16 ოქტომბერი მსოფლიო სურსათის დღეა

16 ოქტომბერი მსოფლიო სურსათის დღეა

access_time2021-10-16 10:31:32

16 ოქტომბერს საქართველოში, ისევე როგორ მსოფლიოს 150-ზე მეტ ქვეყანაში,„მსოფლიო სურსათის დღე“, გაეროს კალენდრის ერთ-ერთი ყველაზე მნიშვნელოვანი თარიღი აღინიშნება. გაეროს სურსათისა და სოფლის მეურნეობის ორგანიზაცია (FAO) ამ დღეს მსოფლიოს შეახსენებს იმ გლობალურ გამოწვევებს, რომელთა წინაშეც პლანეტის მოსახლება დგას.

 

როგორც FAO-ს ოფიციალურ განცხადებაშია ნათქვამი, წელს, მგდომარეობა განსაკუთრებით რთულია და გამომწვევი მიზეზებიც მრავლად არის.

 

„COVID-19-ით გამოწვეული პანდემია გლობალურ პრობლემად რჩება, იგრძნობა კლიმატის ცვლილების ზეგავლენა, ადამიანების სიცოცხლეს საფრთხე ემუქრება კონფლიქტებისა და ჰუმანიტარული კატასტროფების გამო. წლებია, სურსათის უსაფრთხოების პრობლემა არ ყოფილა ასეთი მწვავე“, - აცხადებს FAO-ს გენერალური დირექტორი, კუ დონჟუ.

 

პანდემიის პერიოდში დაახლოებით 100 მილიონით გაიზარდა მსოფლიოში იმ ადამიანების რიცხვი, ვისაც საკვებზე ხელი არ მიუწვდება. FAO-ს განახლებული მონაცემებით, მოშიმშილე ადამიანთა რაოდენობა 811 მილიონს აღწევს.პარადოქსია ის ფაქტი, რომ, რეალურად, მსოფლიოში საკმარისი რაოდენობის სურსათი იწარმოება, საიდანაც14% წარმოების პროცესში, ხოლო 17% მოხმარებისას იკარგება. ამას ემატება მავნებლებისა და დაავადებების ზემოქმედება, ბუნებრივი კატასტროფები, ბიომრავალფეროვნებისა და ჰაბიტატების განადგურება, კონფლიქტები და, შედეგად, შეუძლებელი ხდება პლანეტის მოსახლეობის დაპურება.

 


„FAO-მ, როგორც სურსათისა და სოფლის მეურნეობის მიმართულებით მომუშავე ლიდერმა ორგანიზაციამ, შეიმუშავა გარკვეული გეგმა, რომლის მიხედვითაც, გვჯერა, რომ შევძლებთ ამ გლობალური პრობლემების დაძლევას.

„ჩვენი მიზნები ამ დევიზში გავაერთიანეთ: უკეთესი წარმოება, უკეთესი კვება, უკეთესი გარემო და უკეთესი სიცოცხლე.ჩვენ დავსახეთ მომავალი 10 წლის სტრატეგიული გეგმა, გავწერეთ კონკრეტული ქმედებები, რომ ჩვენი დევიზი რეალობად ვაქციოთ“, - აცხადებს FAO-ს გენერალური დირექტორი.

 

„მსოფლიო სურსათის დღის“ გლობალურ აღნიშვნას უერთდება საქართველოში FAO-ს წარმომადგენლობაც და სურსათის უვნებლობის თემაზე ორკვირიან საინფორმაციო კამპანიას იწყებს.წელს  საქართველოში მსოფლიო სურსათის დღის მხარდამჭერი იქნება შეფი და კვების ტექნოლოგი ლუკა ნაჭყებია, რომელიც სურსათის უვნებლობის შესახებ ცნობიერების ამაღლების კამპანიაში ჩაერთვება.

 

„FAO-ს წარმომადგენლობა საქართველოში მსოფლიოსთან ერთად აღნიშნავს „მსოფლიო სურსათის დღეს“, რომელიც, ამავდროულად, ორგანიზაციის დაარსების დღეც გახლავთ. მოხარული ვარ, რომ FAO კვლავაც წარმატებით აგრძლებს თავის მრავალწლიან საქმიანობას საქართველოში და არ იშურებს ძალისხმევას, რომ თავის პარტნიორებთან თანამშრომლობით ხელი შეუწყოს ქვეყანაში მდგრად და კლიმატზე ორიენტირებული  აგროსასურსათო სისტემების შექმნას,ს, რაც მომავალში თითოეული ფერმერის, მწარმოებლის და მომხმარელის კეთილდღეობაზე აისახება“, -  აცხადებს მამუკა მესხი, FAO-ს წარმომადგენელი საქართველოში.

 

FAO-ს გათვლებით, 40-დან 50 მილიონ ა.შ.შ. დოლარამდე ყოველწლიური, მიზნობრივი ინვესტიციაა საჭირო, რომ 2030 წლისთვის მსოფლიოში შიმშილი აღმოიფხვრას. მიზნობრივი ინტერვენციებით შესაძლებელი იქნება ფერმების ტექნოლოგიურად უკეთესი აღჭურვა, ინოვაციების შეტანა ციფრულ სოფლის მეურნეობაში, ქალებისთვის მეტი ცოდნის გაზიარება და ა.შ. ამასთანავე, საჭიროა მონაცემთა უკეთესი შეგროვება, ძლიერი ინსტიტუციები და უკეთესი მმართველობა.

