2016 წელს პირდაპირი უცხოური ინვესტიციების დიდი წილი კვლავ თბილისშია კონცენტრირებული

2016 წელს პირდაპირი უცხოური ინვესტიციების დიდი წილი კვლავ თბილისშია კონცენტრირებული

person access_time2017-03-29 10:00:09

2016 წელს საქართველოში პირდაპირი უცხოური ინვესტიციების მოცულობამ 1.6 მლრდ აშშ დოლარი შეადგინა, რაც 5%-ით აღემატება 2015 წლის შესაბამის მაჩვენებელს. PMCG-ის ინფორმაციით, პირდაპირი უცხოური ინვესტიციების ზრდა დაფიქსირდა პირველ (33.4%; 97.4 მლნ აშშ დოლარით) და მეოთხე (1.0%-ით; 3.2 მლნ აშშ დოლარით) კვარტლებში. ხოლო, მეორე და მესამე კვარტლებში დაფიქსირდა ინვესტიციების შემცირება, შესაბამისად 1.1% (5.0 მლნ აშშ დოლარი) და 3.0% (14.7 მლნ აშშ დოლარი).

 

PMCG-ის ანგარიშის მიხედვით, 2016 წელს, უმსხვილეს ინვესტორთა ხუთეულს ქვეყნების მიხედვით წარმოადგენს: აზერბაიჯანი (მთლიანი ინვესტიციების 35.2%; 578 მლნ აშშ დოლარი), თურქეთი (16.6%; 272 მლნ აშშ დოლარი), გაერთიანებული სამეფო (7.3%; 120 მლნ აშშ დოლარი), ნიდერლანდები (5.8%; 95 მლნ აშშ დოლარი) და ჩეხეთი (5.7%; 93 მლნ აშშ დოლარი). 2015 წელთან შედარებით მნიშვნელოვნადაა გაზრდილი პირდაპირი უცხოური ინვესტიციები თურქეთიდან (275%; 199 მლნ აშშ დოლარით), ჩეხეთიდან (458%; 76 მლნ აშშ დოლარით), აშშ-დან (144%; 26 მლნ აშშ დოლარით) და აზერბაიჯანიდან (5.2%; 28 მლნ აშშ დოლარით). ხოლო, ინვესტიციები შემცირებულია გაერთინებული სამეფოდან (68.7%; 265 მლნ აშშ დოლარით), ნიდერლანდებიდან (38.6%; 60 მლნ აშშ დოლარით) და ლუქსემბურგიდან (25.8%; 27 მლნ აშშ დოლარით).
პირდაპირი უცხოური ინვესტიციების მოცულობა აზერბაიჯანიდან 2013 წლიდან ყოველწლიურად იზრდებოდა. აღნიშნული ტენდენცია 2016 წელსაც შენარჩუნდა. ყველაზე მნიშვნელოვანი ზრდა დაფიქსირდა 2014 წელს, როდესაც ინვესტიციების მოცულობა 4-ჯერ გაიზარდა, წინა წლის მაჩვენებელთან შედარებით. პირდაპირი უცხოური ინვესტიციები თურქეთიდან 2016 წლამდე მნიშვნელოვანი ცვლილებით არ გამოირჩეოდა, თუმცა 2016 წელს დაფიქსირდა ინვესტიციების მკვეთრი ზრდა (4-ჯერ).

 

 

აღსანიშნავია, რომ 2016 წელს, 2015 წელთან შედარებით, ჩინეთიდან და რუსეთიდან, საქართველოს მნიშვნელოვანი სავაჭრო პარტნიორი ქვეყნებიდან, პირდაპირი უცხოური ინვესტიციები შემცირებულია, შესაბამისად 59.1% (39 მლნ აშშ დოლარით) და 51.4%-ით (23 მლნ აშშ დოლარით). ჩინეთიდან და რუსეთიდან ინვესტიციების ყველაზე დიდი მოცულობა 2014 წელს დაფიქსირდა, თუმცა, 2015-16 წლებში ინვესტიციების მოცულობა შემცირების ტენდენციით ხასიათდებოდა.

 

 

2016 წელს ინვესტიციების სტრუქტურა სექტორების მიხედვით განსხვავდება 2015 წლის ინვესტიციების სტრუქტურისაგან. უმსხვილეს ხუთ სექტორს შორის აღარ არის ჯანდაცვა და სასტუმროები, რესტორნები. აღნიშნული სექტორები ჩაანაცვლა მშენებლობამ და დამამუშავებელმა მრეწველობამ.


