5 სასტუმრო  თბილისში, რომლის მშენებლობის ნებართვაც  2018 წელს გაიცა

5 სასტუმრო თბილისში, რომლის მშენებლობის ნებართვაც 2018 წელს გაიცა

access_time2019-08-23 14:00:46

2018 წელს თბილისში 5 ახალი სასტუმროს აშენების ნებართვა გაიცა. “კომერსანტის“ მიერ  ​თბილისის მუნიციპალიტეტის არქიტექტურის სამსახურიდან გამოთხოვილი ინფორმაციის მიხედვით ირკვევა, რომ:

 

7- სართულიანი  სასტუმროს  აშენდება გუჯარეთის ქუჩაზე. პროექტის დამკვეთები იოსებ და გიორგი შიმშილაშვილები არიან.  მშენებლობის ნებართვა არქიტექტურის სამსხურმა 2018 წლის 11 ოქტომბერს გასცა .


 


არქიტექტურის სამსახურის ვებ გვერდზე განთავსებული ინფორმაციის მიხედვით, შენობის  პირველი  სართული  დათმობილია  ვესტიბიულისთვის , შემდეგი  5 სართული  სასტუმროს  ნომრებისთვის, ხოლო ბოლო  სართულზე  განთავსებულია  რესტორანი,  თავისი  სამზარეულოთი. 




სასტუმროში არის  58  ნომერი .  შენობის  გარე  პერიმეტრის  კედლები  ამოშენდება  ბლოკით  და  მოპირკეთდება  2 ფერის .  ღიობებში  ჩაჯდება  მეტალო  პლასტმასის  ვიტრაჟები  და  შავი  ფერის ფანჯრები,  აივნებს  გაუკეთდება  შავი ფერის რკინის  მოაჯირი,  სასტუმროს  უკანა მხარეს მოეწყობა აუზი.

 

2018 წლის 1 ოქტომბერს მიიღო მშენებლობის ნებართვა რუბენ ახვერდოვმა. საოჯახო ტიპის სასტუმრო ურიცკის ქუჩის 13 ნომერში აშენდება. საპროექტო ტერიტორია განთავსებულია სამების ტაძრის მიმდებარედ.  ნაკვეთის ფართი 164 მ2-ია.          


     


საპროექტო ტერიტორიაზე განთავსებულია  ამორტიზებული, ავარიული  1-2 სართულიანი შენობა ნაგებობები. ავარიული შენობის ნაცვლად უნდა განთავსდეს ახალი შენობა საოჯახო სასტუმროს ფუნქციით, შენობა სამსართულიანია, სარდაფით და ტერასული გადახურვის სართულით,  სადაც კიბე და ლიფტის სამანქანო და  ორი ქანობიანი სახურავით გადახურული სხვენია  განთავსებული. პირველ სართულზე განთავსებულია სასტუმროს ვესტიბიული და დახურული კაფე. ასევე პირველ სართულზე შენობას ქუჩის გასწვრივ  აკრავს გადახურული ღია კოლონადა, რომელიც ღია კაფეს დანიშნულებისაა და მცირე ზომის ეზო, რომელიც სასტუმროში შესასვლელის ფუნქციას ასრულებს. მე-2 და მე-3  სართულებზე განთავსებულია სასტუმრო ნომრები- 4 ნომერი სართულზე.


     


გარედან შენობა  შემოსილია მოსაპირკეთებელი აგურით. ფასადის დამუშავებისათვის გამოყენებულია ტრავერტინის ქვა, შავი მეტალი და ხით შემოსვა, დაფარული მწვანე მცენარით.  გამოყენებულია ტრანსფორმირებადი ტენტები აივნებზე.

 

კიდევ ერთი სასტუმრო აშენდება ფაბრიციუსის ქუჩაზე . ფუნქციურად შენობა წარმოადგენს მცირე ზომის სასტუმროს. საპროექტო ტერიტორიაზე მდებარე 2 სართულიან ნაგებობაზე გაცემულია დემონტაჟის ნებართვა, პროექტის ესკიზი შეთანხმებულ იქნა კულტურული მემკვიდრეობის დაცვის საბჭოზე. მშენებლობის ნებართვა 2018 წლის 31 ივლისში გაიცა. დამკვეთი გიორგი რაქვიაშვილია.

 


შენობა წარმოადგენს  ოთხ სართულიან სასტუმროს. (ოთხი მიწის ზედა და ერთი მიწისქვეშა სართული). შენობის პირველი სართული დათმობილი აქვს ფოიეს და სასტუმროს ნომრებს, დანარჩენ სართულებზე განთავსებულია სასტუმროს ნომრები და დამხმარე სათავსები. სასტუმროში გათვალისწინებულია 14 ნომერი აქედან ერთი  ადგილი განკუთვნილია შშმ პირთათვის. მინუს ერთ სართულზე განთავსებულია სატუმბო და სარეზერვო ოთახები.




ფასადის მოსაპირკეთებელ მასალად გამოყენებულია წითელი და ნაცრისფერი აგურის სხვადასხვა წყობა, ხის ფაქტურის კომპოზიტური პანელები და ბეტონის ფაქტურის მქონე ლესვა. ღობებზე ასევე გამოყენებულია დარაბები. 

