„ორი ნაბიჯის“ ფილიალების რაოდენობა 350-მდე გაიზარდა

„ორი ნაბიჯის“ ფილიალების რაოდენობა 350-მდე გაიზარდა

access_time2021-10-13 11:00:40

მაღაზიათა ქსელმა „ორი ნაბიჯი“ 2020 წელს 55 ახალი მაღაზია გახსნა, გაყიდვები კი 96 მლნ ლარით 414 მლნ ლარამდე გაზარდა. აუდიტის დასკვნის მიხედვით, გაზრდილმა ხარჯებმა მოგება 33%-ით შეამცირა, თუმცა სხვა ბევრი კომპანიისგან განსხვავებით, ქსელი მინუსში არ გასულა და 5.4 მლნ-იანი მოგების დაწერა მოახერხა.



კომპანია „ორი ნაბიჯი“ 2009 წელს დაარსდა. მის მიზანს ძირითადად მცირე ზომის საუბნო მაღაზიების ჩანაცვლება წარმოადგენდა. საწყის ეტაპზე ქსელი მხოლოდ თბილისში ვითარდებოდა. შემდეგ კი რეგიონებშიც გავიდა. 2020 წლის 31 დეკემბრის მდგომარეობით კომპანიის წილებს გოჩა ჩხეიძე, გოჩა ცქიტიშვილი და კახა ბექაური თანაბრად ინაწილებდნენ.



2014 წლამდე ორი ნაბიჯი სულ 16 მაღაზიას ფლობდა, 2014 წელს მათი რიცხვი 34-მდე გაიზარდა, 2015 წელს 65-მდე, 2017 წელს 100-ს გადააჭარბა, 2019 წელს 200-ს, 2020 წელს კი 55 მაღაზიის დამატების შემდეგ 262-მდე. კომპანიის ვებგვერდზე განთავსებული ინფორმაციის მიხედვით კი 2021 წელს მაღაზიების რაოდენობამ უკვე 350-ს მიაღწია. თანამშრომელთა რაოდენობა კი 2000-ს აღწევს.




2020 წელს ჯამში 3 თვის განმავლობაში ქვეყანაში ლოქდაუნი 2-ჯერ გამოცხადდა. სუპერმარკეტები, აფთიაქებთან და ბანკებთან ერთად იმ იშვიათ გამონაკლისს წარმოადგენდნენ, რომლებიც არ დაუკეტავთ, თუმცა კომენდანტის საათის გამო მათი სამუშაო საათები შემცირდა. გარდა ამისა, რეგულაციების შედეგად გაიზარდა ხარჯებიც. კომპანიები იძულებულები გახდნენ  დეზობარიერი, დისტანციური თერმომეტრი, ანტისეპტიკური ხსნარი, გამჭვირვალე ტიხრები, პირბადეები და ხელთათმანები, შეესყიდათ. ზოგიერთმა მაღაზიამ სიცხის გამზომად და რიგების მომწესრიგებლად დამატებითი კადრებიც აიყვანა. იმის გათვალისწინებით, რომ ორივე ლოქდაუნის დროს საზოგადოებრივი ტრანსპორტი აიკრძალა, კომპანიებს თანამშრომლების ტაქსებით მგზავრობის დაფინანსებაც მოუწიათ.



„ორი ნაბიჯის“ შემთხვევაში გაყიდვებიდან მიღებული მოგება 51 მლნ-დან 81 მლნ ლარამდე გაიზარდა, მაგრამ ხარჯების კიდევ უფრო მასშტაბური ზრდის გამო, წმინდა მოგება 8.1 მლნ ლარიდან 5.4 მლნ ლარამდე შემცირდა.



კონკურენტებიდან „სპარს,“ „კარფურსა“ და „გუდვილს“ 2020 წლის ანგარიშგება არ გაუსაჯაროებიათ. გამონაკლისი „ნიკორაა.“ ნიკორას შემოსავლები 2020 წელს 19%-ით 522 მლნ ლარამდე გაიზარდა, 24%-ით 129 მლნ-მდე გაიზარდა გაყიდვებიდან მიღებული მოგებაც, თუმცა ხარჯები ნიკორასაც გაეზარდა, რის გამოც 2019 წლის მსგავსად კომპანიამ 2020 წელსაც 12.6 მლნ ლარიანი ზარალი აჩვენა.  



2020 წელს ნიკორას მაღაზიათა რაოდენობა, ჯიხურების ჩათვლით (მასვე ეკუთვნის „ნუგეშის“ ქსელი) 57-ით 345-მდე გაიზარდა. 2021 წლის მდგომარეობით კი მისი სავაჭრო ობიექტების რიცხვი 369-ს შეადგენს, თანამშრომელთა რაოდენობა კი 5000-ს აჭარბებს.



