდში რუსეთიდან ვიზიტორების რაოდენობა 92.5%-ით, სომხეთიდან 92.8%-ით, ხოლო აზერბაიჯანიდან 96.7%-ით შემცირდა.


რეგიონების მიხედვით, თუ ევროპიდან და ამერიკიდან ვიზიტორების რაოდენობა 90-91 პროცენტით შემცირდა, აღმოსავლეთ აზიიდან, აფრიკდან და შუა აღმოსავლეთიდან ვარდნამ 98%-ს გადააჭარბა.


უშუალოდ ევროკავშირიდან განსაკუთრებით მაღალი ვარდნა დაფიქსირდა გერმანიიდან - 92%, საბერძნეთი - 93%, იტალია - 95.9%, პოლონეთი - 97.9% და ლიეტვუა - 98.2%. მართალია ლუქსემბურგიდან 100%-იანი კლევა ფიქსირდება, მაგრამ ეს 100% მხოლოდ 8 ვიზიტორს გულისხმობს.
სატრანსპორტო სფეროებიდან ყველაზე მეტად ავიაცია დაზარალდა. თუ 2019 წლის დეკემბერში საქართველოს აეროპორტების გავლით 91 565 ვიზიტორი ეწვია, 2020 წლის დეკემბერში ეს მაჩვენებელი 95.7%-ით 3905-მდე შემცირდა. თბილისის აეროპორტში 94.3%-იანი, ქუთაისისა და ბათუმის აეროპორტებში კი 99.9%-იანი კლება დაფიქსირდა.


რაც შეეხება წლიურ სტატისტიკას, იანვარ-თებერვლის და ნაწილობრივ მარტის ხარჯზე კლება შედარებით ნაკლებია. იანვარში ტურისტების რაოდენობა 18.9%-ით ხოლო თებერვალში 4%-ით გაიზარდა. რაც შეეხება მარტს, მარტში მკვეთრი 62%-იანი ვარდნა აღინიშნა, მაგრამ ვარდნის ეს ტემპი მაინც საშუალო წლიურზე ნაკლები აღმოჩნდა. მთლიანობაში 2020 წელს საქართველოს 1.749 მლნ საერთაშორისო მოგზაური ეწვია, 81.3%-ით ნაკლები ვიდრე 2019 წელს. მოგზაურებიდან ვიზიტორი 1.515 მლნ იყო - 85.7%-ით ნაკლები, ხოლო ტურისტის 1.1 მლნ - 78.6%-ით ნაკლები. კლასიკური გაგებით ტურისტი რეალურად უფრო ნაკლები იყო, თუმცა სტატისტიკის შედგენიას გამოყენებული მეთოდოლოგიის თანახმად ტურისტია ადამიანი, რომელიც ქვეყანაში 24 საათზე მეტს დაჰყოფს, მაშინაც კი თუ ის დასასვენებლად არ იმყოფება.



წლიურადაც ყველაზე მეტად ავიაცია დაზარალდა. საჰაერო გზით საქართველოში შემოსულ ვიზიტორთა რაოდენობა 85.3%-ით 1.829 მლნ-დან 270 ათასამდე შემცირდა.


პანდემისა და კოვიდრეგულაციების პირობებში შემცირდა როგორც საგარეო ვაჭრობა, ასევე ინვესტიციები, შეჩერდა ან დაიხურა ბევრი ბიზნესი, თუმცა ყველაზე დიდი დატყმა ტურიზმმა მიიღო, რომლის სრული აღდგენაც 2025 წლამდე ვერ მოხდება. 2019 წელს ტურიზმის სფეროდან მიღებულმა შემოსავალმა $3.3 მლრდ-ს გადააჭაბრა. 2020 წლის მოლოდინი $3.5 მლრდ-ს შეადგენდა, საიდანაც $3 მლრდ-ზე მეტი დაიკარგა.


