ინფორმაციის თავისუფლების განვითარების ინსტიტუტის (IDFI) ახალი კვლევის თანახმად 15 დეპუტატის მიერ 2019 წელს დაფარული მანძილი 50 000 კილომეტრს აღემატებოდა.
კვლევის ფარგლებში IDFI – მ საქართველოს პარლამენტიდან 2018-2020 წლებში საქართველოს პარლამენტზე განპიროვნებული ავტომობილების მიერ მოხმარებული საწვავისა და გავლილი კილომეტრაჟის შესახებ ინფორმაცია გამოითხოვა.
აღნიშნული კვლევის პერიოდი ემთხვევა კორონავირუსის პანდემიის შედეგად საქართველოში დაწესებულ საგანგებო მდგომარეობას და კომენდანტის საათს, როდესაც მნიშვნელოვნად იყო შეზღუდული ავტომობილებით გადაადგილება.
საქართველოს პარლამენტის წევრების უმრავლესობაზე განპირვნებულია TOYOTA CAMRY- ის მოდელის ავტომობილები, რომლებიც 2015 წელს არის შესყიდული და თითოეულის ფასი 70,425 ლარს შეადგენს.
„შესაბამისად, წლების განმავლობაში პარლამენტარების მიერ მოხმარებული საწვავის და გავლილი კილომეტრაჟის მაჩვენებელების ტენდენციების ანალიზი, უმეტესწილად წარმოდგენილია ერთი და იგივე ავტომობილით სარგებლობის პირობებში. აღნიშნული გარემოება იძლევა პარლამენტარების მიერ ავტოპარკის ოპტიმალური განკარგვის მეტი სიზუსტით შეფასების შესაძლებლობას.“ - IDFI
კვლევაში ვკითხულობთ, რომ კომიტეტის ყოფილი თავჯდომარემ აკაკი ზოიძემ ორივე წელს 7000 ლიტრზე მეტი საწვავი მოიხმარა ხოლო ევროპასთან ინტეგრაციის კომიტეტის ყოფილმა თავჯდომარემ თამარ ხულორდავამ და ააგრარულ საკითხთა კომიტეტის თავჯდომარემ ოთარ დანელიამ 2019 წელს დაახლოებით 50 % ით მეტი საწვავი მოიხმარეს ვიდრე 2018 წელს
„პარლამენტის თავმჯდომარეზე განპიროვნებულია ორი ავტომობილი. ორივე ავტომობილის ხარჯის შეჯამების შემთხვევაში, ვიღებთ ყველა დეპუტატზე მაღალ მაჩვენებელს. 2018 წელს, როდესაც თავმჯდომარის პოზიციას ირაკლი კობახიძე იკავებდა, მასზე განპიროვნებულმა ავტომობილებმა ჯამში 12,197 ლიტრი საწვავი მოიხმარეს, ხოლო 2019 წელს 8,235 ლიტრი (მოქმედი თავმჯდომარე: არჩილ თალაკვაძე)“ - IDFI
პარლამენტიდან მიღებული მონაცემების თანახმად დეპუტატებზე განპიროვნებული ავტომობილების წვის საშუალო მაჩვენებელი 100 კილომეტრზე 7,5 იდან 16 ლიტრამდე მერყეობდა, გამონაკლისია, მხოლოდ HYUNDAI IONIQ HYBRID, რომელიც მხოლოდ 4,7 ლიტრ საწვავს მოიხმარს და შედეგად 2019 წლის საწვავის ხარჯმაც 2000 ლიტრამდე შეადგინა.
„მიუხედავად იმისა რომ კახა კუჭავამ ამ წელს 43,000-მდე კილომეტრი დაფარა (ანალოგიურ მანძილზე, სხვა დეპუტატებმა 4,000-იდან 7,000 ლიტრამდე საწვავი მოიხმარეს). ყველაზე მაღალი მაჩვენებლით გამოირჩევა პარლამენტის თავმჯდომარეზე განპიროვნებული MERCEDES BENZ S 350 L, რომელიც 2019 წელს 100 კილომეტრზე 16.1 ლიტრ საწვავს მოიხმარდა, ხოლო 2018 წელს 22.1 ლიტრს. - IDFI
IDFI - ის კვლევის ძირითათი მიგნენებია
- საგანგებო მდგომარეობით დაწესებული შეზღუდვების მიუხედავად, სხვადასხვა დეპუტატზე განპიროვნებულმა ავტომობილებმა (მაგ. დიმიტრი ხუნდაძე, გიორგი წერეთელი, გოჩა ენუქიძე, ირმა ინაშვილი, რატი იონათამიშვილი) საგანგებო მდგომარეობის პერიოდში უფრო მეტი საწვავი მოიხმარეს, ვიდრე წინა წლის იგივე თვეებში.
- 2019 წელს ყველაზე მეტი საწვავი ილია ნაკაშიძემ (7,791 ლიტრი), ირაკლი კოვზანაძემ (7,197 ლიტრი), აკაკი ზოიძემ (7,071 ლიტრი), მამუკა მდინარაძემ (7,015 ლიტრი) და ზაზა გაბუნიამ (6,771 ლიტრი) მოიხმარა. მათ მიერ მოხმარებული საწვავი აღემატება ან/და დაახლოებით იგივე ნიშნულზეა რაც 2018 წელს, როცა პარლამენტი ქუთაისში ფუნქციონირებდა.
- 2019 წელს (პარლამენტის ქუთაისიდან თბილისში გადმოსვლის შემდეგ), წინა წელთან შედარებით, დეპუტატების მიერ მოხმარებული საწვავი მხოლოდ 14%-ით შემცირდა
“საქართველოს პარლამენტის ბალანსზე რიცხული ერთი ჰიბრიდული ავტომობილის მაგალითზეც, თვალსაჩინოა მსგავსი ავტომობილების უპირატესობა მათი ეკონომიურობის თვალსაზრისით. კერძოდ, სხვა ნებისმიერი პარლამენტის ბალანსზე დარიცხული ავტომობილის საშუალო წვის მაჩვენებელი მინიმუმ ორჯერ აღემატება ჰიბრიდული ავტომობილის მაჩვენებელს. შესაბამისად, პარლამენტის ავტოპარკის განახლებისას მიზანშეწონილია მსგავსი გარემოების გათვალისწინება და არჩევანის ეკონომიურ და ეკოლოგიურად სუფთა ავტომობილებზე გაკეთება.” - ვკითხულობთ IDFI - ის დასკვნაში