სხვადასხვა ქვეყანაში ცხოვრების დონის სხვაობა ფასთაშორის სხვაობასაც განაპირობებს. 2017 წლიდან გაზრდილი ინფლაციის მიუხედავად, თბილისი ევროპის მასშტაბით ერთ-ერთი ყველაზე იაფი ქალაქის სტატუს ინარჩუნებს. საპასუხოდ, ცხოვრება გაცილებით ძვირია ტერიტორიით საქართველოზე პატარა შვეიცარიის სიდიდით მეორე ქალაქ - ჟენევაში. ვებპორტალ numbeo.com-ის ცნობით იპოთეკურ სესხზე დარიცხული პროცენტის გარდა, თბილისში თითქმის ყველაფერი 70-90 პროცენტით იაფია.
იმ შემთხვევაში თუ პირი ბინის ქირას იხდის ერთი დ აიგივე ცხოვრების დონისა და სერვისების მისაღებად თბილისში 5440 ლარი დაეხარჯება, ჟენევაში კი 4.95-ჯერ მეტი 29 940.
დაბალფასიან რესტორანში სადილი 1 პერსონაზე თბილისში 20 ლარი ჯდება, ჟენევაში - 92. საშუალო კლასის რესტორანში 2 პერსონაზე სადილის ღირებულება 68 ლარია, ჟენევაში - 443%-ით მეტი - 369 ლარი. სხვაობა შედარებით ნაკლებია მაკდონალდსის ან რომელიმე მსგავსი ტიპის სწრაფი კვების ობიექტში, სადაც თბილისში 1 ადამიანი საშუალოდ ლარს14.50-ს იხდის, ჟენევაში 55-ს. კაპუჩინოს ფასი შესაბამისად 5.45 და 16 ლარია. ყავისგან განსხვავებით სხვაობა ადგილობრივი წარმოების ლუდებს შორის 10-ჯერ მეტია, თბილისში ის საშუალოდ 3 ლარი ღირს, ჟენევაში 30 ლარი.
ქართულ ფულზე გადმოყვანით 500 გრამიანი პური ჟენევაში 10.62 ლარი ღირს, 10-ჯერ ძვირი ვიდრე თბილისში. ადგილობრივი წარმოების ყველის ფასი თბილისში 15 ლარია, ჟენევაში - 68. კილოგრამი ქათმის ფასიც შესაბამისად 12 და 91 ლარია.
ჟენევაში ხილიც 4-ჯერ, 5-ჯერ ძვირია. 1 კგ ვაშლი 15 ლარი ღირს, ბანანი 11 და ფორთოხალი 13 ლარი.
შვეიცარია ნამდვილად ვერ ჩაითვლება მწეველებისთვის საოცნებო ადგილად, სადაც 1 კოლოფი სიგარეტი 8.5 ფრანკი ანუ 31 ლარი ღირს.
ფასთა შორის სხვაობა კიდევ უფრო დიდია ტრანსპორტით სარგებლობის დროს. მუნიციპალური ავტობუსის ბილეთის ფასი ჟენევაში თბილისთან შედარებით 2100%-ით ძვირია და 11 ლარს შეადგენს. ტაქსით მგზავრობის წამოწყება 24 ლარი ღირს, 1 კმ-ის გავლა - 13.28 ლარი, 1 საათიანი ლოდინი კი 221 ლარი.
უკეთ რომ წარმოვიდგინოთ, თბილისის ცენტრიდან გლდანში ან ვარკეთილში გასვლა, მოცდის გარეშე 180-200 ლარი ეღირებოდა.
კომუნალური გადასახადები 85 მ2 ბინაზე numbeo-ს თბილისისთვის 223 ლარი აქვს დაანგარიშებული, ჟენევისთვის 850 ლარი.
კერძო საბავშვო ბაღში მშობელს თბილისთან შედარებით 20-ჯერ ძვირის - თვეში 7560 ლარის გადახდა უწევს. კერძო სკოლის წლიური საფასური კი 11-ჯერ მეტს 96 000 ლარს აღწევს.
ქალაქის ცენტრში 1 საძინებლიანი ბინის ქირა ჟენევაში თვეში 6975 ლარია, გარეუბანში - 5430, 3 საძინებლიანი ბინის საქირვებლად ქალაქის ცენტრში 12 530 ლარის ექვივალენტი - 3400 ფრანკია საჭირო, გარეუბანში - 10 370, თბილისური ფასები ჟენევისას 80 – 87 პროცენტით ჩამორჩება.
სხვაობა იზრდება ბინის შეძენის შემთხვევაში. ჟენევაში ქალაქის ცენტრში 1 მ2-ის ფასი 13 247 ლარს, ანუ 48 877 ლარს - 14 721 აშშ დოლარს უდრის. $1 მლნ-დ მხოლოდ 68 მ2 ფართობის მქონე ბინის შეძენაა შესაძლებელი. თბილისში კვადრატული მეტრის ფასი 11.7-ჯერ ნაკლებად - 4183 ლარდაა შეფასებული. გარეუბანში ჟენევაში ფასი 30%-ით, თბილისში კი 40%-ზე მეტით მცირდება.
ერთადერთი რაც თბილისში 7.13-ჯერ უფრო ძვირია ეს იპოთეკურის სესხია. საშუალო წლიური განაკვეთი ჟენევაში 1.53%-ა, თბილისში 10.92%.
და ბოლოს, ფასების გარდა კიდევ ერთი მნიშვნელოვანი სხვაობა შემოსავლებსა და ხელფასებშია. თბილისში საშუალო ხელფასი გადასახადების გადახდის შემდეგ 1100 ლარს -ს შეადგენს, ჟენევაში 22 300 ლარს.
თუ მთლიან ქვეყანას განვიხილავთ ნომინალური მშპ 1 სულ მოსახლეზე შვეიცარიაში $82 000-ს უდრის, საქართველოში - $4770-ს.
Numbeo-ს დათვლით გასაშაულებული ფასების ინდექსი თბილისში 28.54-ს უდრის, ჟენევაში - 4.53-ჯერ მეტს - 129.37-ს. მაგრამ რადგან ჟენევაში, სადაც ცხოვრება უფრო ძვირია, ვიდრე ნიუ-იორკსა და ლონდონში, ხელფასები თბილისთან შედარებით 20.3-ჯერ მაღალია. ქალაქის მაცხოვრებელთა რეალური მსყიდველობითუნარიანობა 4.47-ჯერ მეტი გამოდის. დაახლოებით ამდენივეა ფარდობა ორ ქვეყანას შორის 1 სულ მოსახლეზე PPP მეთოდით დათვლილ მშპ-ებს შორისაც.
გიორგი ელიზბარაშვილი
ჟენევა
