2019 წელს, საპენსიო ფონდში მხოლოდ ბიზნესიდან 200 მილიონი ლარი აკუმულირდება, რაც ყველაზე მეტად მცირე და საშუალო ბიზნესს დააზარალებს

2019 წელს, საპენსიო ფონდში მხოლოდ ბიზნესიდან 200 მილიონი ლარი აკუმულირდება, რაც ყველაზე მეტად მცირე და საშუალო ბიზნესს დააზარალებს

access_time2018-12-24 11:00:50


„საპენსიო რეფორმის კანონში არ არის ჩადებული გარანტიები, რომ საპენსიო ფონდი დაცული იყოს მთავრობების ცვლილებებისგან და მათი პოლიტიკური შეხედულებებისგან,“ - ასე აფასებს შავი ზღვის საერთაშორისო უნივერსიტეტის ლექტორი ანა გოგოლაძე საპენსიო რეფორმას.


სოციალური და დაგროვებითი პენსია; რეფორმის შესახებ კომუნიკაციის ნაკლებობა სახელმწიფოსა და საზოგადოებას შორის, ამ თემებზე ისაუბრა რადიო კომერსანტის გადაცემაში „ეკონომისტის დრო ლევან ქისტაურთან ერთად“ გადაცემის სტუმარმა ანა გოგოლაძემ.


„2019 წლის ბიუჯეტი 13 მილიარდია, აქედან პენსიონერებისთვის 2 მილიარდია გამოყოფილი. რაც დამეთანხმებით, საკმაოდ დიდი თანხაა ბიუჯეტისთვის. მიგრაცია იზრდება და შობადობა კლებულობს, ეს ტენდეცია მთელს მსოფლიოშია, იზრდება ასევე მოსახლეობის სიცოცხლის ხანგრძლივობა და საჭიროა, მნიშვნელოვანი მოქმედება, რათა ბიუჯეტს პენსიონერებისთვის გამოყოფილი თანხა მძიმე ტვირთად არ დააწვეს. 2020-2030 წლისთვის პენსიონერების რაოდენობა გაიზრდება 1 მილიონ ადამიანამდე.


იმისთვის, რომ მთავრობის მიერ შემუშავებული დაგროვებითი პენსიის შესახებ რეფორმა იყოს წარმატებული, აუცილებელია მასშტაბის ეფექტი. რაც მეტი ადამიანი იქნება ჩართული მასში, მით უფრო მეტი პენსიონერის დაფარვა მოხდება და სახელმწიფოსაც წნეხი მოეხსნება. 340 ათასი ადამიანისთვის არის სავალდებულო ამ რეფორმაში ჩართვა. გამოდის, რომ მოსახლეობის 10% ერთვება დაგროვებით პენსიაში და 30 წლის შემდეგ, როცა ფონდი გასცემს პენსიებს, მხოლოდ მოსახლეობის 10%-ს ექნება მაღალი პენსია,
- აცხადებს „რადიო კომერსანტის“ სტუმარი.



ანა გოგოლაძის განცხადებით, საჭიროა კომუნიკაცია და საზოგადოების ინფორმირებულობა, რათა დავარწმუნოთ 40-60 წლამდე 617 ათასი ადამიანი, რომ ისინიც გახდნენ ამ ფონდის წევრები, რომ რეფორმა საბოლოო ჯამში წარმატებული იყოს.




„როგორც აღვნიშნე, რაც უფრო მეტი ადამიანი განახორციელებს ფონდში შენატანს, მოცულობა გაიზრდება და უთანასწორობაც გამოირიცხება. ამასთანავე, ბიუჯეტზე წნეხი შემცირდება.

რეფორმის შესახებ არა მხოლოდ მთავრობამ და პარლამენტმა უნდა ისაუბროს ერთ შენობაში, არამედ, მთავრობამ და მოსახლეობამაც. 5-კაციანი საინვესტიციო საბჭო იქნება არჩეული 5 წლის ვადით და მათ შესარჩევი კომისია აარჩევს. ეს საბჭო გადაწყვეტს, თუ როგორ უნდა განიკარგოს ჩვენს მიერ შეტანილი თანხები. რა მიმართულებით და რა აქტივებში უნდა მოხდეს მათი დაბანდება“.


შავი ზღვის საერთაშორისო უნივერსიტეტის ლექტორის მოსაზრებით, 2019 წლის ბოლოს, დაახლოებითი გათვლებით, ნახევარი მილიარდის აკუმულირება მოხდება. აქედან 200 მილიონი ლარი ამოვა დამსაქმებლისგან ანუ ბიზნესიდან, 200 მლნ. დასაქმებულისგან და 100 მილიონი სახელმწიფოსგან.


„ეს ნახევარი მილიარდი რაც ეკონომიკიდან გადაირიცხება, მოაკლდება, როგორც დამსაქმებელს, ისე დასაქმებულს. დამსაქმებელმა შეიძლება გააძვიროს პროდუქცია ან მომსახურება, ბიზნესს კი მოაკლდება გარკვეული სახის მოგება. მაგალითად, ესტონურმა მოდელმა ჩატოვა ბიზნესში 300 მილიონი ლარი და ამ 300 მილიონიდან 200-ს კვლავ უკვან წამოიღებს. ყველაზე მეტად ვფიქრობ, მაინც მცირე და საშუალო ბიზნესი დაზარალდება.