გიორგი ელიზბარაშვილი






სამეზობლოში ეკონომიკის ზრდის ტემპით საქართველო ლიდერია

სამეზობლოში ეკონომიკის ზრდის ტემპით საქართველო ლიდერია
access_time2021-10-24 12:00:04
მიმდინარე წელს საქართველო ეკონომიკის ზრდის ტემპით ახალ-ახალ რეკორდებს ამყარებს. ოფიციალური სტატისტიკის მიხედვით, 2021 წლის პირველ 6 თვეში საქართველოს ეკონომიკა საშუალოდ 12.7%-ით გაიზარდა. აღსანიშნავია ისიც, რომ პირველ კვარტალში უშუალოდ ჩვენი ეკონომიკა 4.5%-ით შემცირდა, თუმცა უკვე მეორე კვარტალში საკმაოდ მაღალი 29.8%-იანი ზრდა...

რუსეთიდან მეცნიერები გარბიან

რუსეთიდან მეცნიერები გარბიან
access_time2021-10-24 20:00:45
რუსეთის მთავრობამ მორიგი ამბიციური გეგმის თაობაზე განაცხადა: 2030 წლისთვის ქვეყანაში 500 000 ემიგრანტი უნდა დააბრუნოს. დიდი ალბათობით, ეს გეგმა ევროპაში და ამერიკაში გადახვეწილ რუსებს უკან დაბრუნების აუცილებლობაში ვერ დაარწმუნებს, სამაგიეროდ, უკიდურესად კორუმპირებული ელიტისთვი სსაბიუჯეტო თანხების მითვისების კიდევ ერთი და ძალიან სარფიანი შესაძლებლობა იქნება.   ზოგადად, ბევრი პროექტი, რომელიც, ერთი შეხედვით, ქვეყნის საკეთილდღეოდ ხორციელდება, საბოლოოდ, გრანდიოზულ კორუფციულ...

სად არის "შავი ოქროს" ყველაზე დიდი მარაგი

სად არის
access_time2021-10-24 18:00:28
საუდის არაბეთი მეორე ქვეყანაა მსოფლიოში ნავთობის დადასტურებული მარაგებიით. მის ტერიტორიაზეა 267,1 მლრდ. ბარელი, რაც მსოფლიო მარაგების 17, 2%- ს შეადგენს.   ამ დროისთვის მსოფლიოში ნავთობის დადასტურებული მარაგი 1,5 ტრლნ.ბარელს შეადგენს.   საუდის არაბეთის ენერგეტიკის სამინისტროს მონაცემებით, ქვეყნის ტერიტორიაზე ნავთობის მოპოვების პოტენციალი 2020 წელს 0, 003%, ანუ, 9 მლნ. ბარელით გაიზარდა. მთელი ამ ნავთობის მხოლოდ ნაწილია დღეს აქტიური მოპოვების...

ავტოსადგურების სერტიფიცირება ამ დრომდე ვერ ხერხდება

ავტოსადგურების სერტიფიცირება ამ დრომდე ვერ ხერხდება
access_time2021-10-24 16:00:46
ქვეყანაში უკანონო ავტოსადგურების არსებობაზე დიდი ხანია საუბრობენ ტრანსპორტისა და ლოგისტიკის ექსპერტები, თუმცა პრობლემა ამ დრომდე...

თბილისისთვის საბაგირო გზების განვითარება გამოწვევად რჩება

თბილისისთვის საბაგირო გზების განვითარება გამოწვევად რჩება
access_time2021-10-23 19:00:43
ბოლო სამი წელის თბილისის მერიამ გააქტიურა მუშაობა დედაქალაქის საბაგირო გზების მიმართულებით, თუმცა თბილისისთვის საბაგირო გზების განვითარება ჯერ კიდევ გამოწვევად რჩება.  2019 წელს დედაქალაქის მერმა კ. კალაძემ დაანონსა - თბილისში სამი მიმართულებით სამგორი-ვაზისუბანი, ახმეტელი-თემქა და სამება-მახათის მთა საბაგირო ხაზების პროექტების განხორციელება. იმ დათქმით, რომ პროექტების განხორციელების პრიორიტეტულობას ტექნიკურ-ეკონომიკური კვლევის შედეგის შემდეგ გადაწყვეტდნენ; 2019 წელსვე  „თბილისის...


მსგავსი სიახლეები

up