 

 

2016 წელს, 2015 წელთან შედარებით, მნიშვნელოვნად გაზრდილია განხორციელებული ინვესტიციების რაოდენობა დამამუშავებელი მრეწველობის (79%; 53 მლნ აშშ დოლარი), ენერგეტიკის (64%; 79 მლნ აშშ დოლარი), მშენებლობის (48%; 53 მლნ აშშ დოლარი) და ტრანსპორტისა და კავშირგაბმულობის (10%; 60 მლნ აშშ დოლარი) სექტორებში, ხოლო შემცირებულია საფინანსო სექტორში (-24%; 43 მლნ აშშ დოლარი). აღსანიშნავია, რომ ინვესტიციების მოცულობა ტრანსპორტისა და კავშირგაბმულობის სექტორში 2013 წლიდან იზრდება და ეს ტენდენცია 2016 წელსაც შენარჩუნდა. ამასთან, ენერგეტიკაში ინვესტიციები კვლავ გაიზარდა, 2014-15 წლებში შემცირების შემდეგ.

 

 

2016 წელს პირდაპირი უცხოური ინვესტიციების დიდი წილი (78%; 1.2 მლრდ აშშ დოლარი) კვლავ თბილისშია კონცენტრირებული. ამავე პერიოდში გაზრდილია თბილისში განხორციელებული ინვესტიციების მოცულობა (3%; 41 მლნ აშშ დოლარით). თბილისის შემდეგ, ინვესტორებისთვის ყველაზე მიმზიდველი რეგიონებია აჭარა (მთლიანი ინვესტიციების 10%), ქვემო ქართლი (5%) და სამეგრელო-ზემო სვანეთი და გურია (3%), ხოლო ნაკლებად მიმზიდველია შიდა ქართლი (0.04%).

 

 

2016 წელს ინვესტიციების მოცულობა გაზრდილია ქვემო ქართლში (265%; 56 მლნ აშშ დოლარით), სამცხე-ჯავახეთში (79%; 22 მლნ აშშ დოლარით), შიდა ქართლში (16 მლნ აშშ დოლარით), სამეგრელო-ზემო სვანეთში და გურიაში (6%; 2 მლნ აშშ დოლარით) და იმერეთში (3%; 0.9 მლნ აშშ დოლარით), ხოლო მნიშვნელოვნად შემცირებულია კახეთსა (-94%; 15 მლნ აშშ დოლარით) და აჭარაში (-21%; 43 მლნ აშშ დოლარით).
2013 წლიდან აჭარაში პირდაპირი უცხოური ინვესტიციების მოცულობა ყოველწლიურად იზრდებოდა, თუმცა 2016 წელს დაფიქსირდა შემცირება. ქვემო ქართლში კი ინვესტიციების მოცულობა მნიშვნელოვანი მერყეობით ხასიათდებოდა. თუმცა, 2016 წელს ინვესტიციები ქვემო ქართლში გაზრდილია.

 

 

 

 



ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი

ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი
access_time2021-06-19 17:55:10
საქართველოს საავიაციო ბაზარს ახალი მიმართულება – აბუ – დაბი ემატება. არაბთაგაერთიანებული საემიროების დაბალბიუჯეტიანი ავიაკომპანია Air Arabia Abu Dhabi , 1-ლი ივლისიდანზაფხულის სანავიგაციო სეზონის ბოლომდე (28 ოქტომბერი), კვირაში 3 სიხშირით პირდაპირ რეისებსაბუ-დაბი – თბილისი – აბუ-დაბი მიმართულებით შეასრულებს. Air Arabia Abu...

დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი
access_time2021-06-19 16:00:40
კომპანია „ჭკვიანი თხილი“ მცირე ქართული საწარმოა, რომელიც ადგილობრივი ნედლეულისგან 5 სახეობის თხილის პასტას აწარმოებს. არაქისის, თხილის, ნუშის, პეკანის ნიგვზისა და გოგრის თესლისგან დამზადებული პასტების ონლაინ-გაყიდვები გასულ წელს, დაახლოებით, 800% -მდე გაიზარდა. ინფორმაციას პორტალი EastFruit ავრცელებს. კომპანიის მთავარი სარეალიზაციო ხაზი სწორედ ინტერნეტ-არხებია.   პასტების დასამზადებლად მხოლოდ ადგილობრივ პროდუქციას იყენებენ: არაქისი და ნუში კახეთიდანაა, თხილი -...

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა
access_time2021-06-19 15:00:49
“ეროვნული ბანკის მიერ გაცემულ ამ პასუხში ვკითხულობთ, რომ რეფინანსირების სესხების მოცულობით ლარის კურსის მერყეობების ახსნა არასწორია, ცენტრალურ ბანკში მაგალითად აპრილის თვის მონაცემები მოჰყავთ, სადაც აღნიშნულია, რომ 2021 წლის 31 მარტს (რაც 1-ლი აპრილის ოფიციალურ კურსში აისახა) საშუალო საბაზრო გაცვლითი კურსი დაახლოებით 3.45 იყო, თუმცა 31 მარტს დაახლოებით მილიარდ 200 მილიონის რეფინანსირების სესხი იყო გაცემული. შემდეგ 1-ლი აპრილიდან რეფინანსირების სესხებმა ზრდა დაიწყო და 15 აპრილს 3 მილიარდამდე...


მსგავსი სიახლეები

up