„2018 წლის რთველზე „ხვანჭკარას“ ადგილწარმოშობის ზონიდან ვეღარ გაიტანენ“

„2018 წლის რთველზე „ხვანჭკარას“ ადგილწარმოშობის ზონიდან ვეღარ გაიტანენ“

access_time2017-09-22 11:00:05

„ხვანჭკარა“ მომავალი წლის რთველზე მხოლოდ ადგილწარმოშობის ზონაში დაიწურება“, - ამის შესახებ „კომერსანტს“ საქპატენტის თავმჯდომარემ ნიკოლოზ გოგილიძემ განუცხადა.

 

დაახლოებით ერთი თვის წინ, სოფლის მეურნეობის მინისტრმა ლევან დავითაშვილმა განაცხადა, რომ „ხვანჭკარას“ გადამუშავების პროცესი მისი წარმოშობის ადგილზე მოხდებოდა. სწორედ ამ მიზნით და ბრენდის კომერციალიზაციისთვის სპეციალური ასოციაცია შეიქმნა, რამაც „ხვანჭკარას“ წარმოების განვითარებასა და ექსპორტის პოტენციალის ზრდას ხელი უნდა შეუწყოს.

 

როგორც ნიკოლოზ გოგილიძე ჩვენთან საუბრისას აღნიშნავს, „ხვანჭკარას“ ადგილწარმოშობის ზონები უკვე დაიკეტა. მიმდინარე რთველი ჩვეულებრივ რეჟიმში მიმდინარეობს, თუმცა მომავალი წლის რთველზე, „ხვანჭკარას“ ზონიდან ვეღარ გაიტანენ.

 

”ასოციაცია უკვე შექმნილია. სპეციფიკაციაში ცვლილებები შევიდა და გამოქვეყნდა. გასაჩივრების ვადა სამი თვეა და ამ სამი თვის ვადის გასვლის შემდეგ, ცვლილებები ოფიციალურად ძალაში შევა. მიმდინარე რთველი ჩვეულებრივ რეჟიმში მიმდინარეობს. მომავალი წლის რთველზე, „ხვანჭკარა“ ადგილზე დაიწურება და ყურძნის რეგიონიდან გატანა აღარ მოხდება. თუ ვინმეს ბოთლზე „ხვანჭკარის“ დაწერა მოუნდება, წარმოება სოფელ ხვანჭკარაში უნდა მოახდინოს“, - განაცხადა გოგილიძემ.

 

მისივე თქმით, რაჭის რეგიონში არსებულ ქარხნებთან ერთად, ახალი ქარხნების აშენებაც იგეგმება, სადაც „ხვანჭკარის“ გადამუშავება მოხდება: „ქარხანა ადგილზე უნდა იყოს. აქამდე რაც იყო, ისინი გაფართოვდება და ახლებიც აშენდება.“

 


რაც შეეხება ასოციაციის საქმიანობას, საქპატენტის თავმჯდომარის ინფორმაციით, ისინი ადგილობრივ მწარმოებლებს და ზოგადად რეგიონს ბრენდინგის და კომერციალიზაციის მიმართულებით ეხმარებიან: „მათ შორის ღვინის ექსპორტის დივერისიფიცირებაშიც ვეხმარებით. დანარჩენ ნაწილზე კი ღვინის ეროვნული სააგენტო მუშაობს.“

 

ამასთან, გოგილიძის განმარტებით, აღნიშნული სიახლე იმ მიზანს ემსახურება, რომ აღმოსავლეთ საქართველოში დასავლეთ საქართველოს სახელით ღვინოები არ უნდა იწარმოებოდეს.

 

„აღმოსავლეთ საქართველოში დასავლეთ საქართველოს ადგილების სახელებით ღვინოები არ უნდა აწარმოონ, ორივე მხარეს თავისი ბრენდები აქვს. გარდა ამისა, ის ღირებულება, რომელიც ამა თუ იმ რეგიონის სახელის პოპულარობით შეიძლება შეიძინოს ბრენდმა, იმ რეგიონსვე უნდა მოხმარდეს, სადაც ეს რეპუტაცია შეიქმნა. მაგალითად, რაჭაში ღვინის მწარმოებელი ღვინოს „მუკუზანს“ და „ქინძმარაულს“ არ უნდა აწერდეს, ასევე კახეთში ღვინის მწარმოებელი ღვინოს „ხვანჭკარას“ არ უნდა აწერდეს“, - აღნიშნა გოგილიძემ.

 

საქპატენტის თავმჯდომარემ „კომერსანტს“ ისიც განუცხადა, რომ სამომავლოდ, ყველა ადგილწარმოშობის დასახელების ღვინოსთვის, რომელიც რეგისტრირებულია, შესაბამისი ცვლილებები განხორციელდება.

 

„გრძელვადიან პერსპექტივაში სხვა ადგილებზეც იგეგმება მსგავსი სიახლე. ეს რომ არ იყოს ხისტი გადაწყვეტილება, მეწარმეებს დროს მივცემთ, რომ გადაიარაღდნენ და გადააწყონ საკუთარი სტრატეგია. ეს ეტაპობრივად მოხდება. ამასთან დაკავშირებით, ყოველ კონკრეტულ შემთხვევაში ღვინის ეროვნული სააგენტოს მოთხოვნას ველოდებით. წინასწარ ვერ გეტყვით შემდეგი რომელი ბრენდი იქნება. ყველა ადგილწარმოშობის დასახელებაზე, რომელიც რეგისტრირებული გვაქვს, შესაბამისი ცვლილებები განხორციელდება“, - განაცხადა ნიკოლოზ გოგილიძემ.

 

რაც შეეეხება „ხვანჭკარის“, როგორც ბრენდის გაყალბების ფაქტებს, საქპატენტის თავმჯდომარის თქმით, აღნიშნულ საკითხს მწარმოებელთა ასოციაცია გააკონტროლებს და გამყალბებლის მიმართ სისხლის, ადმინისტრაციული და სამოქალაქო სამართლებრივი პასუხისმგებლობა დადგება.

 

 

ავტორი: თეონა კენჭიაშვილი

 

 



შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...


მსგავსი სიახლეები

up