რადიო კომერსანტის გადაცემა კომერსანტის დილაში კომპანიების ჯინვენტორის და ტენეს დამფუძნებელმა სანდრო ლილუაშვილმა და ამავე კომპანიების გენერალურმა მენეჯერმა ისაუბრეს.
სანდრო ლილუაშვილის განმარტებით, 2020 წელი მათ საქმიანობაზე დადებითად აისახა, რადგან ბიზნესების დახურვის და ონლაინ ვაჭრობაზე გაზრდილი მოთხონის პირობებში, მათ პროდუქციაზე მოთხოვნა გაიზარდა.
გარდა ამისა, კომპანიებმა საკუთარი პროდუქციის amazon.com_ ზე გატანაც მოახერხეს.
ჩვენი პროდუქცია 2020 წელს ამაზონზე გავიტანეთ, საკმაოდ დიდი კონკურენციაა. გავედით ამერიკის ამაზონზე, სადაც საჭიროა, რომ შენი პროდუქცია კარგად შეფუთო,კარგად დამუშავებული სურათები ატვირთო. ბაზარზე კი შევედით, თუმცა პროცესი მარტივი არ არის - აღნიშნა სანდრო ლილუაშვილმა.
ირაკლი ბურჭულაძემ აღნიშნა, რომ კომპანიებმა 2020 გამოიყენეს იმისათვის, რომ 2021 წელს ქრთული წარმოება დაეწყოთ.
დაახლოებით თებერვლის ბოლოს ველოდებით დანადგარებს,რომელიც უკვე გზაშია.მიუხედავად იმისა, რომ ველოდებოდით დაფინანსებებს, ამ ყველაფრის გაკეთება ჩვენი სახსრებით შევძელით. - აღნიშნა ირაკლი ბურჭულაძემ.
სანდრო ლილუაშვილის განმარტებით, 2021 წელს ქართულ ბრენდებს რეალიზაციის მეტი შესსაძლებლობა ექნებათ, რადგან პანდემიის გამო ბევრმა უცხოურმა კომპანიამ საქართველოს ბაზარი დატოვა.
ის ბრედნები, რომლებმაც ონლაინ რეჟიმზე გადასვლა მოახერხეს, წინ წავიდნენ.
მოლოდინი მაქვს, რომ ქართული ბრენდები, რომლებიც ონლაინ ვაჭრობას ახერხებენ 2021 წლის განმავლობაში უფრო მოძლიერდებიან, მგონია რომ აკრძალვები და შეზღუდვები მინიმუმ ზაფხულამდე გაგრძელდება.
მომავალი წელი არის ქართველი მეწარმეების წელი, საკმაოდ დიდი გადაჯგუფება ხდება, რაც სტაბილურ სტუაციაში ვერ მოხერხდებოდა' - აღნიშნა სანდრო ლილუაშვილმა.
თაკო კვაჭანტირაძე