„200,000 ლარამდე სესხების აკრძალვა სებ-ის რეგულაციების პაკეტის ნაწილი არ ყოფილა, ის  პარლამენტმა დაამტკიცა“-გვენეტაძე-სონღულაშვილის კითხვა-პასუხი

„200,000 ლარამდე სესხების აკრძალვა სებ-ის რეგულაციების პაკეტის ნაწილი არ ყოფილა, ის პარლამენტმა დაამტკიცა“-გვენეტაძე-სონღულაშვილის კითხვა-პასუხი

access_time2019-11-21 11:30:10

20 ნოემბერს,პარლამენტის საფინანსო-საბიუჯეტო კომიტეტის სხდომაზე ეროვნული ბანკის 2020-2022 წლების ფულად-საკრედიტო და სავალუტო პოლიტიკის ძირითადი მიმართულებების პროექტი განიხილეს. „ქართული ოცნების“ გუნდის წევრ დავით სონღულაშვილსა და კობა გვენეტაძეს შორის დიალოგი კითხვა-პასუხის რეჟიმში გაიმართა. განიხილეს ისეთი მნიშვნელოვანი საკითხები როგორიცაა ფულის მასა, სავალუტო სესხების   200 000 ლარიანი ზღვრის  100 000 -მდე შემცირება, შიდა ვალი, სავალუტო ინვესტიციები და სხვა საკითხები.

 

დავით სონღულაშვილი:  წლის დასაწყისიდან  კურსი  2.6-დან 2.8-მდე შეიცვალა. (ერთ-ერთ მიზეზად ფრენების აკრძალვას ასახელებთ, თუმცა,  სხვა რეგულაციაც მოჰყვა თქვენი მხრიდან, რამაც ბაზარზე შეზღუდა დოლარის,ხოლო გაზარდა ლარის მიწოდება.  ხომ არ ფიქრობთ, რომ ვალუტის კურსის ცვლილება ამ რეგულაციებით იყო გამოწვეული?

 

კობა გვენეტაძე:  კურსის ცვლილებაზე გავლენა იქონია, ზაფხულში თურქული ლირის გაუფასურებამ. თუმცა არ ასახულა ინფლაციაზე. რაც შეეხება რეგულაციებს, მისი მოწყვლადობის შემცირება იყო.

 

დავით სონღულაშვილი: თუ ბაზარზე დოლარის მიწოდება შემცირდა და ლარის მიწოდება გაიზარდა, შეიძლება თუ არა ეს ეროვნული ვალუტის გაუფასურების ერთ-ერთ ფაქტორად ჩავთვალოთ?

 

კობა გვენეტაძე: კი რა თქმა უნდა, ეს  შეიძლება იყოს ვალუტის გაუფასურების მიზეზი.

 

დავით სონღულაშვილი: რაც შეეხება 200 000 ლარიან სესხებს, არის თუ არა წნეხი ლარზე და მისი 100 000 ლარამდე დაყვანა შეამსუბუქებს თუ არა ლარზე გავლენას?

 

კობა გვენეტაძე: 200,000 ლარამდე სესხების აკრძალვა სებ-ის რეგულაციების პაკეტის ნაწილი არ ყოფილა, ის  პარლამენტმა დაამტკიცა. თუმცა, სხვადასხვა მხრიდან შეიძლება შევხედოთ ამას, ჩვენი ნაბიჯები არის ორიენტირებული საშუალო და გრძელვადიან პერიოდზე და არ უნდა გადავდგათ ისეთი ნაბიჯი რომ წინ გართულებული სახით დაგხვდეს.


 

დავით სონღულაშვილი: ბოლო ორი წლის განმავლობაში რა მოცულობის ლარი დაიბეჭდა? იწვევს თუ არა ეს ლარის გაუფასურებას?

 

კობა გვენეტაძე: ზუსტი ციფრი არ მაქვს თუ რა რაოდენობის ლარი  დაიბეჭდა.

 

მონეტარული თარგეთირების რეჟიმის პირობებში ფულის მასა თავისუფალ ბაზარზე დგება. აღსანიშნავია,რომ ჩვენ გვაქვს ინფლაციის თარგეთირება, ეს არის საპროცენტო განაკვეთი.

 

დავით სონღულაშვილი: შიდა ვალის გაზრდა ხომ  არ არის ლარის კურსის გაუფასურების  ერთ-ერთი?

კობა გვენეტაძე: არა ამაში ვერ დაგეთანხმებით, რადგან შიდა ვალი არის დეფიციტის დაფინანსების კარგი მეთოდი, ამას გარდა კაპიტალის გაზრდას ემსახურება.

 

დავით სონღულაშვილი: ცალმხრივი ინტერვენციები თუ ახდენს ლარის გაუფასურებაზე გავლენას?

 

კობა გვენეტაძე: არა არ ახდენს გავლენას, ინტერვენციას ვაკეთებდით მაშინ, როდესაც ბაზარი ამის საშუალებას გვაძლევდა.  ინტერვენცია ცალმხრივი არ ყოფილა, გაყიდვები გვქონდა 2016 წელსაც და 2019 წელსაც.  2016 წელს ლარმა  გამყარება დაიწყო. ეროვნულმა ბანკმა დიდი ხნის შემდეგ შეისყიდა სავალუტო რეზერვები, კურსი ჩამოვიდა 2.16-მდე და ისევ ავიდა ზემოთ. ამ შემთხვევაში  ინტერვენციები ცალმხრივი არ ყოფილა, როდესაც საჭირო იყო მოხდა გაყიდვებიც, მაგრამ მნიშვნელობა აქვს მომენტის შერჩევას.