საქართველოში პანდემიამდე ტურიზმის წილი ეკონომიკაში 10%-ს შეადგენდა. რაც უმთავრესი მიზეზი გახდა იმისა, რომ საქართველოს - განვითარებადის ქვეყნის მშპ თავისი ზომი ეკონომიკის მქონე ქვეყნებთან შედარებით უფრო მეტად შემცირდა, მაგრამ ეს მედლის მხოლოდ ერთი მხარეა. თავის დროზე ტურიზმმა ეკონომიკური ზრდა დააჩქარა და პანდემიის შემდეგაც ის რაც 10 წელზე მეტი ხნის განმავლობაში შენდებოდა და ჩამოიშალა უფრო სწრაფად დაახლოებით 5 წელში აღდგება და სექტორი ეკონომიკურ ზრდაში ისევ პოზიტიურ როლს შეასრულებს.


გიორგი ელიზბარაშვილი

თეგები:
ტურიზმი



დღის TOP 10 საინტერესო ამბავი

დღის TOP 10 საინტერესო ამბავი
access_time2021-01-22 21:00:57
დღის TOP 10 საინტერესო ამბავი: 1.თბილისში მუნიციპალური ტრანსპორტის აღდგენა მარტიდან იგეგმება უწყებათაშორისი საკოორდინაციო საბჭოს გადაწყვეტილებით, ბათუმში, ზუგდიდში, გორში, ფოთსა და თელავში...

“დღეს ფაქტობრივად შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ

“დღეს ფაქტობრივად  შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ
access_time2021-01-22 16:00:04
„ისეთი შთაბეჭდილება მრჩება, რომ  თითქოს როგორც ინდიელები ჰყავდათ რეზერვაციაში, ასე ვართ  მოქცეული, ოღონდ  იქ  ყველანაირად სოციალურად უზრუნველყოფილები იყვნენ. დღეს  ფაქტობრივად  გაგვწირეს  შიმშილისთვის,...

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი
access_time2021-01-22 17:00:04
„ლილო მოლის“ პრეზიდენტი ლევან გაგუა „ბიზნესპარტნიორთან“ შეზღუდვების მოხსნასთან დაკავშირებით მთავრობის გადაწყვეტილებას ეხმაურება და აცხადებს, რომ მათთვის 15 თებერვლამდე გახსნის გადავადება მოულოდნელი იყო. როგორც გაგუა განმარტავს, სავაჭრო სივრცეში, რითეილში ეს მდგომარეობა 2 თვეზე მეტია გრძელდება, საუბარია, ბაზრობების არათანაბარ პირობებში ჩაყენებაზე. „მძიმე ვითარებაა. რითეილის სფეროში გარკვეულ კატეგორიას ეძლევა უკვე მეორედ გახნის, არსებობის საშუალება,...

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე
access_time2021-01-22 13:20:14
საქართველოს ბიზნეს ასოციაციის ნავთობის, ნავთობპროდუქტებისა და გაზის კომიტეტი, საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატების თაობაზე მიღებულ გადაწყვეტილებას ეხმიანება.„ეს არის კიდევ ერთი წინგადადგმული, გონივრული და მნიშვნელოვანი ნაბიჯი სახელმწიფოს მხრიდან. უკანასკნელ პერიოდში, ხელისუფლების მიერ ნავთობპროდუქტების სექტორში ინიცირებული და განხორციელებული პოზიტიური ცვლილებები უდაოდ არის...

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია
access_time2021-01-22 15:10:00
1-ლი მარტიდან გახსნას აზრი აღარ ექნება, რადგან ბიზნესი ამ დროს უკვე აღარ იარსებებს - ამის შესახებ რესტორატორთა ასოციაციის დამფუძნებელმა კოტე გაბრიჩიძემ ,,ბიზნესპრესნიუსთან“ განაცხადა. მისი თქმით, საკოორდინაციო საბჭოს მოქმედებები აბსოლუტურად ალოგიკურია. ,,ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ. დღეს გაირკვა, რომ ამაზე მსჯელობენ და დღეიდან ეს ჩემთვის მავნებლების საბჭოა და მხოლოდ ასე...


მსგავსი სიახლეები

up