ერთობლივი სადამკვირვებლო მისიის ინფორმაციით, იმ უბნებზე სადაც ორგანიზაცია დაკვირვებას ახორციელებს, კენჭისყრის პროცესი უმეტესად მშვიდ და ორგანიზებულ გარემოში მიმდინარეობს თუმცა, დაფიქსირდა მცირე პროცედურული ხასიათის დარღვევები, კერძოდ:
● კენჭისყრის შენობის შესასვლელიდან 25 მეტრის მანძილზე სააგიტაციო მასალის განთავსება - ქუთაისის ერთ-ერთ საარჩევნო უბანზე;
● საარჩევნო დოკუმენტაციის დაზიანების და პროცესისთვის ხელის შეშლის მცდელობა - გორის ერთ-ერთ საარჩევნო უბანზე. თუმცა პოლიცია იქნა გამოძახებული და შემთხვევა ადგილზე აღმოიფხვრა;
● დადგენილ რაოდენობაზე მეტი ბიულეტენის გაცემის ფაქტი - ბათუმის მაჟორიტარულ ოლქში ერთ-ერთ საარჩევნო უბანზე;
● მედიის წარმომადგენლის მხრიდან საარჩევნო კომისიის საქმიანობაში ჩარევის მცდელობა (მედია ცენტრი „ღია აფხაზეთისათვის“) - ოზურგეთის ერთ-ერთ საარჩევნო უბანზე;
● ფოტოვიდეოგადაღების წესის დარღვევა - ზუგდიდის მაჟორიტარულ ოლქში ერთ-ერთ საარჩევნო უბანზე;
● ამომრჩევლისთვის კონვერტის მიწოდების ფაქტები - რუსთავის და გარდაბანის მაჟორიტარულ ოლქში შემავალ საარჩევნო უბანზე;
● საარჩევნო კომისიის მუშაობისთვის ხელის შეშლის და დაპირისპირების ფაქტი - ოზურგეთის ერთ-ერთ საარჩევნო უბანზე;
● ხმის მიცემის უფლების შეზღუდვის მცდელობა (ამომრჩეველს სიაში დახვდა ხელმოწერა და ხმა არ მიაცემინეს) - მარნეულის ერთ-ერთ საარჩევნო უბანზე;
● პირადობის მოწმობის გარეშე ხმის მიცემის მცდელობა - მარნეულის ერთ-ერთ საარჩევნო უბანზე;
● სხვა ამომრჩევლის პირადობის მოწმობით ხმის მიცემის მცდელობა - მარნეულის ერთ-ერთ
საარჩევნო უბანზე;
● კომისიის წევრების მხრიდან საარჩევნო უბნის ტერიტორიის დატოვების ფაქტები - მარნეულის ერთ-ერთ საარჩევნო უბანზე;
სხვა საყურადღებო ფაქტები:
1. რიგ საარჩევნო უბნებზე არ ხდება შენობაში შემსვლელ უფლებამოსილ პირთა თერმოსკრინინგი, უსაფრთხო დისტანციის დაცვა და იდენტიფიცირების მიზნით პირბადის დროებით მოხსნაზე მითითება. რეგისტრატორები ამომრჩევლებზე გასცემს ბიულეტენებს პირბადის მოხსნის გარეშე. აღნიშნული უმეტესად დაფიქსირდა დიდუბის, რუსთავის, ქუთაისის და ოზურგეთის მაჟორიტარულ ოლქში შემავალ საარჩევნო უბნებზე.
აგრეთვე მარნეულის ოლქის რიგ საარჩევნო უბნებში კომისიის წევრები და სხვა უფლებამოსილი
პირები კენჭისყრის შენობაში იმყოფებიან პირბადის გარეშე.
მნიშვნელოვანია საუბნო საარჩევნო კომისიების მიერ COVID-19 ინფექციის გავრცელების
პრევენციის მიზნით მოხდეს ცესკოს მიერ დადგენილი წესების სრულფასოვანი შესრულება.
