„ევროპულ ბიზნეს ასოციაციაში“ აცხადებენ, რომ ქვეყანაში საჭიროა ეკონომიკური რეფორმების გააქტიურება.როგორც ასოციაციის თავმჯდომარე ქვეყნის საინვესტიციო გარემოს შეფასებისას აცხადებს, პარლამენტიც და მთავრობაც ამ მიმართულებით მუშაობენ, თუმცა ეს საკმარისი არ არის.

„კარგი მმართველობა არის ძალიან მნიშვნელოვანი. დღეს დიდი პრობლემაა ბიუროკრატია და ინვესტორები ხედავენ ამას. როდესაც იწყებ ბიზნესს და ხედავ დაბალ დონეს მუნიციპალიტეტებში, როდესაც უბრალოდ სამშენებლო ნებართვას ვერ იღებ – ეს არ არის კარგი მუშაობა,“ – აცხადებს ჯონ ბრაეკეველდტი “ბიზნესპარტნიორთან“.

მისივე თქმით, მნიშვნელოვანია განვითარდეს მედიაციისა და არბიტრაჟის მიმართულება, ვინაიდან, სასამართლო სისტემა ბიზნესებისთვის კვლავ პრობლემურია და მოსამართლეებს არ გააჩნიათ შესაბამისი კვალიფიკაცია ბიზნეს დავების ჭრილში გადაწყვეტილების მისაღებად. კიდევ ერთ პრობლემურ საკითხად „ევროპულ ბიზნეს ასოციაციაში“ მცირე და საშუალო ბიზნესისთვის ფინანსებზე ხელმისაწვდომობის ნაკლებობას ასახელებენ.

„გვაქვს ბევრი მტკიცებულება, რომ დაფინანსება, რომელიც შემოდის ქვეყანაში, მიდის კომერციულ ბანკებში. კომერციული ბანკები კი მას არ გასცემენ SME სექტორზე – ვისაც ეს სჭირდება. სესხებზე ამჟამად არსებული პროცენტების გათვალისწინებით, შეუძლებელია დაგეგმო ბიზნესი. ევროპაში ეს განაკვეთი 0.5-დან 5%-მდე მერყეობს. საქართველოში კი როცა გაქვს 20%-იანი სესხი, შეუძლებელია ბიზნესმა მოგება მიიღოს, განსაკურებით პირველ წლებში“ – აცხადებს ჯონ ბრაეკეველდტი.

მისივე თქმით, გადასახედია ტენდერების სისტემაც, სადაც ფასის ყველაზე იაფად წარმდგენი იმარჯვებს და უგელებელყოფილია ხარისხობრივი ნორმები და ევროპული სტანდარტების მოთხოვნა.

„ბიზნესასოციაცია“