გიორგი ჩაკვეტაძე -2020 წელი თბილისისთვის კიდევ უფრო მეტი სიახლეებისა და ახალი პროექტების წელი იქნება

გიორგი ჩაკვეტაძე -2020 წელი თბილისისთვის კიდევ უფრო მეტი სიახლეებისა და ახალი პროექტების წელი იქნება

access_time2019-11-08 21:30:00

თბილისის საკრებულოს სპორტისა და ახალგაზრდულ საქმეთა კომისიის თავმჯდომარემ გიორგი ჩაკვეტაძემ, საკრებულოში მიმდინარე სხდომაზე, დედაქალაქში მიმდინარე და დაგეგმილი პროექტების შესახებ ისაუბრა.


მისი თქმით, 2020 წელი თბილისისთვის კიდევ უფრო მეტი სიახლეებისა და ახალი პროექტების წელი იქნება.


საკრებულოს პრესსამსახურის ინფორმაციით, ჩაკვეტაძემ სიტყვით გამოსვლისას ყურადღება დედაქალაქის სატრანსპორტო პოლიტიკაზე გაამახვილა და აღნიშნა, რომ თბილისში საზოგადოებრივი ტრანსპორტის მოწესრიგებისთვის აქტიური სამუშაოები მიმდინარეობს.


„ერთი წლის წინ, 2019 წლის ბიუჯეტი ერთად დავგეგმეთ, დღეს უკვე ვემზადებით 2020 წლისთვის. დედაქალაქის მერი, სამსახურები, გამგეობები და საკრებულოს წევრები ყველაფერს ვაკეთებთ იმისთვის, რომ ხვალინდელი თბილისი იყოს უკეთესი. მეტიც, ჩვენ ამ ყველაფერს გამჭვირვალედ ვაკეთებთ. თუმცა, წინ კიდევ არაერთი გამოწვევაა. ამ პერიოდში უფრო მეტი ახალი ავტობუსი შემოვა ჩვენს ქალაქში. კიდევ უფრო მეტი გზა დაიგება, კიდევ უფრო მეტ ადამიანს გავუმართავთ ხელს. ქალაქში სატრანსპორტო პოლიტიკა წესრიგდება, უკვე შემოვიდა 200-მდე ახალი ავტობუსი, მეტროს დაემატა 3 ვაგონის შემადგენლობა. კაპიტალური შეკეთება-მოდერნიზაცია ჩაუტარდა 20-მდე ვაგონს, მიმდინარეობს ტაქსების რეფორმა“- განაცხადა გიორგი ჩაკვეტაძემ.



საკრებულოს წევრმა თბილისში მიმდინარე ინფრასტრუქტურულ პროექტებზეც ისაუბრა და აღნიშნა, რომ მიმდინარე წელს ქალაქში 150 მილიონი ლარის ინფრასტრუქტურული პროექტები განხორციელდა.


„ ბარათაშვილზე, კანდელაკზე, მტკვრის მარჯვენა სანაპიროზე, აეროპორტის გზაზე, მოეწყო ახალი ესტაკადები, მოწესრიგდა საუბნო გზები და სხვა საქალაქო ობიექტები. ბევრ ადამიანს დავეხმარეთ, 200 მლნ ლარამდე სოციალური ხარჯი ჩვენი მოქალაქეების უპირველეს საჭიროებებს მოხმარდა. დავიწყეთ ჯანდაცვის უპრეცედენტო პროგრამები. მინდა გითხრათ, რომ ქალაქი შეუქცევადი განვითარების ეტაპზე გადავიდა. გენერალური გეგმის კონცეფციით თბილისი უფრო მწვანე, შეკავშირებული და მედეგი ქალაქი უნდა გახდეს. ქაოტური განაშენიანებიდან დედაქალაქი კონცეპტუალურად უნდა განვითარდეს. ის, რომ ქალაქის ერთ ნაწილში გზა იგება, ეს მთლიანად თბილისისთვისაა ხელსაყრელი. ეკონომიკურად წელგამართული ქალაქი თითოეული მოქალაქის კეთილდღეობას ნიშნავს“- განაცხადა გიორგი ჩაკვეტაძემ.