საქართველოს პარლამენტის
არჩევნები 31 ოქტომბერი, 2020 წელი
2. ჩვენი დამკვირვებლების მხრიდან დაფიქსირდა ერთ-ერთი მედია საშუალების
წარმომადგენლების („newpost ნიუპოსტი) მხრიდან საარჩევნო უბნებზე ხმის მიმცემი
ამომრჩევლების ფოტო იდენტიფიცირების ფაქტები, ეს უკანასკნელი არჩევნებზე მისულ პირთა
იდენტიფიცირების საშუალებას იძლევა და ფარული კენჭისყრის უფლების დარღვევას
წარმოადგენს. აღნიშნული ფაქტები უმეტესად დაფიქსირდა ოზურგეთის და გლდანი
მაჟორიტარული ოლქში შემავალ საარჩევნო უბნებზე.
აღნიშნულთან დაკავშირებით განცხადება აგრეთვე გავრცელდა სხვა სადამკვირვებლო
ორგანიზაციების მხრიდან.
3. კვლავ გრძელდება მანკიერი პრაქტიკა და საარჩევნო სუბიექტის აქტივისტების, ეგრეთ წოდებული
"კოორდინატორების", მობილიზების შემთხვევები საარჩევნო უბნების მიმდებარე ტერიტორიაზე,
რომლებიც "ჟურნალში" კონკრეტული საარჩევნო სუბიექტების მხარდამჭერების აღრიცხვას
აწარმოებდნენ. აღნიშნული დაფიქსირდა გორის, ზუგდიდისა და მცხეთის მაჟორიტარულ
სარჩევნო ოლქებში.
განვითარებისა და დემოკრატიის ცენტრი (CDD) საქართველოს პარლამენტის 2020 წლის 31 ოქტომბრის
არჩევნებს, საერთაშორისო ორგანიზაცია დემოკრატიის, მედიისა და კულტურული გაცვლის
ინსტიტუტთან (IDEM) პარტნიორობით, ერთობლივი სადამკვირვებლო მისიით აკვირდება. 100 კაციანი
ერთობლივი სადამკვირვებლო მისია კენჭისყრის დღის მონიტორინგს დამკვირვებელთა მობილური
ჯგუფების მეშვეობით ახორციელებს. მობილური ჯგუფები აკვირდებიან საარჩევნო უბნის გახსნის, კენჭისყრისა და ხმის დათვლის პროცესს, როგორც საქართველოს 10-ივე რეგიონში, აგრეთვე
საზღვარგარეთ გახსნილ საარჩევნო უბნებზე (აშშ-სა და ევროკავშირის წევრ სახელმწიფოებში).
სადამკვირვებლო მისიის პრინციპებია: კანონის უზენაესობის პატივისცემა; დამოუკიდებლობა; მიუკერძოებლობა; სიზუსტე; გამჭვირვალობა; თანამშრომლობა და პროფესიონალიზმი.
CDD-ში ფუნქციონირებს არჩევნების დღის ცხელი ხაზი (551 706 706), რომლის მეშვეობით, მოქალაქეებს, შეუძლიათ სამართლებრივი კონსულტაციების მიღება კენჭისყრის პროცედურებთან დაკავშირებით.
ასევე, ცხელი ხაზის მეშვეობით ჟურნალისტებსა და მედია ორგანიზაციებს შეუძლიათ მიიღონ ინფორმაცია და იურიდიული კონსულტაცია საარჩევნო პროცედურების, კენჭისყრის დღის
დარღვევებისა და მათზე რეაგირების გზების შესახებ. ასევე, შეეძლებათ მოგვაწოდონ ინფორმაცია მათ მიერ კენჭისყრის დღეს დაფიქსირებული დარღვევების შესახებ.
სადამკვირვებლო მისია
