ენერგოეფექტური ეკონომიკის ამერიკულმა საბჭომ (ACEEE) მსოფლიოში ყველაზე ეკოლოგიურად სუფთა ავტომობილების რეიტინგი შეადგინა.
ექსპერტებმა 1000-ზე მეტი მოდელი შეისწავლეს, მათ შორის არა მხოლოდ ელექტროკარები, არამედ ჰიბრიდები და ჩვეულებრივი, ბენზინზე ან დიზელზე მომუშავე ავტომობილებიც იყო.
რეიტინგში შემავალი ყველა ავტომობილი 100-ბალიანი სისტემით შეფასდა, რაც უფრო მეტია ქულები, მით უფრო ეკოლოგიურად უსაფრთხოა მანქანა. სიის ზედა ნაწილში მყოფი 12 მოდელს შორის 7 ელექტრომობილია, დანარჩენი სხვადასხვა ტიპის ჰიბრიდები, რომლებიც ტრადიციულ ავტომობილებთან შედარებით ჰაერში გაცილებით ნაკლებ CO2-ს გამოყოფენ.
2021 წლის ეკოლოგიურად ყველაზე უსაფრთხო ავტომობილებია Hyundai Ioniq და MINI Cooper SE - ორივე ავტომობილმა 70 ქულა მიიღო.
ავტომწარმოებლები ელექტრომობილების ბაზარს აქტიურად ითვისებენ, მაგალითად, ამერიკული General Motors 2023 წლისთვის 23 მოდელს წარმოადგენს, ხოლო 2022 წლისთვის Jeep ყველა უკვე არსებული მოდელის ელექტრონულ ვარიანტს შექმნის.
ელექტრიფიკაცია ასევე დიდ ავტომობილების, პიკაპების და ჯიპებსაც შეეხება.
აღსანიშნავია, რომ ACEEE შეფასება არ შემოიფარგლება მხოლოდ გამონაბოლქვების მონიტორინგით. ექსპერტები ავტომობილების მთელი ექსპლუატაციის პერიოდის მანძილზე ატმოსფეროზე გავლენას აფასებენ, მათ შორის გათვალისწინებულია ისეთი ფაქტორები, როგორც უტილიზების პირობები, ენერგიის წყარო, წარმოების ნარჩენები, აკუმლატორის დატენვისთვის საჭირო ელექტროენერგიის გამომუშავების მიერ ბუნებისთვის მიყენებული ზიანი, და ა.შ.
იმის გამო, რომ ბევრ ავტომოყვარულს ელექტრომობილზე ან ჰიბრიდზე გადაჯდომა არ სურს, რეიტინგი ასევე ტრადიციული ავტომობილების ეკოლოგიურობასაც აფასებს, სიაში ისეთი დაბალლიტრაჟიანი მოდელებია, როგორც Chevrolet Spark, Kia Soul Eco, Toyota Sienna, Mazda MX-5, Mercedes-Benz GLA 250 და Volvo V90.
ბენზინზე და დიზელზე მომუშავე ავტომობილების ეკოლოგიურობის შეფასებას ისეთი პარამეტრები ემატება როგორც საწვავის ეკონომია, ჯანმრთელობაზე ზემოქმედება და სასათბურე გაზების გამოყოფა.
როგორც მოსალოდნელი იყო, რეიტინგის ბოლო ადგილებზეა ეკოლოგიურად ყველაზე „ბინძური“ მოდელები, ძირითადად დიდ ჯიპები, პიკაპები, და მაღალი კლასის ევროპული ავტომობილები.
12 ყველაზე ეკოლოგიურად სუფთა ავტომობილია:
1. Hyundai Ioniq Electric EV — 70 ქულა
2. MINI Cooper SE Hardtop EV - 70 ქულა
3. Toyota Prius Prime PHEV — 68 ქულა
4. BMW i3s EV — 68 ქულა
5. Nissan Leaf EV — 68 ქულა
6. Honda Clarity PHEV — 66 ქულა
7. Hyundai Kona Electric EV — 66 ქულა
8. Kia Soul Electric EV — 65 ქულა
9. Tesla Model 3 Standard Range Plus EV — 64 ქულა
10. Toyota RAV4 Prime PHEV — 64 ქულა
11. Toyota Corolla Hybrid HEV — 64 ქულა
12. Honda Insight HEV — 63 ქულა.
zza.delo.ua
მოამზადა თენგიზ აბლოთიამ