2020 წელს ჩინეთმა ინდივიდუალური დაცვის საშუალებების გაყიდვები 4-ჯრ გაზარდა. კერძოდ, 2019 წელს ქვეყანამ საერთაშორისო ბაზარზე $22,9 მლრდ–ის, ხოლო 2020 წელს $90 მლრდ–ის პროდუქცია გაიტანა.
მათ შორის იყო $53,8 მლრდ–ის პირბადეები (48, 8 მლრდ.-ით მეტი, ვიდრე 2019 წელს), $16,8 მლრდ–ის სახის დამცავი ფარები (+$3,5 მლრდ), $10,8 მლრდ–ის დამცავი ტანსაცმელი, $3,9 მლრდ–ის ხელთათმანები (+$2,9 მლრდ).
წარმოების ასეთი ზრდის მიუხედავად, ინდივიდუალური დაცვის საშუალებებზე ფასები არათუ არ დაეცა, არამედ გაიზარდა - კერძოდ, 1 პირბადის ან რესპირატორის საექსპორტო ღირებულება 2019 წელთან შედარებით 720%-ით, ხოლო დამცავი ტანსაცმლის - 536%-ით გაიზრდა.
პანდემიის დროს ჩინეთის მიერ წარმოების მკვეთრი ზრდაც ბაზრის მოთხოვნის დაკმაყოფილებისთვის საკმარისი არ აღმოჩნდა.
პანდემიის პირველ თვეებში, როდესაც ვირუსისგან ერთადერთი დაზარალებული ჩინეთი იყო, ოფიციალურმა პეკინმა დამცავი საშუალებების ექსპორტი მკვეთრად შეზღუდა, თუმცა, მოგვიანებით, როდესაც ვითარება ჩინეთში გამოსწორდა, მთელს დანარჩენ მსოფლიოში კი გაუარესდა, მთავრობამ ამ ტიპის საწარმოების სტიმულირება დაიწყო - ამიტომაც, 2020 წელს დამცავი საშუალებების წარმოებამ ჩინეთში ყველა დროის რეკორდი მოხსნა.
ჩინეთის მთავრობამ ასევე გაამკაცრა კონტროლი პროდუქციის ხარისხზე და გაყალბების წინაამღდეგ ბრძოლა გამოაცხადა.
მხოლოდ ევროკავშირში დამცავი საშუალებების ექსპორტი 3,9-დან $23,4 მლრდ–მდე გაიზრდა, რუსეთში - $500 მლნ-დან$ 2 მლრდ-მდე, შტატებში - 7,1-დან $24,6 მლრდ-მდე.
2020 წელს ტრამპის ადმინისტრაციამ ამერიკაში ჩინური იმპორტი შეზღუდა, რამაც ამერიკელების დამცავი საშუალებებით უზრუნველყოფაში ხელი შეუშალა. ჩინურ პროდუქციაზე ფასების ზრდის გამო, ბევრმა ამერიკულმა კომპანიამ ჩინეთთან თანამშრომლობაზე უარი განაცხადა.
მოგვიანებით, როდესაც პანდემიის მწვერვალზე შტატებში დამცავი საშუალებების დეფიციტი გაჩნდა, მათ ჩინურ კომპანიებთან თანამშრომლობის აღდგენა დააპირეს, თუმცა, გაწყვეტილი კავშირების აღდგენას საკმაოდ ბევრი დრო დასჭირდა.
ამის გამო 2020 წლის გაზაფხულზე ამერიკული პრესა აქტიურად წერდა პირდაბეების და სხვა სანიტარული საქონლის მწვავე უკმარისობის შესახებ. აშშ-ის საგანგებო სიტუაციათა ფედერალური სააგენტოს პრეს-მდივანმა ლიზი ლიტცოუმ განაცხადა, რომ არსებული რეზერვები მოთხოვნებზე ბევრად მცირეა და მთავრობა მიმწოდებლებს აქტიურად ეძებს.
საბოლოო ჯამში, პეკინთან სავაჭრო ომის და ზოგადი ურთიერთობების გაფუჭების ფონზე, ამერიკა იძულებული გახდა აღედგინა დამცავი საშუალებების იმპორტი ჩინეთიდან.
rbc.ru
პირაბდე
