2019 წლის მონაცემებით, საქართველოში 50 პროფესიული თეატრი ფუნქციონირებდა. აქედან, 39 ერთეული იყო დრამის, მუსიკალური კომედიისა და მინიატურების, 7 - თოჯინების, 2 - ბავშვთა და მოზარდმაყურებელთა, ხოლო 2 ერთეული წარმოადგენდა ოპერისა და ბალეტის თეატრს.
2019 წელს საქართველოში ჩატარებული სპექტაკლების რაოდენობა 4 887 ერთეულით განისაზღვრა, რაც 2.6%-ით მეტია 2018 წლის შესაბამის მაჩვენებელზე. სპექტაკლების 61.8% ჩატარდა ქ. თბილისში.
2019 წელს საქართველოში ფუნქციონირებდა 253 მუზეუმი და მუზეუმ-ნაკრძალი, აქედან 100 ერთეული (39.5%) წარმოადგენდა მემორიალურს, 71 ერთეული (28.1%) იყო ისტორიული (მხარეთმცოდნეობის), ხოლო 2 მათგანი - ლიტერატურული.
2019 წელს მოქმედი მუზეუმების 23.7 პროცენტი (60 ერთეული) ქ. თბილისშია განთავსებული, 15 პროცენტი (38 ერთეული) იმერეთის რეგიონში, 13.4 პროცენტი (34 ერთეული) კახეთში.
მუზეუმებში დამთვალიერებელთა რიცხოვნობა 2019 წელს 2018 წელთან შედარებით 6.6 პროცენტით გაიზარდა და 2 253.2 ათასი შეადგინა. ამასთან, ერთ მუზეუმზე საშუალოდ 8 906 დამთვალიერებელი მოდიოდა.
2019 წელს 7.4 პროცენტით გაიზარდა მუზეუმებში ექსკურსიების რაოდენობა, ხოლო გამოფენათა რაოდენობა 6.3 პროცენტით შემცირდა და 1 074 ერთეული შეადგინა.