2020 წელს პანდემიის პირობებში სადაზღვევო სექტორის მოგება 89%-ით გაიზარდა

2020 წელს პანდემიის პირობებში სადაზღვევო სექტორის მოგება 89%-ით გაიზარდა

access_time2021-04-21 11:00:48

„დაზღვევის სფერო არის ერთ-ერთი გამონაკლისი იმ ბიზნესებს შორის, რომელიც გასულ წელს მინუსში არ წავიდა და 2019 წელთან შედარებით დადებითი შედეგი აჩვენა“- ამის შესახებ რადიო „კომერსანტის“ გადაცემაში „დაზღვევის დრო“ საქართველოს დაზღვევის სახელმწიფო ზედამხედველობის სამსახურის უფროსმა დავით ონოფრიშვილმა განაცხადა. მისივე თქმით, სადაზღვევო სექტორის შემოსავალმა 667 მილიონი ლარი შეადგინა და წმინდა მოგება 47 მილიონი ლარით განისაზღვრა, რაც 89%-ით აღემატება წინა წლის მაჩვენებელს - 25 მლნ. ლარს.


„მოგეხსენებათ, რომ დღეს ბაზარზე მოქმედ 18 სადაზღვევო კომპანიას აქვს თავისი კაპიტალი, რომელსაც ისინი მუდმივად არ იყენებენ და დეპოზიტად კომერციულ ბანკებში ანთავსებენ, ხშირად ამ თანხის განთავსება დოლარებში ხდება, შესაბამისად გაცვლითი კურსის ცვლილებამ მათი შემოსავლები წინა წელთან შედარებით ლარებში გაზარდა, რაც მოგების ზრდის ერთ-ერთი მნიშვნელოვანი ფაქტორი იყო. კერძო ჯანმრთელობის დაზღვევას სხვადასხვა კომპანიებისგან აქვს 17%, მარტში გამოცხადებული ლოქდაუნის გამო რაიმეს პროგნოზირება ძალიან რთული იყო და მოსახლეობის დიდი ნაწილი სამედიცინო სერვისებისთვის კლინიკაში არ მიდიოდა, ამიტომ მხოლოდ გადაუდებელ შემთხვევებში ხდებოდა სამედიცინო მომსახურეობის მიღება. იგივე ხდებოდა მანქანების ნაწილშიც რადგან თვენახევრის პერიოდში მანქანები საერთოდ არ მოძრაობდნენ, ამ ეტაპზეც მოძრაობა ცხრა საათის შემდეგ შეზღუდულია, სტატისტიკურად ავარიების შემთხვევების დიდი პროცენტი სწორედ ცხრა საათის შემდეგ მოდის, ამიტომ ამ ნაწილშიც მიმართვიანობა და შესაბამისად ზარალიანობაც ნაკლები იყო, ესეც არის ერთ-ერთი ფაქტორი იმისა, რამაც მოგების ზრდაზე იმოქმედა“, — განაცხადა დავით ონოფრიშვილმა.


ონოფრიშვილის განმარტებით, წინა წელთან შედარებით გაზრდილია როგორც აქტივების ოდენობა ასევე კაპიტალიც. მისივე თქმით, კომპანიებს შარშანდელი წლის ბოლომდე მინიმალური კაპიტალის ვალდებულება ჰქონდათ, ანუ თითოეულ კომპანიას კაპიტალი 3 მილიონიდან 7,2 მილიონამდე უნდა შეევსოთ.


„შარშან ზაფხულში პანდემიის პირობებში ბიზნესასოციაციისა და სადაზღვევო ასოციაციის მხრიდან ჩვენი და მთავრობის მიმართ იყო თხოვნა, მინიმალური კაპიტალის შემცირების თაობაზე. სხვათაშორის მთავრობამ განიხილა ეს თხოვნა და ჩვენი სამსახურის რეკომენდაციაც იყო რომ მათთვის მხარი დაგვეჭირა, რადგან პანდემიიდან გამომდინარე ბაზარის მოცულობა მნიშვნელოვნად არ იცვლებოდა და დამატებითი რისკებიც არ იყო მოსალოდნელი. ჩვენ რეალურად მხარი დავუჭირეთ მათ და სერიოზული შეღავათი გავუწიეთ. ზოგადად, როდესაც ეს რისკები იზრდება შესაბამისად კაპიტალის მინიმუმიც იზრდება, ჩვენ ვაკვირდებოდით რისკებს და საბოლოოდ ეს გადაწყვეტილება სადღაც ოქტომბერში მივიღეთ და გაამართლა კიდეც. კომპანიებიც კმაყოფილები დარჩნენ, მათ არ დასჭირდათ დამატებითი სახსრების დეპოზიტზე განთავსება; მომხმარებლისთვისაც რისკები არ გაზრდილა, ბაზარიც გაიზარდა და უფრო კონკურენტუნარიანი გახდა“, - აღნიშნა დავით ონოფრიშვილმა.


