2020 წელს ქარის სამი სადგურის მშენებლობა იგეგმება

2020 წელს ქარის სამი სადგურის მშენებლობა იგეგმება

access_time2019-08-24 12:24:48

ეკონომიკის სამინისტროს ინფორმაციით, ამ ეტაპზე განხორციელების სხვადასხვა ფაზაშია ქარის 4 ელექტროსადგურის პროექტი. როგორც უწყებამ BM.GE-ს აცნობა, ესენია "ნიგოზას", "ზესტაფონის", "რუისისა" და "ქართლი 2"-ის ელექტროსადგურები.

 

კერძოდ, სამინისტროს ინფორმაციით, "ქართლი 2"-ის ქარის ელექტროსადგურის სავარაუდო დადგმული სიმძლავრე 90 მეგავატია, სავარაუდო წლიური გამომუშავება - 340 გვტ.სთ. ამ პროექტისთვის ინვესტიციის მოცულობა 125 მლნ აშშ დოლარს შეადგენს. ამ ეტაპზე პროექტის ტექნიკურ-ეკონომიკური კვლევა მზადდება, ელექტროსადგურის მშენებლობა კი 2021-2025 წლებშია ნავარაუდევი.

 

"ნიგოზას ქარის ელექტროსადგური" სავარაუდო დადგმული სიმძლავრე 50 მეგავატია, სავარაუდო წლიური გამომუშავება - 180 გვტ.სთ, ინვესტიციის მოცულობა - 75 მლნ აშშ დოლარი. სამინისტროს ცნობით, დღევანდელი მდგომარეობი, მშენებლობის მემორანდუმის გაფორმების პროცესი მიმდინარეობს, მშენებლობა კი 2020 წელს დაიწყება.

 

"ზესტაფონის ქარის ელექტროსადგურის" სავარაუდო დადგმული სიმძლავრეა 50 მეგავატი, წლიური გამომუშავება - 162 გვტ.სთ, ინვესტიციის მოცულობა - 60 მლნ აშშ დოლარი. ამ ეტაპზე პროექტის ტექნიკურ-ეკონომიკური კვლევის მომზადება მიმდინარეობს, ელექტროსადგურის მშენებლობის დაწყება კი 2020 წლის შემოდგომაზე იგეგმება.


 

რაც შეეხება "რუისის ქარის ელექტროსადგურის" სავარაუდო დადგმულ სიმძლავრეს, ის 10 მეგავატს შეადგენს, სავარაუდო წლიური გამომუშავება 42 გვტ.სთ-ია, ინვესტიციის მოცულობა კი 14 მლნ აშშ დოლარი. ამ პროექტთან დაკავშირებით ასევე ტექნიკურ-ეკონომიკური კვლევის მომზადება მიმდინარეობს, მშენებლობის დაწყება 2020 წელს იგეგმება.

 

საერთო ჯამში, ეკონომიკის სამინისტროს ინფორმაციით, ქვეყნის ქარის ენერგეტიკული პოტენციალი შეფასებულია დაახლოებით 1500 მგვტ-ით, დღეის მდგომარეობით კი გაფორმებულია 18 ურთიერთგაგების მემორანდუმი, დადგმული სიმძლავრით 1160 მგვტ.

 

"ენერგეტიკული სისტემის მდგრადობისა და ელ.ენერგიის ხარისხის მოთხოვნებიდან გამომდინარე, ჩატარებული კვლევების საფუძველზე, 2020-2021 წლებისთვის შესაძლებელია ქსელში ინტეგრირებულ იქნეს 333 მგვტ, 2025 წლამდე დაგეგმილი სარეზერვო წყაროების გაჩენის მიხედვით შესაძლებელი იქნება ქსელში დამატებით 330 მგვტ. სიმძლავრის ინტეგრირება.

 

დღეის მდგომარეობით, დაახლოებით 330-350 მგვტ. ქსელში ინტეგრირებასთან დაკავშირებით უკვე მიმდინარეობს კომპანიებთან სამშენებლო მემორანდუმების გაფორმების პროცესი, რომელთა ინტეგრირება გათვალისწინებულია 2020-2021 წლებში", - განმარტავენ ეკონომიკის სამინისტროში.


BMG




30 მარტი - ქართული ლარი და სომხური დრამი უმნიშვნელოდ გამყარდა, თურქული ლირა კი გაუფასურდა

30 მარტი - ქართული ლარი და სომხური დრამი უმნიშვნელოდ გამყარდა, თურქული ლირა კი გაუფასურდა
access_time2020-03-30 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდება, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.     ეროვნული ბანკის მიერ გამოქვეყნებული 30 მარტის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის ღირებულებამ 3.2845 ლარი შეადგინა. Bloomberg-ზე დილიდან ვაჭრობა $1/3.2875...

