“2018 წლის 1-ელ იანვრამდე მილიონზე მეტი ავტომობილის ტექნიკური ინსპექტირება ვერ განხორციელდება”

“2018 წლის 1-ელ იანვრამდე მილიონზე მეტი ავტომობილის ტექნიკური ინსპექტირება ვერ განხორციელდება”

access_time2017-09-25 17:10:21

ტექდათვალიერება არის ნომერ პირველი საკითხი საზოგადოებისთვის, რომელიც დღის წესრიგში დგას ტრანსპორტის და საგზაო უსაფრთხოების სფეროში, თუმცა ჯერჯერობით ჩვენ ვერ ვხედავთ, რომ ეს ხელისუფლებისთვისაც ნომერ პირველი თემაა.


ამის შესახებ „საქართველოს ალიანსი უსაფრთხო გზებისთვის“ გამგეობის თავმჯდომარე ეკა ლალიაშვილმა განაცხადა.


მისივე განცხადებით, ეკონომიკის სამინისტროსგან, რომელიც ტექდათვალიერებას კურირებს, არავითარი ინფორმაცია არ გაიცემა, თუ რას გეგმავს ხელისუფლება ამ მიმართულებით.

ლალიაშვილის თქმით, 2018 წლის 1-ელ იანვრამდე მილიონზე მეტი ავტომობილის ტექნიკური ინსპექტირება ვერ განხორციელდება, იქიდან გამომდინარე, რომ შესაბამისი ინფრასტრუქტურა არ არსებობს.


„ტექდათვალიერება აქტუალური საკითხია იქიდან გამომდინარე, რომ საგზაო შემთხვევებისას ყველაზე მაღალ რისკ ჯგუფში არიან ძველ ავტომობილებში მსხდომი მძღოლი და მგზავრები. გარდა ამისა, მეორე და უმნიშვნელოვანესი საკითხია გამონაბოლქვი და ჰაერის ხარისხი, რომელსაც ვსუნთქავთ, ამ მხრივ, ძალიან მაღალი რისკის ქვეშ არიან ორსულები და ჩვილი ბავშვები.

მაშინ, როცა 1-ელ იანვარს არის დაანონსებული ტექნიკური ინსპექტირების ძალაში შესვლა, პრაქტიკულად მხოლოდ 3 თვე რჩება იმისთვის, რომ ამხელა პროცესი წარიმართოს. ჩვენ სამწუხაროდ, არარეალისტურად გვეჩვენება 1-ელ იანვარს რეგულაციების ძალაში შესვლა, გამომდინარე იქედან, რომ მილიონზე მეტ ავტომობილს აქვს

 
ტექნიკური ინსპექტირება გასავლელი. დღეს მხოლოდ 34 ტესტირების ხაზი არსებობს, ხოლო მილიონზე მეტი ავტომობილის შემოწმებას მინიმუმ 100 ტესტირების ხაზი მაინც სჭირდება. ამ რეალობიდან გამომდინარე, გვაქვს შეკითხვები, როდის იქნება თუნდაც პირველი კონსულტაცია სამოქალაქო სექტორთან, იმისთვის, რომ გავეცნოთ, რა სტანდარტებზეა საუბარი და რა გეგმები აქვს ხელისუფლებას ამ კუთხით“, - განაცხადა ეკა ლალიაშვილმა.

 
მისივე განმარტებით, საქართველომ ევროკავშირთან ასოცირების ხელშეკრულების ფარგლებში იკისრა ვალდებულება, რომ 2018 წლის 1-ელ სექტემბრამდე ყველა ავტომობილის ტექდათვალიერება განხორციელდებოდა, თუმცა ამ პერიოდში მოთავსებაც კი გარკვეული კითხვის ნიშნების ქვეშ არის.

 
„არ უნდა დაგვავიწყდეს, რომ გვაქვს ვალდებულება ევროკავშირთან ასოცირების ხელშეკრულებით ნაკისრი, რომლის მიხედვითაც 2018 წლის 1-ელი სექტემბერი არის ბოლო ვადა. მაშინ, როცა საქართველო ცდილობს გახდეს ევროპის ოჯახის წევრი, არასასურველია მსგავსი საკითხის რისკის ქვეშ დაყენება.

 
2018 წლის სექტემბრამდე ერთი წელია და ჰაერის დაბინძურების პრობლემა კიდევ უფრო მოიმატებს. კვლევებით დადგინდა, რომ ჰაერში აზოტის დიოქსიდი ჭარბი რაოდენობითაა, რაც პირდაპირ კავშირშია სიმსივნური დაავადებების გაჩენასთან“, - განაცხადა ეკა ლალიაშვილმა.