 

ორთაჭალაში ნადიკვარის ქუჩაზე სასტუმროს, კეფე-რესტორნით ააშენებს ნათელა ფხიკლეშვილი . ტერიტორიის ფართი 400 კვ.მ. ზე, მშენებლობის ნებართვა 2018 წლის 17 დეკემბერს გაიცა.


 


პროექტის მიზანს წარმოადგენს სასტუმროს დაგეგმარება კაფე-რესტორნით და ფუნქციონირებისთვის აუცილებელი სხვა სათავსოებით.




შენობას კონსტრუქციულად გააჩნია 5 სართული, ამათგან -3.100 ნიშნულზე განთავსებული სართული მიწისქვეშაა  ხოლო ბოლო სართული წარმოადგენს მანსარდის ტიპის არასრულ სართულს. შესაბამისად -3,100 ნიშნულზე განთავსებული სართული არ იანგარიშება კოეფიციენტებში, ხოლო არასრული მანსარდა კ2 კოეფიციენტში შედის ½-ით. შენობის ძირითადი შესასვლელი 0,000 ნიშნულზეა, რომელიც გათანაბრებულია არსებული ტროტუარის ნიშნულთან, ასევე -3,100 ნიშნულიც, რელიეფის გამო გათანაბრებულია არსებულ საზოგადოებრივ სივრცის ნიშნულთან, შესაბამისად მისაწვდომობა ხორციელდება ორივე ნიშნულიდან. სართულების რაოდენობა არ აღემატება 4-ს. შესაბამისად, შეთანხმებულ პროექტში არ იყო გათვალისწინებული ლიფტის მოწყობა, კორექტირებული პროექტით მოეწყობა მცირე ზომის ლიფტი.


ძველ თბილისში, ცისკრის ქუჩაზე საერთაშორისო ბრენდის  „ნოვოტელის“ სასტუმრო აშენდება. არქიტექტურის სამხარურიდან კომერსანტის მიერ გამოთხოვილი ინფორმაციის მიხედვით, პროექტის დამკვეთი „შპს ავლაბარი სითია“, რომლის დირექტორიც  რანა ბაბაევაა.

 

 


 მანამდე ავლაბარში სასტუმროს აშენებას კომპანია  შპს ავლაბარი ნოვა გეგმავდა, თუმცა კომპანიამ ტერიტორია და პროექტი, სადაც სასტუმრო უნდა აშენებულიყო „შპს ავლაბარი სითის“ მიჰყიდა. სამართლებრივი ცვლილებაზე აქიტექტურის სამსახურის თანხმობა ახალმა მფლობელმა 18 ივლისს მიიღო.


 

 

 

 როგორც ბაბაევამ „კომერსანტს“ განუცხადა კომპანია პროექტის შეცვლას არ აპირებს. დამატებით დეტალებზე საუბარი კი  „შპს ავლაბარი სითის“ დირექტორმა არ ისურვა.



 

 

არქიტექტურის სამსახურის ინფორმაციით,  საპროექტო მიწის ნაკვეთის საერთო ფართობია 4990 კვ.მ. შენობის ძირითადი პერიმეტრული ნაწილი განკუთვნილია სასტუმრო ნომრებისა და მასთან მიბმული შესაბამისი ფუნქციებისთვის და მოიცავს A,B და C ბლოკებს, რომლის პირველი სართული უკავია საკონფერენციო დარბაზებს, რეცეფციას, ბარს, სპას, ფიტნესს და რამდენიმე სასტუმრო ნომერს. მე-2, მე-3 და მე-4 სართულებზე მეტნაკლებად ტიპური გეგმარებით განთავსებულია სასტუმრო ნომრები, ხოლო მე-5 სართულზე მოიაზრება რესტორნის, ბარის და აუზის ტერასის მოწყობა. შენობის მთელ პერიმეტრზე 2-4 სართულები გეომეტრიულად კონსოლის სახით გამოყოფილია შენობის დანარჩენი ნაწილიდან და ღიობების შორის გაჩენილი დამატებითი.

 

 

დოკუმენტში ვკითხულობთ, რომ კომპლექსის დამოუკიდებელ ნაწილად კომპანია განიხილავს მრავალფუნქციურ საბანკეტო დარბაზს. შენობის არქიტექტურული იერსახე მკვეთრად განსხვავდება კომპლექსის დანარჩენი ნაწილისაგან, რასაც რამდენიმე ძირითადი ფაქტორი განაპირობებს: 1) 450-500 სტუმარზე გათვლილი ერთიანი დარბაზი კოლონების გარეშე; 2) სივრცე რომელიც იქნება ბუნებრივად განათებული, თუმცა ფუნქციიდან გამომდინარე საჭირო სიმყუდროვეს შეითავსებს და მხოლოდ სტრუქტურისა და სილუეტების აღქმა იქნება შესაძლებელი; 3) კონსტრუქცია, რომელიც სივრცის მარტივი ტრანსფორმაციისა და სხვადასხვა ღონისძიებისთვის ადაპტაციის საშუალებას მოგვცემს. საბანკეტო დარბაზის დაახლოებით 3/4 კონსოლურად არის განთავსებული, რაც ერთის მხრივ შთამბეჭდავ ვიზუალურ ეფექტს, ხოლო მეორეს მხრივ მის ქვეშ ღია ავტოსადგომის (25 მანქანაზე) მოწყობის საშუალებას იძლევა. შენობის ძირითადი სტრუქტურული ელემენტების დინამიური მიმართულებები პოლიკარბონატის ტიპის საფასადე მასალასთან კომბინაციაში განსაკუთრებულ შთაბეჭდილებას მოახდენს კომპლექსის სტუმრებზე.