რაც შეეხება სადაზღვეო ბროკერებს ონოფრიშვილმა თქვა, რომ სადაზღვეო ბროკერი მნიშვნელოვანი მიმართულებაა, ეს არის შუალედური რგოლი მზღვეველსა და დამზღვევს შორის.



„უცხოეთში ეს მნიშვნელოვნად რეგულირებადი ნაწილია, ჩვენთან გვქონდა მინიმალური რეგულაცია ამ მიმართულებით, რომელიც დროთა განმავლობაში გაიზარდა, სრულიად არ გადავდივართ ევროკავშირის რეჟიმზე, რადგან ძალიან გაუჭირდებოდათ ბროკერებს ეს რეჟიმი, თუმცა შევძელით, რომ ის მინიმალური მოთხოვნები დაგვეფიქსირებინა. მაგალითად თუ სადაზღვევო კომპანიებს მილიონები აქვთ ჩადებული, ახალი რეგულაციით სადაზღვევო ბროკერებს მოეთხოევებათ 30 000 ლარამდე კაპიტალი, ასევე მესამე პირის წინაშე პასუხისმგებლობის დაზღვევა“, - აღნიშნა დავით ონოფრიშვილმა.


დავით ონოფრიშვილმა აღნიშნა, რომ საერთაშორისო ურთიერთობები დაზღვევის სფეროში მნიშვნელოვანი მიმართულებაა, რადგან იმისათვის რომ სადაზღვევო სექტორი წარმატებული იყოს, მისი მსოფლიო ბაზარზე დამკვიდრებულ ზედამხედველობის საერთაშორისო სტანდარტებთან გათანაბრება აუცილებელია. ამ მიმართულებით სამსახურის მუშაობა მნიშვნელოვნად გააქტიურებულია.


„ჩვენი ქვეყნის საბოლოო მიზანი არის ევროკავშირში გაერთიანება, რისთვისაც 2014 წელს ასოცირების ხელშეკრულება გავაფორმეთ, სადაც ჩაიწერა თუ ვინ რა უნდა გააკეთოს უახლოეს წლებში სხვადასხვა მიმართულებით. ზედამხედველთა საერთაშორისო ორგანიზაციასთან ჩვენ ძალიან ახლო თანამშრომლობა გვაქვს, სადაც უამრავი მიმართულების საკითხებზე გვიწევს ურთიერთობა, გარკვეული კითხვარის შევსება და საერთაშორისო პრაქტიკის ჩვენ ქვეყანაზე მორგება და გადმოტანა. ამ საერთაშორისო ორგანიზაციას შიდა სტრუქტურები აქვს, სადაც საქართველო არასდროს მონაწილეობდა. ჩვენი აქტიურობის შედეგად 2019 წელს მე ამირჩიეს იმპლემენტაციის კომიტეტის წევრად, სადაც საქართველო აქტიურად ჩაერთო გადაწყვეტილებების მიღების პროცესში.


ევროკავშირმა ორი წლის წინ ამ სფეროში შემოგვთავაზა დახმარება გრანტის სახით, რომელიც მოიგო ესპანეთის დაზღვევის ზედამხედველობის სამსახურმა და 2019 წლის ბოლოდან თვინინგის პროექტი მიმდინარეობს. ძირითადი მიზანი გახლავთ გადახდისუნარიანობა ორზე გადასვლა. ეს არის ერთი ტიპიდან მეორე ტიპის რისკებზე დაფუძნებულ გადახდისუნარიანობაზე გადასვლა, რაც ევროკავშირის ქვეყნებში ბოლო წლების განმავლობაში მიმდინარეობს“, - აღნიშნა დავით ონოფრიშვილმა.


რაც შეეხება საქართველოს დაზღვევის სახელმწიფო ზედამხედველობის სამსახურის გეგმებს, როგორც დავით ონოფრიშვილმა აღნიშნა, ერთ-ერთი მნიშვნელოვანია კანონი, რომელიც გულისხმობს ავტომობილის მფლობელთა მესამე პირის წინაშე პასუხისმგებლობის დაზღვევას. ის უკვე პარლამენტშია და იმედოვნებს, რომ წელს იქნება მიღებული, ხოლო მომავალ წელს ამოქმედდება.


„თუ მესამე პირს ზიანს მიაყენებ და მესამე პირის დაზღვევა გაქვს, მაშინ ეს ზარალი ანაზღაურდება. გარდა ამისა, აქტიურად ვითარდება აგრო დაზღვევაც, სხვათა შორის, აგროდაზღვევის პროგრამა სახელმწიფოს თანამონაწილეობით ხორციელდება, რისთვისაც ბიუჯეტში სპეციალური სახსრებია გამოყოფილი. სოფლის მეურნეობის სამინისტრომ ამ მიმართულებით შეიმუშავა აგროდაზღვევის განვითარების სტრატეგია. გარდა ამისა, უახლოეს პერიოდში გვექნება სიცოცხლის დაზღვევა, ექიმებისა და სამედიცინო პერსონალის პროფესიული პასუხისმგებლობის და მშენებლობის სავალდებულო დაზღვევაც, ეს მიმართულებები წარმატებით ფუნქციონირებს მსოფლიოში და მნიშვნელოვანია, რომ ჩვენთანაც შეიქმნას სათანადო პირობები და საკანონმდებლო ბაზა, რომ განვითარდეს საერთაშორისო გამოცდილების შესაბამისად“, - აღნიშნა დავით ონოფრიშვილმა.