აღნიშნულ ინფორმაციას საკრებულოს პრესსამსახური ავრცელებს.


bpn.ge





აზერბაიჯანმა ახალი მოდელის ავტომობილების წარმოება დაიწყო

აზერბაიჯანმა ახალი მოდელის ავტომობილების წარმოება დაიწყო
access_time2020-08-05 19:20:58
ნახიჩივანის ავტონომიური რესპუბლიკის ავტომობილების ქარხანაში ახალი Naz Lifan L7-ის აწყობა დაიწყო. საინფორმაციო სააგენტო ABC.AZ-ის ინფორმაციით, Naz Lifan L7-ის მარკის ავტომობილები 7 მგზავრს დაიტევს და „მინივენის“ ტიპის ორი მოდიფიკაციით - 1,2 და 1,5 ლიტრიანი ძრავებით აღიჭურვება. ამ ეტაპზე მუშაობა 6 მოდელზეა დასრულებული. ქარხანაში აცხადებენ, რომ ავტომობილებს ცენტრალური საკეტისა და სარკის ავტომატური რეგულირების სისტემა ექნებათ. წყარო Abc.azმოამზადა...

„საპარტნიორო ფონდი“ ბორჯომი-ლიკანის სასტუმროს აუქციონზე 30 მლნ დოლარად ყიდის

„საპარტნიორო ფონდი“ ბორჯომი-ლიკანის სასტუმროს აუქციონზე 30 მლნ დოლარად ყიდის
access_time2020-08-05 16:10:03
„საპარტნიორო ფონდი“ სასტუმრო „ბორჯომი ლიკანის“ შემდგომი განვითარების მიზნით, საჯარო აუქციონს განმეორებით აცხადებს. „საპარტნიორო ფონდი“ პოტენციურ ინვესტორებს სთავაზობს სასტუმროს აქტივების 10-წლიან აღნაგობა/იჯარას, შესყიდვის უფლებასთან ერთად. სასტუმრო „ბორჯომი ლიკანის“ შესყიდვის მინიმალური საწყისი ფასი 30 052 326 აშშ დოლარია. აღსანიშნავია, რომ ეს წარმოადგენს მხოლოდ შესყიდვის შემთხვევაში გადასახდელ თანხას და არა - იჯარის ან აღნაგობის საფასურს. როგორც...

ანესთეზიოლოგ მაგდა ხოჭოლავას განცხადება

ანესთეზიოლოგ მაგდა ხოჭოლავას განცხადება
access_time2020-08-05 12:00:45
ანესთეზიოლოგ მაგდა ხოჭოლავას განცხადება: „მინდა განცხადებით გამოვეხმაურო გუშინ, 4 აგვისტოს საქართველოს პროკურატურის მიერ, ჩემ მიმართ, წარდგენილ უსაფუძვლო ბრალდებებს, უკანონო საექიმო საქმიანობასთან დაკავშირებით. პირველ რიგში, ხაზგასმით მინდა აღვნიშნო, რომ არ ვეთანხმები პროკურატურის მიერ წარდგენილ ბრალს და იმედი მაქვს, მალე სასამართლოს მიერ მიღებული იქნება ობიექტური და სამართლიანი გადაწყვეტილება. ასევე, მინდა...

აფხაზეთი ეპიდემიოლოგიური სიტუაციის სტაბილურობის შენარჩუნებას ცდილობს

აფხაზეთი ეპიდემიოლოგიური სიტუაციის სტაბილურობის შენარჩუნებას ცდილობს
access_time2020-08-05 18:30:25
ოკუპირებული აფხაზეთის ტურიზმის სამინისტრო რუსეთთან საზღვრის გახსნის შემდეგ ეპიდემიოლოგიური უსაფრთხოების ზომებს ამკაცრებს. ტურიზმის მინისტრის მოადგილის დათო ქაჯაიას თქმით, უწყების შესაძლებლობები შეზღუდულია. ბევრი რამ თავად მოქალაქეების თვითშეგნებაზე და მათი მხრიდან რეკომენდაციების შესრულებაზეა დამოკიდებული. საზღვრის გახსნას ათასობით ადამიანი მოუთმენლად ელოდა. ოკუპირებული აფხაზეთის დე-ფაქტო პრეზიდენტის ასლან ბჟანიას...

პანდემიის მიუხედავად თბილისში Mcdonalds-ის რესტორნების ქსელი ფართოვდება

პანდემიის მიუხედავად თბილისში Mcdonalds-ის რესტორნების ქსელი ფართოვდება
access_time2020-08-05 14:00:40
თბილისში, კახეთის გზატკეცილზე Mcdonalds-ის ახალი რესტორანი გაიხსნა. პანდემიის მიუხედავად კომპანია რესტორნების ქსელების გაფართოებასა და განვითარებას არ წყვეტს და სულ მალე დიღმის ტრასაზე, კიდევ ერთ ფილიალს გახსნის. როგორც „კომერსანტს“ „კოკა-კოლა ბოთლერს ჯორჯიას“ დამფუძნებელმა თემურ ჭყონიამ განუცხადა, ახალი და განსხვავებული დიზაინის მქონე „მაკდონალდსის“ რესტორნების ანალოგი წელს ჯერ არსად...


მსგავსი სიახლეები

up