საქართველოს მასშტაბით კარანტინი გამოცხადდა

საქართველოს მასშტაბით კარანტინი გამოცხადდა
access_time2020-03-30 17:10:10
საქართველოს მასშტაბით კარანტინი გამოცხადდა. ამის შესახებ საქართველოს პრემიერ-მინისტრმა, გიორგი გახარიამ მთავრობის ადმინისტრაციაში, ბრიფინგზე განაცხადა. საკარანტინო რეჟიმი ახალი კორონავირუსის გავრცელების საპრევენციო ღონისძიებების ფარგლებში იქნა შემოღებული. „მივიღეთ გადაწყვეტილება საგანგებო მდგომარეობის ფარგლებში ზომების მნიშვნელოვანი გამკაცრების შესახებ. ჩვენ ვაცხადებთ ფაქტობრივად საყოველთაო კარანტინს, რომელიც ხვალ, დილის 08:00 საათიდან დაიწყება“, –...

დააპაუზე უფასოდ - საინიციატივო ჯგუფი, რომელიც პანდემიის დროს მოქალაქეებს იურიდიულ კონსულტაციას უწევს

დააპაუზე უფასოდ - საინიციატივო ჯგუფი, რომელიც პანდემიის დროს მოქალაქეებს იურიდიულ კონსულტაციას უწევს
access_time2020-03-30 17:00:36
„დააპაუზე უფასოდ“ - ამ სახელით ინტერნეტსივრცეში შექმნილი სამართლებრივი სივრცე მიზნად ისახავს კორონავირუსის პანდემიით გამოწვეული პრობლემების სამართლებრივი გზით მოგვარებას. იდეის ავტორი, ადვოკატი მარიკა არევაძე „კომერსანტთან“ აღნიშნავს, რომ რამდენიმე ათეული სხვადასხვა პრობლემის შესახებ იღებენ შეტყობინებას და მათი მხრიდან ხდება ხალხის დაკვალიანება იურიდიული კუთხით, თუ როგორ უნდა მოიქცეს მოქალაქე ფორსმაჟორულ სიტუაციაში იჯარის, სესხების თუ კომუნალურებთან დაკავშირებული გართულებების...

„როდესაც ერთ ბაზარზე ხარ ჩამოკიდებული, დრამატული ცვლილებები ყოველთვის მოსალოდნელია“ - ალექსანდრე რატიშვილი

„როდესაც ერთ ბაზარზე ხარ ჩამოკიდებული, დრამატული ცვლილებები ყოველთვის მოსალოდნელია“ - ალექსანდრე რატიშვილი
access_time2020-03-30 18:00:42
 „წარმოება არც გაზრდილა და არც შემცირებულა, ბაზარზე  მოთხოვნა  სტაბილურად არსებობს, რომელსაც ვაკმაყოფილებთ“- ამის შესახებ „კომერსანტს“ პურ-ფუნთუშეულის და საკონდიტრო პროდუქტის მწარმოებელი კომპანიის „ემ სი ბი ჯორჯიას“ მმართველმა პარტნიორმა ალექსანდრე რატიშვილმა განუცხადა. მისი თქმით, წარმოების პროცესი ჩვეულებრივ რეჟიმში მიმდინარეობს და კომპანიაა 15 სახის პროდუქციას წარმოებას ისევ აგრძელებს.   „როგორც საგანგებო...

„როგორც ჩანს, სტრესს ვერ გაუძლო“ - ჰესენის ფედერალური მიწის ფინანსთა მინისტრის თვითმკვლელობას „covid 19”-ის პანდემიას უკავშირებენ

„როგორც ჩანს, სტრესს ვერ გაუძლო“ - ჰესენის ფედერალური მიწის ფინანსთა მინისტრის თვითმკვლელობას  „covid 19”-ის პანდემიას უკავშირებენ
access_time2020-03-30 16:30:04
გერმანიის ჰესენის ფედერალური მიწის ფინანსთა მინისტრმა ტომას შეფერმა სიცოცხლე თვითმკვლელობით დაასრულა. დასავლური მედიის ცნობით, ტომას შეფერის ცხედარი ფრანკფურტის მახლობლად, მატარებლის ლიანდაგზე აღმოაჩინეს. ჰესენის ფედერალური შტატის პრემიერ-მინისტრის, ვოლკერ ბუფირის თქმით, შეფერი "covid 19"-ის პანდემიის გამო სტრესულ მდგომარეობაში იყო. "როგორც ჩანს, სტრესს ვერ გაუძლო. გამოსავალი ვერ იპოვა და დაგვტოვა. მისი წუხილი იყო, შეძლებდა თუ არა მოსახლეობის უზარმაზარ...


მსგავსი სიახლეები

up