 
მისი თქმით, საქართველოს ავტოპარკის 90% 10 წელს გადაცილებული ავტომობილებითაა წარმოდგენილი, რის განახლებასაც წლები და გარკვეული რეგულაციები სჭირდება.
 
 
 
bpn.ge



22 სექტემბერი - რეგიონში ყველაზე მკვეთრად ქართული ლარი უფასურდება

22 სექტემბერი - რეგიონში ყველაზე მკვეთრად ქართული ლარი უფასურდება
access_time2020-09-22 18:05:44
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 22 სექტემბრის ვაჭრობის შედეგად, ქართული ლარის კურსი 3 თეთრით გაუფასურდა და ერთი...

ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს

ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს
access_time2020-09-22 16:43:09
ეკონომიკის გაჩერების და მკაცრი შეზღუდვების დაწესების რესურსი არ არსებობს, ამაზე თამამად ვსაუბრობთ და ამაში ალბათ გასაკვირი არაფერი არ არის, - ამის შესახებ საქართველოს მთავრობის ადმინისტრაციის უფროსმა, ნათია მეზვრიშვილმა, უწყებათაშორისი საბჭოს სხდომის დასრულების შემდეგ, ბრიფინგზე განაცხადა. ინფორმაციას მთავრობის ადმინისტრაციის პრესსამსახური ავრცელებს. როგორც ნათია მეზვრიშვილმა აღნიშნა, ეკონომიკა ვერ ჩაიკეტება, რადგან ეს დააზარალებს მოქალაქეებს, შესაბამისად იმისთვის, რომ...

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს
access_time2020-09-22 17:10:44
დღეს, ფინანსთა სამინისტროს სახაზინო ობლიგაციების აუქციონზე 80 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა, ამის შესახებ ინფორმაციას საქართველოს ეროვნული ბანკი ავრცელებს. ხვალ კი სებ-ი სავალუტო აუქციონზე 40 მილიონ აშშ დოლარს გაყიდის. ეროვნული ბანკის მიერ ასეთი თანმიმდევრობით განხორციელებულ სავალუტო ინტერვენციებს, ეროვნული ბანკის ყოფილი პრეზიდენტი და ფრაქცია „ნაციონალური მოძრაობის“ თავმჯდომარე...

WeChat და TikTok შტატებში ოფიციალურად აიკრძალა

WeChat და TikTok შტატებში ოფიციალურად აიკრძალა
access_time2020-09-22 20:00:35
20 სექტემბრიდან შტატებში WeChat და TikTok-ს გადმოტვირთვა და განახლება ოფიციალურად აიკრძალა. საგადამხდელო სისტემა WeChat-ს ასევე აეკრძალა შტატებში ტრანზაქციების განხორციელება, ხოლო ამერიკულ კომპანიებს მისთვის მომსახურეობის გაწევაც დაიბლოკათ, რაც სისტემის მუშაობის სიჩქარეს მკვეთრად შეამცირებს. TikTok-ს შტატებში 100 მლნ. მომხმარებელი ჰყავს (მსოფლიოში 800 მლნ.) - ეს ძირითადად ახალგაზრდა აუდიტორიაა. რაც შეეხება WeChat-ს, ამერიკაში მას...

ყირიმი კოლაფსის ზღვარზე - უკრაინამ რეგიონი უწყლოდ დატოვა

ყირიმი კოლაფსის ზღვარზე - უკრაინამ რეგიონი უწყლოდ დატოვა
access_time2020-09-22 19:00:21
ცენტრალური ყირიმის შემდეგ, წყლის გარეშე ნახევარკუნძულის ჩრდილოეთ ნაწილიც დარჩა, ამის შესახებ რესპუბლიკის მთავრობის სხდომაზე ყირიმის წყალმომარაგების სისტემის «Вода Крыма»-ს დირექტორმა ვლადიმირ ბაჟენოვმა განაცხადა. წყლის მიწოდების შეზღუდვები რეგიონის სამხრეთ ნაწილშიც დაიწყო. დაცარიელებული წყალსაცავების გამო სოფლებში წყალი ცისტერნებით ჩააქვთ, რისთვისაც ადგილობრივი ხელისუფლება დამატებით სატრანსპორტო საშუალებების შეძენას აპირებს. ბაჟენოვის თქმით, ყირიმის 40...


მსგავსი სიახლეები

up