2019 წელს იპოთეკური სესხებით დაფინანსებული ტრანზაქციების წილი შემცირდა - „თიბისი კაპიტალი“

2019 წელს იპოთეკური სესხებით დაფინანსებული ტრანზაქციების წილი შემცირდა - „თიბისი კაპიტალი“

access_time2019-09-12 11:30:54

2019 წლის პირველ ნახევარში იპოთეკური სესხებით დაფინანსებული ტრანზაქციების წილი 2018 წელთან შედარებით შემცირდა. ამის შესახებ „თიბისი კაპიტალის“ კვლევაშია აღნიშნული, რომელიც საცხოვრებელი უძრავი ქონების 2019 წლის პირველი ნახევრის ანალიზს ეხება.


კვლევის თანახმად, 2018 წლის მე-4 კვარტალში ახალი იპოთეკური სესხების პროპორციამ თბილისში არსებული ბინებისთვის შესრულებული ტრანზაქციების 50%-ს გადააჭარბა. 2019 წლის პირველ კვარტალში კი პროპორცია 30%-მდე შემცირდა. „თიბისი კაპიტალის“ ინფორმაციით, 2019 წლის მეორე კვარტალში პროპორციამ 42%-ს მიაღწია.


როგორც კვლევაშია აღნიშნული, განახლებული რეგულაციების პირობებში იპოთეკურ სესხზე ხელმისაწვდომობა გიზარდა. იპოთეკური სესხის გაცემისას, 20%-იანი თანამონაწილეობის დროს, ბანკებს შეუძლიათ, მსესხებლის გადახდისუნარიანობა შიდა მოდელების საფუძველზე შეაფასონ.


ამავე კვლევის თანახმად, იპოთეკური სესხების განაკვეთები შემცირდა. სესხების გაცემაზე დაწესებული ახალი რეგულაციებიდან 6 თვის შემდეგ, ეროვნულ ვალუტაში საპროცენტო განაკვეთი შემცირდა ახალ იპოთეკურ სესხებზე და 8.9%-მდე დასტაბილურდა.



„თიბისი კაპიტალის“ კვლევაში აღნიშნულია, რომ ბანკების იპოთეკურის სესხების პორტფოლიომ ზრდა ისევ განაგრძო.


„2019 წლის პირველ ნახევარში, 2018 წლის ბოლოსთან შედარებით, ქვეყნის იპოთეკური სესხების პორტფელი, გაცვლითი კურსის ეფექტის გათვალისწინებით, 3.9%-ით გაიზარდა, რაც სეზონურობის ეფექტის გათვალისწინებით, 6.1%-იან ზრდას ნიშნავს. ამავე პერიოდში თბილისის იპოთეკური სესხების პორტფელი, გაცვლითი კურსის ეფექტის გათვალისწინებით, 3.3%-ით გაიზარდა, რაც სეზონურობის ეფექტის გათვალისწინებით, 5.5%-იან ზრდას ნიშნავს“, - აღნიშნულია კვლევაში.


2019 წლის ივნისის მდგომარეობით, ქვეყნის იპოთეკური სესხების პორტფელმა 6.5 მილიარდ ლარს, ხოლო თბილისის იპოთეკური სესხების პორტფელმა კი 5.1 მილიარდ ლარს მიაღწია.


2018 წლის 1-ელ ნახევარში, შედარებისთვის, საქართველოსა და თბილისის იპოთეკური სესხების პორტფოლიომ ერთად 14.6%-იანი ზრდა განიცადა.



BPN





ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up