თაკო კვაჭანტირაძე






5-6 თებერვალს სტამბოლის აეროპორტში 230-ზე მეტი ფრენა უქმდება

5-6 თებერვალს სტამბოლის აეროპორტში 230-ზე მეტი ფრენა უქმდება
access_time2023-02-04 21:50:22
5-6 თებერვალს თურქეთის ავიახაზებმა, სტამბოლის აეროპორტში, უამინდობის გამო 230-ზე მეტი საერთაშორისო და შიდა ფრენა გააუქმა. აეროპორტის ოფიციალურმა წარმომადგენლებმა გაავრცელეს განცხადება, სადაც მგზავრებს ურჩევენ, რომ ამინდის გაუარესების გამო, 5 და 6 თებერვლის ფრენის დეტალები შესაბამის ავიაკომპანიებთან დააზუსტონ. თურქეთის სახელმწიფო მეტეოროლოგიურ სამსახურს განცხადება ჯერ არ გაუკეთებია. უახლოეს საათებში შესაძლოა გამოცხადდეს ფრენების შემდგომი შეფერხებების ან უამინდობის...

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე

საქართველოში გამოვლენილია XBB1.5-ის („კრაკენი“) შემთხვევებიც, მაგრამ CH.1.1-ის („ორტრუსის“) არცერთი შემთხვევა არ დაფიქსირებულა - თენგიზ ცერცვაძე
access_time2023-02-04 21:20:45
თენგიზ ცერცვაძე სოციალურ ქსელში ვრცელ პოსტს აქვეყნებს, სადაც მსოფლიოში და საქართველოში კოვიდ სიტუაციას მიმოიხილავს. ის წერს, რომ საქართველოში, ისევე როგორც სხვა ქვეყნების უმეტესობაში გამოვლენილია XBB1.5 („კრაკენი“) სუბვარიანტით გამოწვეული შემთხვევებიც, თუმცა დომინანტურ სუბვარიანტებად კვლავ რჩება ომიკრონის BA2, BA5 და სხვა „ძველი“ სუბვარიანტები. სადღეისოდ საქართველოში CH.1.1 („ორტრუსის“) სუბვარიანტის არცერთი შემთხვევა არ დაფიქსირებულა.   „ბოლო პერიოდში მსოფლიოში COVID-ის...

2022 წელს ამერიკულმა ბანკებმა ხელმძღვანელობას ხელფასები შეუმცირეს

2022 წელს ამერიკულმა ბანკებმა ხელმძღვანელობას ხელფასები შეუმცირეს
access_time2023-02-04 20:00:06
Bank of America Corp-მა 2022 წლისთვის აღმასრულებელი დირექტორის ბრაიან მოინიჰანის ხელფასი დაახლოებით 6%-ით 30 მლნ დოლარამდე შეამცირა. 2021 წელს მოინიჰანის ანაზღაურება 32 მლნ დოლარი იყო. ამის შესახებ Bloomberg-ი და...

მკვლევრებმა მარილის მარცვლის ზომის ვიდეოკამერა შექმნეს

მკვლევრებმა მარილის მარცვლის ზომის ვიდეოკამერა შექმნეს
access_time2023-02-04 19:30:45
პრინსტონისა და ვაშინგტონის უნივერსიტეტების მკვლევრებმა ახალი მაღალი ხარისხის გამოსახულების მქონე მიკროკამერა შექმნეს, რომელი მხოლოდ ნახევარი მილიმეტრის ზომისაა.   Nature Communications-ში გამოქვეყნებული კვლევა აჩვენებს, თუ როგორ...

მსოფლიოში ოქროზე მოთხოვნა 18%-ით გაიზარდა

მსოფლიოში ოქროზე მოთხოვნა 18%-ით გაიზარდა
access_time2023-02-04 17:20:48
მსოფლიო ოქროს საბჭოს (WGC) ყოველწლიური ანგარიშის მიხედვით, 2022 წელს ოქროზე გლობალური მოთხოვნა 18%-ით გაიზარდა და 4741 ტონას მიაღწია, რაც ყველაზე მაღალია მაჩვენებელია 2011 წლის შემდეგ.   მსოფლიოს ცენტრალური ბანკების მიერ ოქროს შესყიდვები ზედიზედ მეორე წელია გაიზარდა და 1136 ტონას მიაღწია. განვითარებადი ქვეყნების მარეგულირებლები, მათ შორის თურქეთი და ჩინეთი, ოქროს მთავარი მყიდველები გახდნენ.   „2022 წელს ცენტრალური ბანკები არამარტო გახდნენ ოქროს...


მსგავსი სიახლეები

up