„2-თვიანი მარაგები, რომელიც ქვეყანაში უნდა იყოს სასურსათო უსაფრთხოებისთვის, წამოსულია კლებისკენ“ - რა უნდა გაკეთდეს, რომ პური არ გაძვირდეს

„2-თვიანი მარაგები, რომელიც ქვეყანაში უნდა იყოს სასურსათო უსაფრთხოებისთვის, წამოსულია კლებისკენ“ - რა უნდა გაკეთდეს, რომ პური არ გაძვირდეს

access_time2021-12-07 20:00:00

„2-თვიანი მარაგები, რომელიც ქვეყანაში უნდა იყოს სასურსათო უსაფრთხოებისთვის, წამოსულია კლებისკენ“,- ამის შესახებ ხორბლისა და ფქვილის მწარმოებელთა ასოციაციის ხელმძღვანელმა რადიო „პალიტრისა“ და „პალიტრანიუსის“ გადაცემაში „საქმე“ ხორბლის გაძვირებაზე საუბრისას განაცხადა.



როგორც ლევან სილაგავამ აღნიშნა, იმ ფონზე, როდესაც ქვეყანაში ხორბლის იმპორტი შემცირდა 40%-ით, ფქვილის იმპორტი 6-ჯერ გაიზარდა.



„საქართველოში, სამწუხაროდ, მიმდინარეობს ტენდენცია, როდესაც ფქვილის იმპორტი ანაცვლებს ხორბლის იმპორტს. შემიძლია გითხრათ, რომ იმის შემდეგ, რა გადაწყვეტილებაც იქნა მიღებული რუსეთის მიერ, მცურავი ბაჟის შემოღების შესახებ, ფქვილის იმპორტი გაზრდილია 6-ჯერ, ხორბლის იმპორტი შემცირებულია დაახლოებით, 40%-ით. ეს არის საკმაოდ საყურადღებო ციფრები. თუ ჩვენ საქსტატის გამოქვეყნებული სტატისტიკით შევხედავთ, ისინი ამას ანგარიშობენ წლის დასაწყისიდან, იმიტომ, რომ კლასიკური წელი არის 1-ლი იანვრიდან 1-ელ იანვრამდე, ის დრამატიზმი, რომელიც დღეს ბაზარზე ხდება აქ არ შეიმჩნევა, რადგან სტატისტიკის ნიველირება ხდება იანვრიდან დაწყებული და გამოქვეყნებულია, რომ ფქვილის იმპორტი გაზრდილია 2-ჯერ. თუმცა, გადაწყვეტილების მიღებიდან და სეზონის დაწყებიდან, ფქვილის იმპორტი გაზრდილია 6-ჯერ. შესაბამისად, დღევანდელ სიტუაციაში, ეს რიცხვები არის საყურადღებო, როდესაც გარდამავალ პერიოდში 2-თვიანი მარაგები, რომელიც ქვეყანაში უნდა იყოს სასურსათო უსაფრთხოებისთვის, წამოსულია კლებისკენ. დღეს დაახლოებით არის თვენახევრის მარაგი. ეს არ არის კატასტროფული მდგომარეობა, მაგრამ საყურადღებოა“,- განაცხადა ლევან სილაგავამ.




კითხავზე რა უნდა გაკეთდეს იმისთვის, რომ ქვეყანაში პური არ გაძვირდეს, ხორბლისა და ფქვილის მწარმოებელთა ასოციაციის ხელმძღვანელი ამბობს:



„იმისთვის, რომ პურის ფასის შენარჩუნება მოხდეს, ჩვენი ხედვა არის ასეთი, პური უნდა ღირდეს იმდენი, რაც ღირს, როგორც სხვა პროდუქტი, მაგრამ იმ ფენებს, რომელსაც სჭირდება დაცვა, სოციალურად დაუცველებს ვგულისხმობ, კომპენსირება უნდა გაუკეთდეს.



