„2017 წელს 3,5 მლრდ-მდე დოლარის საგარეო ვალი გვაქვს გასასტუმრებელი, რაც ლარის კურსზე ნეგატიურად აისახება"

„2017 წელს 3,5 მლრდ-მდე დოლარის საგარეო ვალი გვაქვს გასასტუმრებელი, რაც ლარის კურსზე ნეგატიურად აისახება"

access_time2017-05-20 10:00:02

სახელმწიფოს ვალი უკვე 15 მილიარდს აჭარბებს. აქედან 3 მილიარდი შიდა ვალია, ხოლო 12 მილიარდი - საგარეო, რაც მთლიანი შიდა პროდუქტის დაახლოებით 45%-ს შეადგენს. 

 

როგორც რადიო „კომერსანტის" გადაცემა „პროფესიონალებში" ეკონომიკის დოქტორმა ვახტანგ ჭარაიამ აღნიშნა, საერთაშორისო სტანდარტების მიხედვით, ეს პროცენტი საგანგაშო არ არის, თუმცა ისეთი ქვეყნისთვის, სადაც წარმოება და მომსახურება დაბალ დონეზეა განვითარებული, 45%-იც კი მაღალი მაჩვენებელია.

 


„სავალუტო ფონდის სტანდარტული რეკომენდაციების თანახმად, საგარეო ვალსა და მთლიან შიდა პროდუქტს შორის პროპორცია თუკი დაცულია და 60%-ს არ აღემატება, მიიჩნევა, რომ ეს ქვეყანა სტაბილურობის შენარჩუნებას ახერხებს. არის მსოფლიოში ქვეყნები, რომლებისთვისაც ეს მაჩვენებელი არათუ 60%, არამედ 100%-იც არის და იაპონია 200%-საც კი გადასცდა. ჩვენნაირი ქვეყნისთვის, რომელიც წარმოებისა და მომსახურების კუთხით ბევრს ვერაფერს ქმნის, 45% უკვე ცუდი მაჩვენებელია. ანუ ჩვენ 15%-ით მეტი ვალის აღება კიდევ შეგვიძლია, მაგრამ ამ ვალებს გასტუმრება სჭირდება. ვისაც 60%-ზე მეტი და 100% აქვს საგარეო ვალის მაჩვენებელი, ეს ქვეყნები დიდი მწარმოებლები არიან. ამდენად, დიდი ვალის გადახდა მათ უფრო გაუადვილდებათ, ვიდრე ჩვენ - მცირე ვალის გასტუმრება",- აღნიშნა ჭარაიამ.

 


მისივე თქმით, საქართველოს ერთი წლის განმავლობაში საგარეო ვალის თითქმის მესამედი აქვს გასასტუმრებელი და ამან შესაძლოა, მოსახლეობის კეთილდღეობაზე უარყოფითი გავლენა მოახდინოს, კერძოდ, მოსალოდნელი იქნება ლარის გაცვლითი კურსის ცვლილება.

 

„საგარეო ვალდებულებები ლარის გაუფასურებაში ერთ-ერთი ფაქტორია. წელს დაახლოებით 3,5 მილიარდი დოლარის საგარეო ვალდებულება გვაქვს გასასტუმრებელი, რაც იმას ნიშნავს, რომ ჩვენს ქვეყანაში დოლარი უნდა იყიდოს ბიზნესმა და მცირე რაოდენობით ხელისუფლებამაც. შესაბამისად, დოლარზე მოთხოვნა გაიზრდება და ლარის დევალვაცია მოხდება. ჩვენი საგარეო ვალდებულებების თითქმის მესამედის გადასახდელად ახლა ძალიან ცუდი პერიოდია. ვალის გასტუმრების ასეთი ცუდად დაგეგმილი გრაფიკის შემთხვევაში ქვეყანას შეიძლება გარკვეული პრობლემები შეექმნას და ეს მოსახლეობის კეთილდღეობაზე, ლარის გაცვლით კურსზე შესაძლოა, უარყოფითად აისახოს", - აღნიშნა ვახტანგ ჭარაიამ.

 

 

 



მთავრობის გადაწყვეტილებით, საგანგებო მდგომარეობის დროს ეკონომიკური საქმიანობის ჩამონათვალი გაფართოვდა

მთავრობის გადაწყვეტილებით, საგანგებო მდგომარეობის დროს ეკონომიკური საქმიანობის ჩამონათვალი გაფართოვდა
access_time2020-04-08 15:00:32
მთავრობის გადაწყვეტილებით, გაფართოვდა იმ ეკონომიკური საქმიანობის ჩამონათვალი, რომელსაც საგანგებო მდგომარეობის პერიოდში, ფუნქციონირება არ ეზღუდება. ინფორმაცია „საკანონმდებლო მაცნეში“ გამოქვეყნდა. მთავრობის №222 დადგენილების თანახმად , ცვლილება შედის 2020 წლის 23 მარტის №181 დადგენილებაში, რომელიც საგანგებო მდგომარეობის პერიოდში ეკონომიკური სუბიექტების საქმინობას...

ლაშა პაპაშვილი „რედიქს ჯგუფის“ მიმდინარე ობიექტების კონსერვაციის გეგმაზე მუშაობს

ლაშა პაპაშვილი „რედიქს ჯგუფის“ მიმდინარე  ობიექტების კონსერვაციის გეგმაზე მუშაობს
access_time2020-04-08 13:00:51
ლაშა პაპაშვილი იმ  მიმდინარე ობიექტების კონსერვაციის გეგმაზე მუშაობს, რომელსაც საინვესტიციო კომპანია „რედიქს ჯგუფი“ ახორციელებს. ამის შესახებ ბიზნესმენმა „კომერსანტს“ თავად განუცხადა. მისი განმატებით, მათ შორისააა, თბილისში Hilton-ის ბრენდის პირველი სასტუმრო, რომლის გახსნის თარიღმაც ორჯერ გადაიწია. „ჭავჭავაძეზე უნდა გაგვეხსნა Hilton-ი,მაგრამ მასთან ერთად ყველაფერი შევაჩერეთ და კონსერვაციის გეგმაზე ვმუშაობთ. პირველივე დღეებში მოგვიწია „კლუბი 71“-ის...

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს
access_time2020-04-08 12:30:14
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1656-ით დაიწყო, 12:20 საათისთვის 1 დოლარი 3.1813-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 7 მარტის ვაჭრობის შედეგად აშშ დოლარის ღირებულებამ 3.1748 ლარი შეადგინა. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...

საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...

Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...


მსგავსი სიახლეები

up