ღვინის ექსპორტმა 2020 წელს $210 მლნ შეადგინა, რაც ჯამური ექსპორტის 6.3%-ს უდრის. ნომინალური $13 მლნ-იანი კლების მიუხედავად, ერთ წელიწადში მისი წილი 0.4 პროცენტული პუნქტით გაიზარდა.

2001-2020 წლებში საქართველომ ჯამში $1.$856 მლრდ-ის ღვინო გაყიდა, რაც საფრანგეთის წლიური ექსპორტის 17%-ზე ნაკლებია. საქართველოს წილი გლობალურ ღვინის ბაზარზე 0.6%-ს შეადგენს, ცოტაა მაგრამ ჯამური ექსპორტის წილს 3-ჯერ აღემატება.

რუსეთი ღვინის იმპორტის მხრივ მე-9 ადგილზეა და მხოლოდ 3.1%-იანი წილს ფლობს, თუმცა ძველი ცნობადობა კვლავ მუშაობს და ქართული ღვინის 60%-ზე მეტი ისევ რუსეთში იყიდება.

თუ 2005 წელს ღვინის ექსპორტი $81 მლნ-ს შეადგენდა, 2006 წელს, რუსული ემბარგოს შემდეგ განახევრდა, 2007 წელს კი $29 მლნ-მდე შემცირდა და 2012 წლამდე მხოლოდ $65 მლნ-მდე გაიზარდა. რუსული ბაზრის აღდგენის შემდეგ 2013 წელს ექსპორტმა $100 მლნ-ს, 2019 წელს კი $200 მლნ-ს გადააჭარბა.

ზრდის ტემპი შედარებით დაბალი, მაგრამ უფრო სტაბილურია სპირტიანი სასმელების ბაზარზე. რსულული ემბარგოს პერიოდში, 2007-2012 წლებში სპირტიანი სასმელების ექსპორტი ღვინისას აჭარბებდა.

2019 წელს შეერთებულმა შტატებმა $6.5 მლრდ-ის ღვინის იმპორტი განახორციელა, 5.4-ჯერ მეტი ვიდრე რუსეთმა, ბრიტანეთმა 3.7-ჯერ მეტი - $4.4 მლრდ, გერმანიამ $2.9 მლრდ, ხოლო ჩინეთმა რუსეთთან შედარებით ზუსტად 2-ჯერ მეტი - $2.4 მლრდ. შესაძლებლობის უდიდეს ნაწილს საქართველო ჯერ კიდევ ვერ იყენებს.

გიორგი ელიზბარაშვილი