შესაბამისად, თუ ავწონ-დავწონით, რომ ფქვილი იყოს ბაზარზე თუ ხორბალი, აქ ცალსახად ხორბალი უნდა იყოს წარმოდგენილი, რადგან ის ღირებულებათა ჯაჭვს ქმნის. წისქვილები ასაქმებენ ხალხს, ბიუჯეტში შეაქვთ, ქატოს გამოშვება ხდება და ა.შ. შესაბამისად, ბიუჯეტის შენატანებიდან, რომელიც წისქვილებს შეაქვთ, შესაძლებელია გამოყოფილი იყოს ის თანხა, რომელიც ფქვილის გაძვირების კომპენსაციის სახით იქნება გამოყენებული, იგივე იმ ხალხისთვის, ვისაც ეს სჭირდება. შედეგად, ბიუჯეტში ფული დარჩება კიდეც, წისქვილების შენატანი, რომელიც სხვა მრავალ პროგრამაში შეიძლება იყოს გამოყენებული. აქ უბრალოდ გადაწყვეტილებაა მისაღები იმისთვის, რომ ის უფსკრული, რომელიც არის ხორბლის და ფქვილის გადასახადზე (ფქვილზე ნულოვანი გადასახადია და 85 დოლარია უკვე ხორბლის იმპორტზე), გარკვეულწილად ნიველირებული იყოს იმისთვის, რომ სწორი კონკურენციული პირობები იყოს ფქვილის და ხორბლის იმპორტს შორის. შედეგად, ყველაფერი კარგად იქნება, ქვეყანაც მარაგებით იქნება წარმოდგენილი და ფასებიც სტაბილური იქნება, მსოფლიო ბაზრის შესაბამისად“,- განაცხადა ლევან სილაგავამ.


bpn.ge







სილქფესტი ორი დღით სასაუბრო და ინტერნეტ პაკეტებს შესთავაზებს მომხმარებლებს!

სილქფესტი ორი დღით სასაუბრო და ინტერნეტ პაკეტებს შესთავაზებს მომხმარებლებს!
access_time2022-01-22 17:48:07
სილქნეტს 22 და 23 იანვარს მრავალფეროვანი შეთავაზებები აქვს მობილური ქსელის მომხმარებლებისთვის. „სილქფესტის“ ხუთი განსხვავებული პაკეტიდან სასურველი პირობის გააქტიურებას ფიზიკური, იურიდიული პირები კომბინაციით *202# შეძლებენ: 300 წუთი - 5 ₾  5 GB + 100 წუთი - 7 ₾  700 წუთი - 9 ₾ 15 GB უსწრაფესი ინტერნეტი  - 10 ₾ 20 GB უსწრაფესი ინტერნეტი  - 12 ₾ მომხმარებელი არ...

ინფლაციის ყველაზე დიდი რისკი გეოპოლიტიკური არეულობაა - მოსაზრება

ინფლაციის ყველაზე დიდი რისკი გეოპოლიტიკური არეულობაა - მოსაზრება
access_time2022-01-22 19:00:32
ინფლაცია არ არის მხოლოდ ქვეყნის შიდა პრობლემა. შეერთებულ შტატებში წლიური ინფლაცია 7%-ს აღწევს, რაც ყველაზე მაღალი მაჩვენებელია ბოლო ოთხი ათწლეულის განმავლობაში. ეს საფრთხეს უქმნის ჯო ბაიდენის...

აშშ-ის “ლეტალური” სამხედრო დახმარება უკრაინაში ჩავიდა

აშშ-ის “ლეტალური” სამხედრო დახმარება უკრაინაში ჩავიდა
access_time2022-01-22 13:00:31
კიევში ამერიკის საელჩოს ცნობით, პარასკევს ღამით უკრაინაში აშშ-ის სამხედრო დახმარების მიწოდება დაიწყო, რაც ქვეყანას რუსეთის შესაძლო ინტერვენციისგან თავის დაცვაში...

რუსული "დიდება" ციფრებში - გიორგი ქადაგიძის მიმოხილვა

რუსული
access_time2022-01-22 18:00:58
დღევანდელ რუსეთს არ გააჩნია არანაირი ფინანსური, სამხედრო თუ ინტელექტუალური რესურსი აწარმოოს თუნდაც საშუალო მასშტაბის და ვადის სამხედრო კამპანია,“-ამის შესახებ ეროვნული ბანკის ყოფილი პრეზიდენტი გიორგი ქადაგიძე  სოციალურ ქსელში...

რა ხდება ქართულ პორტებში

რა ხდება ქართულ პორტებში
access_time2022-01-22 20:00:53
...


მსგავსი სიახლეები

up