 

დავით სონღულაშვილი: რეზერვების ზრდაზე რეკომედაცია იყო წლის ბოლომდე და თქვენ გაზარდეთ ორ თვეში, ვფიქრობ, დიდი შესყიდვები განახორციელეთ მოკლე დროში და მაგიტომ მოხდა ლარის კიდევ უფრო გაუფასურება.

 

კობა გვენეტაძე: ამასთან დაკავშირებით არასწორი ინფორმაცია გაქვთ, ორ თვეში ნამდვილად არ გაგვიზრდია რეზერვები. როდესაც ბაზარი იძლეოდა ამის საშუალებას, მაშინ ყიდულობდა ეროვნული ბანკი ვალუტას, ისევ და ისევ რეზერვების შესავსებად, რომელიც ქვეყნის ეკონომიკის სტაბილურობას ხმარდება. რეზერვების შევსება  დიდ მნიშვნელობას ატარებს და ნაჩქარევად მისი შევსება არ მომხდარა.

 

 

ნათია ლომიძე 




ქუთაისის „ტორპედო“ იტალიელებმა იყიდეს

ქუთაისის „ტორპედო“ იტალიელებმა იყიდეს
access_time2020-01-28 13:30:26
ქუთაისის „ტორპედოს“ ახალი მფლობელი ჰყავს. ამის შესახებ ქუთაისის ტორპედოს გულშემატკივართა კლუბმა ჩვენ ვართ ტორპედომ ფეისბუქის გვერდზე დაწერა.მაშ ასე, გვინდა გამცნოთ ქართული ფეხბურთის გულშემატკივრებს, რომ საგა, რომელიც ტორპედოს თავზე თითქმის ერთი წელია ტრიალებს, დასრულდა. ტორპედოს გულშემატკივრებისათვის ბოლო იმედი ფაბიო მანინის სახით გამართლდა! როგორც ჩვენთვის ექსკლუზიურად გახდა ცნობილი, საფეხბურთო კლუბი ტორპედო იტალიელ ინვესტორს, ფაბიო მანინს გადაეცა. ჩვენი წყარო...

გაიზარდა თუ არა საქართველოში კორუფციის რისკები?!

გაიზარდა თუ არა საქართველოში კორუფციის რისკები?!
access_time2020-01-28 12:30:07
წინა ხელისუფლებაც მისი მმართველობის ბოლო პერიოდში ასე იქცეოდა და შემოდგომის ბუზივით იკბინებოდა, მაგრამ რა ემართება ზამთარში ბუზს, ყველამ კარგად...

„ქართული ოცნების“ პრემიებზე დახარჯული მილიონები და 112-ის გაუმართავი ინფრასტრუქტურა

„ქართული ოცნების“ პრემიებზე დახარჯული მილიონები და 112-ის გაუმართავი ინფრასტრუქტურა
access_time2020-01-28 10:45:30
ბორჯომი-ხაშურის მაგისტრალზე მომხდარმა ტრაგედიამ, რომელსაც ბანძელაძეების ოჯახის 4 წევრის გარდაცვალება მოჰყვა, კიდევ ერთხელ დაანახა საზოგადოებას, თუ რამდენად მნიშვნელოვანია სისტემის კოორდინირებული და გამართული მუშაობა მაშინ, როდესაც საქმე გადაუდებელ დახმარებას და ადამიანების სიცოცხლეს ეხება.   26 იანვარს ბაქარ ბანძელაძემ, რომელიც მეუღლესთან და 3 მცირეწლოვან ბავშვთან ერთად მგზავრობდა, ავტომობილის მართვისას საჭე ვერ დაიმორჩილა, გზაზე მოცურდა და...

3 კომპანია საქართველოში, რომელიც 4-დღიან სამუშაო კვირაზე გადავიდა

3 კომპანია საქართველოში, რომელიც 4-დღიან სამუშაო კვირაზე გადავიდა
access_time2020-01-27 18:45:28
2019 წელს უმსხვილესმა ამერიკულმა კომპანიამ Microsoft ჩაატარა ექსპერიმენტი, რომლის მიხედვითაც კომპანიაში დასაქმებულებისთვის 4-დღიანი სამუშაო კვირა დააწესდა. კვლევის დასრულების შემდეგ აღმოჩნდა, რომ Microsoft-ის ახალი ინიციატივის შედეგად, დასაქმებულების პროდუქტიულობა 40%-ით გაიზარდა. Microsoft-ის შემდეგ ანალოგიური სამუშაო გრაფიკი სხვა საერთაშორისო კომპანიებმაც დააწესეს და მათ...

„არჩევნების წინ ბიუჯეტში უფრო მეტი სახსრების მობილიზებას ცდილობენ“ – „საქსტატი“ ჩრდილოვანი ეკონომიკის დარგების აღრიცხვას იწყებს

„არჩევნების წინ ბიუჯეტში უფრო მეტი სახსრების მობილიზებას ცდილობენ“ – „საქსტატი“ ჩრდილოვანი ეკონომიკის დარგების აღრიცხვას იწყებს
access_time2020-01-28 10:00:03
საქართველოში ჩრდილოვანი ეკონომიკის აღრიცხვა იწყება. სტატისტიკის ეროვნული სამსახური განათლებისა და უძრავი ქონების ფარული დარგების გამოკვლევას გეგმავს. უწყება  რეპეტიტორებისა და ბინის გამქირავებლების რაოდენობასა და მათ შემოსავლებს დაითვლის. მათი გათვლით, ეკონომიკის დაახლოებით 13% ჩრდილშია, ხოლო ჩრდილოვანი ეკონომიკის მოცულობა ამ ორ სექტორში განსაკუთრებით მაღალია. დიდი ალბათობით, მას შემდეგ, რაც სრული სურათი გამოკვეთება, რეპეტიტორებსაც და ბინის...


მსგავსი სიახლეები

up