2018-2021 წლებში თბილისში სამი გზაგამტარი აშენდა და ათი ხიდი რეაბილიტირდა

2018-2021 წლებში თბილისში სამი გზაგამტარი აშენდა და ათი ხიდი რეაბილიტირდა

access_time2021-06-15 12:20:00

2018-2021 წლებში, თბილისში სამი გზაგამტარი აშენდა და ათი ხიდი რეაბილიტირდა, - ამის შესახებ თბილისის მერის მოადგილე ირაკლი ბენდელიანმა დედაქალაქის ინფრასტრუქტურის განვითარების პოლიტიკის მიმართულებით განხორციელებული პროექტების ანგარიშის წარდგენისას განაცხადა. ინფორმაციას თბილისის მერიის პრესსამსახური ავრცელებს.


ირაკლი ბენდელიანმა რამდენიმე განსაკუთრებული პროექტის შესახებ ისაუბრა.


„გამორჩეული პროექტია კარტოზია - ცინცაძის ქუჩების გადაკვეთაზე ორდონიანი კვანძის მშენებლობა. სამუშაოების დაწყებამდე აქ გვქონდა მუდმივი პრობლემა საცობის სახით და მას შემდეგ, რაც ეს ობიექტი დასრულდა, აქ პრობლემა აღარ არსებობს. ასევე, მნიშვნელოვანი პროექტია მდინარე ვერეზე საფეხმავლო ხიდი, რომელსაც სრული რეაბილიტაცია ჩაუტარდა, მოეწყო თანამედროვე განათების სისტემა და ერთ-ერთი გამორჩეული პროექტია ქალაქისთვის, ვიზუალური თვალსაზრისით. მარშალ გელოვანის გამზირისა და სარაჯიშვილის ქუჩის გადაკვეთაზე მოეწყო ორდონიანი კვანძი, რომელსაც ანალოგიური შედეგი მოჰყვა, რაც ცინცაძე-კარტოზიას პროექტს. აქაც მუდმივად იყო საცობები, რაც შემდეგ უკვე გელოვანის გამზირზეც ქმნიდა გადაადგილების პრობლემას. პროექტის განხორციელების შემდეგ, ეს პრობლემა მოხსნილია.


რაც შეეხება ხიდების რეაბილიტაციას, ერთ-ერთი იყო ვახუშტი ბაგრატიონის სახელობის ხიდი, რომელიც ძალიან ცუდ მდგომარეობაში იყო. ერთ-ერთი შემოწმებისას გამოვლინდა, რომ ამ ხიდზე გადაადგილება თითქმის შეუძლებელი იყო. იყო ორი გზა - ან უნდა დაგვეწყო სასწრაფო რეაბილიტაცია, ან მთლიანად უნდა ჩაგვეკეტა მოძრაობა. საკმაოდ რთულად განსახორციელებელი პროექტი იყო, მაგრამ კომპანიამ ამ სამუშაოებს კარგად გაართვა თავი.


ასევე, განხორციელდა სარაჯიშვილის გამზირზე, მდ. გლდანულაზე არსებული ხიდების რეკონსტრუქცია, თუმცა, შეიძლება ითქვას, ძველი ხიდიდან თითქმის არაფერი დარჩენილა და პრაქტიკულად, ახალი ხიდი აშენდა. კიდევ ერთი პროექტი, რომელიც განვახორციელეთ, არის ფონიჭალის დამაკავშირებელი მიწისქვეშა გზაგამტარის მშენებლობა. მნიშვნელოვანი პროექტია ზემო და ქვემო ფონიჭალაში მცხოვრები მოსახლეობისთვის, რადგან მათ ერთმანეთთან მისასვლელად 7 კილომეტრის გავლა ჭირდებოდათ, - განაცხადა ირაკლი ბენდელიანმა.


თბილისის მერის მოადგილემ ასევე ისაუბრა წყლისა და წყალარინების ქსელების რეაბილიტაციაზე. მისივე თქმით, ეს საკითხი წლების განმავლობაში მოუგვარებელი პრობლემა იყო, თუმცა, ბოლო წლებში, ამ მიმართულებით 58 პროექტი განხორციელდა, რომელთა ფარგლებში წყალარინების ცენტრალურ ქსელს მიუერთდა 1 800-მდე ოჯახი, ხოლო წყალგაყვანილობის ქსელი 1 200-მდე აბონენტთან შეიყვანეს.



როგორც ირაკლი ბენდელიანმა აღნიშნა, 383 მისამართზე მოეწყო საყრდენი კედელი. მისივე თქმით, ამ პროექტებს შორის, გამორჩეულია შეშელიძის ქუჩაზე არსებულ, დამეწყრილ უბანზე ჩატარებული სამუშაოები, რისთვისაც 21 მლნ ლარი დაიხარჯა.
„მეწყრული უბნის ზედა ნაწილში არის სამი 16-სართულიანი საცხოვრებელი კორპუსი, რომელიც ევაკუაციის პირას იყო. რომ არა სწრაფად და ეფექტიანად განხორციელებული სამუშაოები, სამივე კორპუსიდან მოგვიწევდა მოსახლეობის გაყვანა. დღეისათვის აქ არანაირი რისკი არ არის და სამუშაოები დასასრულს უახლოვდება“, - განაცხადა თბილისის მერის მოადგილემ.


მისივე თქმით, გამაგრების სამუშაოები 355 ავარიულ საცხოვრებელ კორპუსს ჩაუტარდა. ამ ეტაპზე კი 62 მსგავსი პროექტი მიმდინარეობს, რომელიც წლის ბოლომდე დასრულდება.







ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up