 

„მსოფლიო სურსათის დღეს“ FAO მოუწოდებს თითოეულ ადამიანს, შეიტანოს წვლილი აგროსასურსათო სისტემების გარდაქმნაში და მიიღოს პასუხისმგებლიანი გადაწყვეტილებები სურსათის ყიდვისა და მოხმარების პროცესში - უპირატესობა მიანიჭოს ადგილობრივ, სეზონურ პროდუქტს და მინიმუმამდე დაყვანოს სასურსათო ნარჩენებისა და დანაკარგების ოდენობა.






ლარის კურსი დოლართან და ევროსთან გამყარდა, რუბლთან გაუფასურდა

ლარის კურსი დოლართან და ევროსთან გამყარდა, რუბლთან გაუფასურდა
access_time2021-12-03 18:00:48
3 დეკემბრის ვაჭრობის შედეგად ლარი აშშ დოლართან მიმართებაში 0.73 თეთრით 3.1210-მდე გამყარდა. Bloomberg-ის პლატფორმაზე დღის ბოლოს კურსმა 3.1093 შეადგინა. საერთაშორისო ვალუტებიდან ლარი ევროსთან 1.39 თეთრით 3.5302-მდე, ბრიტანულ ფუნტთან 2.16 თეთრით 4.1447-მდე, ხოლო აზერბაიჯანულ მანათთან 0.46 თეთრით 1.8375-მდე, ლარი თურქულ ლირასთან 0.40 თეთრით 0.2291-მდე, 1000 სომხურ დრამთან 5.39 თეთრით 6.3327-მდე გამყარდა. 100 რუსულ...

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება
access_time2021-12-03 15:32:51
სადაზღვევო კომპანიები მოსახლეობისთვის მედიკამენტების ხელმისაწვდომობის გაზრდის მიზნით ინიციატივით გამოდიან. ისინი მთავრობას სთავაზობენ, მედიკამენტების ფასების რეგულირების ნაცვლად, სხვა სახის გადაწყვეტილებები იქნას მიღებული. მათი ნაწილის ინიციატივა შემდეგია: როგორც ცნობილია, 2017 წლიდან „საყოველთაო ჯანდაცვის“ პროგრამაში ცვლილებები შევიდა და დიფერენცირებული პაკეტები მოქმედებს. კერძოდ, ყოველთვიურად 1000 ლარზე ნაკლები შემოსავლის მქონე მოქალაქეები,...

დღის TOP10 საინტერესო ამბავი

დღის TOP10 საინტერესო ამბავი
access_time2021-12-03 21:00:10
დღის TOP10 საინტერესო ამბავი:     1. თემურ ჭიჭინაძე ენერგოკომპანიებთან დადებული ხელშეკრულებების გადახედვას ითხოვს ენერგომომარაგების ხელშეკრულებების უმეტესობა გაუმჭვირვალობის გამო უამრავ კითხვას აჩენს. ეს მხოლოდ ტარიფებს არ ეხება,  ენერგეტიკოსი თემურ ჭიჭინაძე აცხადებს, რომ თავიდან ბოლომდე  ეჭვს იწვევს როგორც ჰესების...

საქართველოში, მხოლოდ გრატოს სათბურებში მოყვანილი, შობის ვარსკვლავი

საქართველოში, მხოლოდ გრატოს სათბურებში მოყვანილი, შობის ვარსკვლავი
access_time2021-12-03 14:55:22
გრატო, ერთადერთი სათბურია საქართველოში, რომელსაც 10 წელია შობის ვარსკვლავი ადგილზე მოჰყავს. პოინსეტია ტროპიკული მცენარეა, ამიტომ მას ესაჭიროება კონკრეტული პირობების შექმნა, რაც გრატოს სათბურებში მაქსიმალურად არის მიღწეული. გრატოს სათბურებში, მცენარეებს, ჩითილის ფაზიდანვე უტარდება მუდმივი, ყოველკვირეული კონტროლი მავნებელ-დაავადებებზე. ვინაიდან, მათი ერთ-ერთი უმნიშვნელოვანესი ამოცანაა, მომხმარებელს მიაწოდონ ჯანმრთელი და ხარისხიანი მცენარე. ასევე, პოინსეტიას...

სამომხმარებლო კალათაში შემავალი 305 დასახელების პროდუქტიდან 270 გაძვირდა

სამომხმარებლო კალათაში შემავალი 305 დასახელების პროდუქტიდან 270 გაძვირდა
access_time2021-12-03 14:30:17
ნოემბერში საქართველოში ინფლაციის წლიურმა განაკვეთმა 12.5% შეადგინა, თუმცა ცალკეულ პროდუქციაზე ფასები ბევრად უფრო მეტად გაიზარდა. სამომხმარებლო კალათაში შესული 305 დასახელების პროდუქტიდან და მომსახურებიდან 270 შემთხვევაში ფასები გაიზარდა, 10 დასახელების პროდუქტზე უცვლელად შენარჩუნდა 25 შემთხვევაში კი შემცირდა.   ბოლო ერთ წელიწადში თევზის კონსერვი და მოხარშული ძეხვი 13-13 პროცენტით გაძვირდა, შოკოლადი, ნიგოზი, ბანანი და კარაქი 14-14 პროცენტით, შებოლილი ხორცი 16%-ით, სულგუნი...


მსგავსი სიახლეები

up