ყურადღება მინდა გავამახვილო ჩანაცვლების კოეფიციენტზე, რითიც ვითვლით იმას, თუ რამდენად ადეკვატურია პენსია. ეს კოეფიციენტი საშუალო ხელფასის 18%-ია. ჩვენთან, თუ საშუალო ხელფასი 1000 ლარია, მაშინ 180 ლარი არის პენსია. საუბარია იმაზე, რომ რეფორმა გაზრდის ჩანაცვლების კოეფიციენტს, მაგრამ აქ სხვა კითხვა ჩნდება. ამ დროისთვის ევროკავშირში ეს კოეფიციენტი საშუალო ხელფასის 50-60%ია, გრძელვადიან პერსპექტივაში, 30 წლის შემდეგ, საქართველოში ეს კოეფიციენტი 30%-მდე გაიზრდება. პენსია, რაც შეიძლება იყოს იმ დროისთვის, ძალიან მცირეა - 300 ლარი. გამოდის, რომ დაგროვებითი პენსია ნაკლები ეფექტის მატარებელია გრძელვადიან პერსპექტივაში, ვიდრე სოციალური პენსია.


როდესაც მეზობელმა ქვეყნებმა საპენსიო რეფორმის განხორციელება დაიწყეს, მსოფლიო ბანკმა მათ დიდი მხარდაჭერა გამოუცხადა. შესაბამისად, ჩვენც რომ იგივენაირად მოგვეძიებინა თანხები, ეს სასტარტო კაპიტალს დაეხმარებოდა. ჩვენ შევერკინეთ რეფორმას დამოუკიდებლად, ყველანაირი დახმარების გარეშე, რაც ცოტა არ იყოს, ბიუჯეტს დააწვება,“ - განმარტავს ანა გოგოლაძე.


კომერსანტი






სახელმწიფომ 1 ჰექტარი ზღვა მიწად დაირეგისტრირა, რომელსაც სავარაუდოდ „რივიერას“ გადასცემს

სახელმწიფომ 1 ჰექტარი ზღვა მიწად დაირეგისტრირა, რომელსაც სავარაუდოდ „რივიერას“ გადასცემს
access_time2019-09-22 14:00:36
სახელმწიფომ, ბათუმის იახტკლუბის მოწყობისა და განვითარების მიზნით, ნავსაყუდელთან ზღვის აკვატორიის 1 ჰექტარამდე ფართობი არასასოფლო-სამეურნეო მიწის ნაკვეთად დაარეგისტრირა. იახტკლუბის განვითარება კი, პროექტ „რივიერა ბათუმის“ ნაწილია, რომელიც „სილქ როუდ ჯგუფმა“ ბიძინა ივანიშვილის მიერ...

ქალი, რომლისაც Apple-ს და Google-ს ეშინიათ

ქალი, რომლისაც Apple-ს და Google-ს ეშინიათ
access_time2019-09-22 12:00:49
Forbes-ის რეიტინგში „50 ქალი ტექნოლოგიურ სფეროში“  ისეთ კატეგორიების გვერდით, როგორიცაა „კომპანიების შემქნელები“, „მაგნატები“, და „ინოვატორები“, არის კატეგორია „მებრძოლები“ - სწორედ იქ არის მონიშნული 51 წლის დანიელი პოლიტიკოსი მარგრეტე ვესტაგერი.   ის არის ერთ-ერთი ყველაზე ცნობილი ევროკომისარი - ამის მიზეზია მის მიერ ინიცირებული სკანდალური გამოძიებები ტექნოლოგიური გიგანტების წინაამღდეგ. ისეთების, როგორიც არის Google, Apple და Facebook – და მათთვის უზარმაზარი...

„რეგულაციები არ ამუშავებს ეკონომიკას, ეკონომიკას ამუშავებს ბიზნესი“

„რეგულაციები არ ამუშავებს ეკონომიკას, ეკონომიკას ამუშავებს ბიზნესი“
access_time2019-09-22 10:00:56
„რეგულაციები არ ამუშავებს ეკონომიკას, ეკონომიკას ამუშავებს ბიზნესი. თუმცა, ეს იმას არ ნიშნავს,რომ რეგულაციები არ გვჭირდება,“ - განაცხადა რადიო კომერსანტზე გადაცემაში „პროფესიონალები“ ახალგაზრდა ფინანსისტთა და ბიზნესმენთა ასოციაციის ვიცე პრეზიდენტმა, პაატა ბაირახტარმა.  მანვე NDI-ს კვლევის ეკონომიკური ნაწილიც მიმოიხილა. მისი თქმით, კვლევის შედეგები ლოგიკურია და ასახავს მოსახლეობის დღევანდელ რეალობას. „ საქსტატის მიხედვით, საშუალო ხელფასად 1200 ლარია მიჩნეული, თუმცა ეს ციფრი არ...

m2-ს გაყიდვების ინოვაციური კულტურა

m2-ს გაყიდვების ინოვაციური კულტურა
access_time2019-09-21 17:01:21
                                                                                              დეველოპერული კომპანია „m2 უძრავი ქონება“ გაყიდვების მიმართულებით მომსახურების კულტურისა და...

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა
access_time2019-09-21 13:00:25
არის მცდელობა იმ პროცესის დისკრედიტაცია მოხდეს, რომელიც ჩვენი მოქალაქეების უფლებების დაცვას ემსახურება, – ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ განაცხადა შრომის კოდექსში დაგეგმილ ცვლილებებთან დაკავშირებით.   მისი თქმით, ამ საკითხზე აბსოლუტურად დაუსაბუთებელი წუხილებია და საზოგადოებაში მცდარი ინფორმაცია გავრცელდა.   „რატომღაც მცდელობაა, იმ პროცესის დისკრედიტაციის, რომელიც მხოლოდ ჩვენი მოქალაქეების უფლებების დაცვას...


მსგავსი სიახლეები

up