ირკვევა, რომ პროექტის კიდევ ერთი მნიშვნელოვანი საკითხია საზოგადოებრივი სივრცეების ჩამოყალიბება; ერთის მხრივ ვარდის მოედნის ქუჩის მხრიდან საპროექტო განაშენიანება უზრუნველყოფს მიმდებარე საზოგადოებრივი მოედნის ჩამოყალიბებას, დამატებით იქ განთავსებული ხე-მცენარეების სარეკრეაციო პოტენციალის გათვალისწინებით. შედეგად უნდა ჩამოყალიბდეს მნიშვნელოვანი და აქტიური საზოგადოებრივი სივრცე, რომელიც გამოაცოცხლებს სოციალურ აქტივობას. მეორეს მხრივ პროექტის გეგმარებითი სტრუქტურა ითვალისწინებს საკმაოდ დიდი ზომის (1100 კვ.მ) შიდა ეზოს შექმნას, რომელიც მოედნისგან განსხვავებულ სიმყუდროვეს და გამოცდილებას შესთავაზებს მომხმარებლებს. ეზოს ატმოსფერო დიზაინის მხრივ, ძველ-თბილისური ბაზრობებისთვის დამახასიათებელ ელემენტებს შეითავსებს .

 


ბაჩო ადამია

 






გამოიწვევს თუ არა ახალი კორონავირუსი გლობალურ ფინანსურ კრიზისს

გამოიწვევს თუ არა ახალი კორონავირუსი გლობალურ ფინანსურ კრიზისს
access_time2020-02-23 18:00:01
ჯანდაცვის მსოფლიო ორგანიზაციამ კორონავირუსი გლობალური მნიშვნელობის საფრთხედ გამოაცხადა. იმავე დღეს საერთაშორისო სავალუტო ფონდმა აღიარა, რომ ეპიდემია გავლენას მსოფლიო ეკონომიკაზეც იქონიებს. ექსპერტების აზრით, აშკარაა, რომ...

„ეროვნული ბანკის რეგულაციების გარეშე მომავალში მოსახლეობის მასობრივ გაკოტრებას და სისტემურ კოლაფსს მივიღებდით“ - ლაშა ნიკოლაიშვილი

„ეროვნული ბანკის რეგულაციების გარეშე  მომავალში მოსახლეობის მასობრივ გაკოტრებას  და სისტემურ კოლაფსს მივიღებდით“ - ლაშა ნიკოლაიშვილი
access_time2020-02-23 17:00:10
„საბანკო რეგულაციებმა ადმინისტრირება ბოლო ორი წელია რაც დაიწყო, თუმცა, რეალურად,პროცესს საფუძველი  4-5 წლის წინ ჩაეყარა. იყო ძალიან დიდი მოსამზადებელი პერიოდი. რეგულაციები ფინანსური ინსტიტუტებისთვის მოულოდნელი არ ყოფილა,“- ამის შესახებ მიკროსაფინანსო ორგანიზაცია „რიკო ექსპრესის“ სამეთვალყურეო საბჭოს თავმჯდომარემ, ლაშა ნიკოლაიშვილმა რადიო „კომერსანტის“, გადაცემაში „ეკონომისტის დრო...

რა ეკონომიკურ და პოლიტიკურ დივიდენდებს მოუტანს TANAP-ი საქართველოს

რა ეკონომიკურ და პოლიტიკურ დივიდენდებს მოუტანს TANAP-ი საქართველოს
access_time2020-02-23 15:00:35
“სამხრეთის დერეფნის კონცეფცია საქართველოს მნიშვნელოვან პოლიტიკურ დივიდენდსა და ენერო უსაფრთხოებას მოუტანს,” – ამის შესახებ საქართველოს ნავთობისა და გაზის კორპორაციის გენერალურმა დირექტორმა, გიორგი ბახტაძემ, report.ge-ისთან საუბრისას განაცხადა. მისი განმარტებით, ტრანს-ანატოლიური გაზსადენის – TANAP ამოქმედებამდე საქართველო გაზის მხოლოდ რეგიონული მნიშვნელობის სატრანზიტო ქვეყანას წარმოადგენდა. ახლა იგი საერთაშორისო მასშტაბის მოთამაშედ ჩამოყალიბდა. ამიერიდან...

საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...


მსგავსი სიახლეები

up